السلام عليكم خواتي عرسي بعد 20 يوم وما فصلت دراريع ناعمه انزل فيها عقب الدراريع الكشخه عفيه دلوووووووني على اماكن زينه والحضريات اللي توهم متزوجات شنو تلبسووون اذا نزلتو تحت عند حمولتكم للعلم انا ساكنه مع حمولتي الله يوفق اللي ترد ويباركلها بعيالها وزوجها واهلها وبكل شي يارب
هلا اختي الله يوفقج يارب ويتمم على خير بالنسبه للي ساكنين ويا حموله افضل شي دشداشه ما تكون خفيفه وشفافه عندج العربيد فيه دراريع ناعمه ومجمع الاوقاف ستي سنتر في محلات حق دراريه كشخه هذا الي اعرفه وان شا الله بنات يساعدونج
لله يبارك لج ويهنيج وتمم لكم وبالنسبة للملابس عندج ستي سنتر اخذي مثل النفنوف القصير او القميص ولبسي معاه لقن يعني مايطلع عليج غالي وخامته قطن والوان حلوة وعملي وفي بعد العربيد بالفروانية وبعد مجمع الخيمة اعتقد خلف جمعية الفروانية عندهم شغلات حلوة وانشاءالله تتوفقين
آنا عن نفسي اخذ الخام اللي يعجبني واطلع له موديل البدو والحضر يلبسون دراريع ناعمه لانها تطلع على اللبس رزه وذربه في محل الخام اللي ورا عطورات الفايز نسيت اسمه عنده خام اشكال والوان واسعاره معقوله اتمنى اكون فدتج والله يوفقج ولج ارق تحيه
اي صج شنو معنى انج خصيتي الحضر اهل حمولتج حضر يعني وبعدين العرس ما بقاله شئ العربيد احلا شئ ورخيص بعد الله يووفقج
نف س ماقالوا البنات العرابيد وخذي الوان حلوه فاتح مثل الواردي الاصفر انا احب جذي احسن يبرز اكثر ويلفت الانتباه ابعدي عن الدعم والالوان الغامجه مو حلوه ماشد الانتباه واخذ موديلات ناعم فيها دانتيل واكلفه ناعم طيحين الحين بالكلف او شرايط اخذي اشياء ناعمه ومريحه عشان تقدرين تحركين والله يوفقج يارب وتمم عليج بخير
في وحده اسمها ام عبدالله الجوري بعبدالله السالم بصراحه منقذه وتخلصلج بسرعه وعندها فناتق حلوه واخذي من الدراريع المصريه في واحد بمجمع سلمان الدبوس بفحيحيل تحت وايد حلوه دراريعه عنده الفخم وعنده الناعم حق الظهاري وفي عندج بعد الحمرا مول تحت حلوين وناعمين واذا تعرفين بيت العلاج بصباح الناصر دراريعها حللللللللللللوه
هلا والله الله يوفقج انشالله عندج العربيد متروس بس نصيحة لاتاخذين دراعة مطبوع عليها نقشة مثلا وردة او اي شي لانة لما كنت اجهز مع اختي لها فصلت وحدة ولما خذيناها مو ضابطين الطبعة واذية ع ما اضبطت ومحلات كارت ابلانش الي بمجمع الايوب والاوقاف حلوين اخذيلج دراعة طبقة وحدة وطبقتين بس كثري من بو طبقة وحدة وتقدرين تلبسين للتغيير بنطرون وبلوزة طويلة طبعا لون حلو وموديل حلو الخ
ليش دراريع؟؟ اخذيلج خامات سادة ومشيرة ناعمة فصليهم نفانيف طوال تحتهم لقنز او توبات سادة ناعمة على بناطرينج ..
