((( (تحويل مسار او تدبيس معدة )))) !!!؟؟؟

مايصير خاطرك الا طيب

راسلينا عالخاص نرتب لك موعد

سلامات

السلام عليكم
الله يعطيك العافية دكتور على الرد على استفساراتنا
دكتور انا وزني 90 وطولي 164 هل تصلح لي عملية التدبيس لان انا سويت ريجيم وتعبت كان وزني 120 ونزلت بس الحين ثبت ولا راضي ينزل بعد مع العلم اني اخذ بخاخ فنتولين للربو هل هذا فيه نسب من الكورتيزون يمكن اهي اللي مأثره على نزول الوزن وهل اقدر اسوي العملية

كتلة جسمك 33 فالعملية ما تصلح لك
الفنتولين ما فيه كورتيزون

ممكن انركب لك بالون معدة لو تبين بس نحتاج نشوفك اول ونقرر
سلامات

يعطيك العافية دكتور ومشكووور وايد على طول بالك معانا
انا حبييت اسالك شنو اللي يناسبني من عملية
انا من بعد الرجيم والحرمان وكل انواع حبوب التخسيس وزني وصل 96 وطولي 169 وهذا حدي لاني تعبت ولا لوزن راضي يتحرك شلي تنصحني في مع العلم اني لحمد اللة ما افكر احمل بعد
ومشكور اذيتك معاي

كتلة جسمك 33 يعني ماتصلح لك العمليات
ممكن تفكرين انحط لك بالون معدة بس مرضي كثير ما نفع معاهم

مرحبا دكتور
بليز استفسار: بنتي عمرها 13 سنة طولها 143 وزنها 85 تعبت معاها
تضعف لفترة اذا مشت على رجيم وبسرعة ترجع مرة ثانية ، مع العلم ان جينات
الاهل فيها سمنة يعني لازم لازم تسوي العملية فهل تقدر تسويها من
هالسن قبل لاتكبر وتزيد اكثر وتزيد امراضها؟ ولما سألت عرفت ان ممكن بامريكا اسوونها بهالسن
مع العلم انها تعاني من الربو وحساسية الصدر

ومشكور على الافادة وسعة الصدر

يعطييك العافية دكتور
انا وزني زايد ابي احمل وما اقدر بسبب زيادة وزني وكل ما اسوي رجيم بمشي عليه كم يوم بعديها احس بالملل وما اكمل بيلز دكتور ساعدني
ابي اعرف تكاليف العملية كم وهل هي للجنسية الكويتية فقط او ممكن اي جنسية اخرى
الرجــــاء سرعــة الرد

الرجـاء المساعدة انا وزني 115 وطولي 165 وابي اعرف اي عملية مناسبة لي ؟؟؟؟
وكم تكاليفها ؟؟؟

السلام عليكم دكتور انا وزني يمكن صاري 4شهور موراضي ينزل عن ال70اسوي رجيم مع العلم معي سكر وطولي 150 تقريبا ووزني فترات يصعد 71 72 ويرد 70وكنت اخذ جلوكوفاج بس صارلي شهرين قاطعتة متبعة حمية ولا نزل وزني شنو الحل برايك دكتور الله يعطيك العافية

مرحبا دكتور يعطيك الف عافيه انا سويت عمليه تحويل المسار من4سنين ولكن بعد ان نزل وزنى من 140 الى 80 وطولى 170 رجع مع مرور الوقت الى ان اصبح 122 وحاولت مرجعت كذا دكتور فى هذا المجال واكدوا جميعاا ان اعادة العملية فيها خطورة نتيجة الالتصاقات داخل البطن وضغط الدم المرتفع اتمنى ان تخبرنى اذا فى طريقة انزل من وزنى من دون العملية والف شكرر

السلام عليكم دكتور واتمنى انك اتردعلي بسرعه لان عمليتي راح اسويها السبت 15 الشهر عملية باي باس صراحه دكتور خرعتني تقول يمكن ينزل الوزن الى 50 او 40 وخرعتني بسالفة تآكل الاعصاب وزني 100 وطولي 159 ، يصير اغير نوع العمليه لما اوصل المستشفى راح اسويها بدار الشفاء اتمنى الرد بسرعه
حددددي خاااايفه وبنفس الوقت ابي اضعف عشان حياتي الزوجيه ترجع طبيعيه عمري 29

السلام عليكم ورحمة الله وبركاته
دكتورنا واخونا الكريم
تحيه طيبه
اولا : اثني عليك بالشكر واعلمك اننا نفتخر بوجود شخصيات مثقفه وواعيه وبهذا القدر من النجاح في مجتمعنا الكويتي
جزاك الله خير وباركالله فيك واكثر من امثالكالذين يتواجدون بهذا الملتقى لافادة الناس وجزاك الله عنا الف خير
ثانيا :
اريد استشارتك بخصوص عمليتي اخذت موعد بمستشفى العسكري عند الدكتور مبارك العجمي
واان انا في مشوار التحاليل المطوبه قبل مقابلة الدكتور
ولكن سؤالي الان
انني قمت بعملية الحلقه منذ 3 سنوات ولم اضيقا سوى مره واحده تزوجت وانجبت لا اعاني لله الحمد من شي في معدتي ولكن وزني قد زاد بعد الولاده بسبب شراهتي للحلويات بما انني لا استطيع ان ااكل اكلي الطبيعي
فهل سيقوم الدكتور بعمل ازالة الحلقه وتحويل المسار بعمليه واحده او ان هناك احتمال بان يزيل الحلقه ثم اجلس فتره ومن ثم عمليه اخرى هي تحويل المسار ؟
وهل النزول سيكون بطيء؟؟
وفي حالة ازالة الحلقه بدون عملية تحويل المسار هل سافقد وزن ؟؟ او انني لن يتغيير شي بمعدتي يمنعني عن الاكل ؟؟
وشكرا

كلميني عالتلفون 66121900

سوري من زحمة الشغل توني شفت سؤالك !!
ماانصحك بتحويل المسار علي وزنك هذا

الله يوفقك

تم الرد عالمكالمة

العملية ليست حكرا عالكويتيين
تكاليفها مجرد ثمن الدباسات 850 ودعامة للدباسات 400
بالنسبة لاي العمليات انسب سوي فحوصاتك مع طبيبك وبلغينا فيها وننصحك حسب الشي الصالح انشالله

كتلة جسمك 31
ماتصلح لك العمليات

تابعي مع دكتور للتغذية وحاولي تتحاشين العمليات

جزاك الله كل خير دكتور على تواصلك وردوك الطيبة للأخوات . . .

مشكووره عالاطراء الكريم من شخص كريم
موضوعك يحتاج الي نقاش مطول ليتسني لكي اتخاذ القرار المناسب
مرينا بالعيادة وراح نوضح لك الامور المتعلقه بهذا الجانب من جراحة السمنة
من الصعب نشرح هني
وماتشوفين شر انشالله

هلا بك اختنا العزيزة ام عبدالله

واحنا ما نستغني عن توجيهاتكم وملاحظاتكم عسي الله يخليكم ذخر للكويت واهلها

والف شكر عالمرور

مرحبا دكتور هذي اول مشاركه لي بكل المنتديات بس مشكلتي اني بسافر لندن اول شهر 6 وودي اسوي عملية التحوير لاني مليت من كل انواع الرجيم وزني 100 وطولي 159 بس بغيت اعرف عقب العملية كم يوم بظل في المستشفى زكم يوم بتعب وابي اسويها عندك يا ريت اعرف انت باي مستشفى وكم تكلف ونسيت اقولك اني معاي فتاق بعد