أولا :نــــــــبدأ بالحجـــوزات المطلوبـه:- حجز القاعـــه.. حجز المكياج والشعر (للعرس والحنا والصباحيه والهديــهـ) .. حجـز الكوشه والاضاءه.. حجزالتوزيعات.. حجز التصوير واختيار البوم العرس.. اختيار بطاقات الدعوه.. حجـز الفـرقه.. حجز الأمن ( تفتيش جوالات الكاميرا).. ثانيــا: قائمة مشتريات العروس :- الفساتين: 1-فستان الزواج ( تفصيل - ايجار- جاهز ).. 2-فستان الصباحيه.. 3- فستان الهديــه .. 4- فستان او فستانين زياده على حسب انتي شلوون.. الجلابيات: 1-طبعا تختلف الوحده عند بيت زوجها بتسكن تحتاج كميات من الجلابيات اكثــر .. يعني من 5 الى 10 جلابيات لاتكثرووون ......وفيه بنات مايحبون الجلابيات فلاتتعبون نفسكم.. 2- جلابية الحنــا أو فستانها ( طبعا شعبي).. قمصان النوم كل عروووس لاتكثر عن 15 قميص نووم لانها بتمل منهم وبعد الزواج بتشتري ... طبعا يتنوعون بين الطويل والقصير وبوفتحه والرئيـــــــيسي الي حق اول ليله يكون طويل ومستر ( مايمنع يكووون دانتيل وشفاف طبعا ) ولون العرايس المعتاد للون ليلة العرس هو السكري ودرجات البيج .. البجامات : تنوعون بين بجامات الحرير والشورتات والبجامات القطنيه ( بتحتاجونها ايام الدوره ) وبعد لاتكثروون يعني 10 كفايه .. وطبعا مايحتاج اوصي عالسليبرز عشان نكمل الطقم >> حركات...والارواب.. الملابس الداخليـــــه: من15 الى20 طقم.. ملابس البيت : طبعا ملابس الغرفه اقصد اوالبيت لوكنتي بروحج وتتنوع بين برمودات وتنانير قصيره وحركات دلع .. اخذوا الاشياء العمليه الدلوعه (شرايكم بالتعبير) عشان تنفعكــم .. ملابس السبورات : جنزات ... وتيشيرتات ... قمصان كشخه وعمليه ... حزامات ... وماالى ذلك.. البــدل والتنانير : تحتاجين من 4 الى 6 بدل كشخه لانج من عقب العرس بتجيييييج زيارات كثيره وبتحتاجينها .... وبعد بتحتاج التنانير الساده العمليــه .. العطورات والكريمــات : بتااخذينلك كذا كولكشن عطور مع كريماتهم + عطور عربيه (دهن عود ومخلطات وبخور) + عطور فرنسيه+ مسك المنطقه الحساسه.. الشنــــــط (الحقائب) : العرووس تحتاج الشنط كثيــر فلازم تكون حريصه انها تنوع وتاخذ ( شنطه او ثنتين عمليات لشهر العسل + شنط سهره بالالوان المهمه مثل الاسود الذهبي الفضي + شنط ماركــات راقيــه ) .... شنط لتجهيزاتك (طقم) + شنطة مكياج + شنطة للمجوهرات .. العبــــــايات : عدد 6 عبايات (أطقم طبعا) ( 3 راقيات للمناسبات + 3 عمليــات فيهم حركات خفيفه وممكن تفصلين وحده ساده ).. المكيـــاج : كريم أساس للسهرات: ( ديور). - كريم أساس للاستعمال اليومي: ( ذا بودي شوب). - أساس استوديو فيكس من (ماك). - بودرة مضغوطة من (كانيبو ). - بودرة مضغوطة للاستعمال اليومي ( ماكس فاكتور). - لووز باودر ( من شانيل). - مثبت مكياج ( جيفنشي). - كريم ترطيب قبل المكياج ( هذا للحين ما اخترته ومدري شو احسن نوع). - اللمعة دايموند باودر من ( ميك أب فور ايفير). -الكونسيلر تاتش أوف لايت من (ايف سان لوران ). - و الكونسيلر المتنوع الباليت الكامل من ( ميك آب فور ايفير). - قلم الكحل الأسود من لانكوم و ماك. - ماسكرا من استي لودر. - و ماسكرا هيبنوس من لانكوم. - الآي لاينر آرت لاينر من ( لانكوم). الشدو: بيق مينت من ماك للسهرات بآخذ ألوان معينة . مجموعة شدو منوعة بين المات و اللمعة و الكريمي من ماك و بن ناي و نوبا .. علبة الشدو الكاملة من مكياجي للاستعمال اليومي و الخفيف . البلاشر : نوبا و ماك. الأرواج و الجلوسات: ماك و نوبا و ميك اب فور ايفير و جيفنشي. فرش المكياج و قطع اسفنج : بودي شوب و ريد إيرث وماك . ومستحضر منظف للفرش من ماك. مثبت الشدو: من ماك رهيييييييب و يخلي اللون يثبت و ما ينثر على الوجه. - رموش :ماك.
مفــرش السريــر : راجع لك اختيار العدد بس اعتقد 2 كفايــه .. الذهب والمجوهــرات : نصيحه لكل عرووسه لاتكثرين من المجوهرات لان راح تجيك هدايا كثيره ... يعني تاخذين طقمين او 3 الماس وذهب ابيض .. طقم ذهب أصفر(طبعا لوانتي من محبين الذهب ممكن تاخذين اكثـر) .. والباقي نوعي بين كم خاتم وأساور لليد .. والشبكه ليوم العرس (طبعا مب شرط) .... الســاعات : ساعة ليلة العــرس ... وساعتين وحده عمليــه لشهرالعسل ووحده كشخه للزيارات وغيرها .. (( لوكان عندك ساعات من قبل العرس فماله داعي تكثريـن) .. الأحذيــه : تاخذين على ألوان الفساتين الي شريتيها + أحذيه بألوان أساسيه أسود-أبيض-بيج-فضي- + أحذيه عمليه لشهرالعـسل + أكيـــد حذاء ليلة العرس.. الأدوات والمستلزمات الثانويه : مجفف شعر (سشوار) + مكينة للحف + عدةأظافـر+ عدة خياطة+ حلاوه –شيره سويت (بكل اللغات ) + ملقط شعر + اكسسوارات الشعر + مكواة بخار + مشقر لشعرالجسم الاهتمــام والعنـــايه: حمامات مغربيه + عنايه بالجسم + رياضه + حل مشاكل البشره عند دكتور جلدي + حمامات زيت وبرامج عنايه بالشعــر + بادي كير ومانيكير +عنايه بالاسنان.. أغــــــــــراض ومستلزمات السوبرماركت (الجمعيه) ومحلات العنايه : صابون (للوجه + شور جل + للجسم ) + شامبـو + مقشرجسم + مزيل مكياج + كريمات عنايه + قطن للتنظيف + أعواد الأذن + أسيتون (مزيل المناكير) + أولويز (للدوره ) + كيرفري للاستخدام اليومي + غسول المنطقه الحساسه (ستيل أو كيرفري ) + سبراي شعر + جل شعر + كريم شعر (فاشكول ) + مناديل مزيله للمكياج + كلينكس ( للشنطه ) + كلينكس معطر + فحم سريع الاشتعال (للدخون ) + ليفه الجسـم + علكه للشنطه + زيت لوز ( لجفاف البشره ) + فرشاة أسنان + معجون + معطر جوللحمام الله يعزكم + ديودرنت+مجموعة عنايه على ذوقك .. مقتطفـــــــــات ( لاتنسي ) : *إعداد قائمة المعازيم من وقت شان ماتتعبين.. *تأكيد حجوزاتك قبل العرس بفتـــــره.. *تشاورين الناس القراب منك في الخطوات الي تسوينها لان النصايح مفيده.. *لوحجزتي شي (مكياج – شعر- حنا – كوشه ) وانتي مقتنعه وعاجبـك ... لااااتخلين احد يحيرك الي حجزتيه خلك عليه.. *حجز المكياج لاتحجزين لاشخاص كثير ماك عشان تاخذين راحتك ومايكون ضغط عالماكييره .. *خلي لك مبلغ بسيط من المهر ينفع لبعد العرس .. * لاتنسين الهدايا لخطيبك بين كل فتره وفتره (تقرب القلوب) >> طبعا عشان هو يجيب بعد هههه .. * قراء سورة البقره كامله يوم العرس .. * لبس الفستان والحذاء قبل العرس والتمرن على المشيه ويفضل مايكوون ثقيل عشان ماتتعبين .. * تبتعدين عن السهر عشان وجهك يكون منور يوم العرس.. * اكثار شرب الماء واكل الفواكه والاشياءا لمفيده (للبشره ) .. * لاتتوتريـــــــن ... ترى يقولون أيام التجهيز من أحلى الايـــام حتى لوكانت تعب.. يتبـــع ...دعواتكم لي بتسخير الزوج والذريه الصالحه (برنامج الخلطات)
ثانيا/ برنامج العنايه بالجسم والوجة: 1*خلطه قبل الاستحمام بساعتين عصير ليمونه واحده علبه جليسوليد ملعقه صغيره كركم الجسم فنجال جلسرين نص فنجان زيت لوز 2*جهزي خيمه السونا (ملاحظه اذا بتسوين بخار لازم ماتكوني توك ماكله ) واذاما عندك خيمه استبدليها بــ او 3*ادهني شعرك باي زيت تفضلينه ولفيه وانا ماافضل تحطين ع شعرك بيض ومايونيز لانه يتعفن في الشعر ويسبب تساقط الشعر وبعد ما تدهنين شعرك لفيه بفوطه 4*غسلي جسمك بصابونه البابايا بالقطع 5*بعدين حطي ع جسمك الصابون المغربي وله عده اشكال وانواع وانا افضل هذا النوع وجهزي الليفه المغربيه وبعدين دخلي خيمه السونا ربع ساعه خلي عندك ساعه بالحمام عشان تعرفين للوقت وطلعي من الخيمه غسلي جسمك بالماء واخذي الليفه بلليها ماء وافركي جسمك من تحت لفوق وادعكي بخخخخفه مو تخدشين جسمك وبتلاحظين يتساقط جلد ميت وهذي علامه النصر على السواد 6*واخلطي بيدك سنفره المشمش مع قليل من كركم الجسم وليس كركم الاكل انتبهوووااا وافركي فيها جسمك واخذي الليفه وافركي جسمك بشويييييش لا تشوهين جسمك ودخلي خيمه السونا عشر دقايق وطلعي غسلي جسمك بالماء 7*وضعي هذه الخلطه عباره عن هرده فنجال ماءورد عصير ليمونه 4 ملاعق زيت لوزمر ودخلي الخيمه خمس دقايق وطلعي وغسلي جسمك بالماء البارد عشان يغلق المسام 8*واعملي خلطه الصابونيه موجوده بالمنتديات وافركي بها جسمك وهي لمزيونه وشقرا 9*وفي الخطوه الاخيره اخذي ملح اليوكو هذا حبيبي لانه يرطب ويخليك زبده افركي فيه جسمك بحركات دائريه وغسلي جسمك بالماء >< حاولي تبتعدين عن الصابون واللوشن المعطر قدر الامكان لانه يسبب سواد>< وطلعي من الحمام 10*واخذيلك عصير فواكه طازج عشان تتغذى البشره وتعوضي السوائل اللي فقدتيها بالبخار واكلي صحن سلطه (كثررري من السطات بهالوقت والله تنعش البشره وتغذيها) الخطوه التاليه يتبع ,,,,,,, ادعووولي والله تعبت عليه
بعد الخروج من الحمام عزكم الله *ادهني جسمك ووجهك زيت لوز جلسويد الاحمر كريم فازلين ودهني اصابعك وايدك منها *الاقدام يقال انك اذا تريد ان تعرف نظافه المرأه واهتمامها بنفسها انظر الى قدماها اذاكانت ناعمه ونظيفه فهي كذلك الحين نجي للاقدام انتي توك فاركتهم ومسنفرتهم بالحمام البخار سوي هالخلطه لقدماك وهي نفس الخلطه اللي فوق بتاعه بعد الحمام لكن ضيفي عليها نصف ليمونه وفازلين العادي الجامد وبعد ما تدهنيهم لفيهم ببلاستيك عشان تترطب اكثر او ايكيس بلاستيك ناعم والبسي الجوارب ويفضل تسوينها قبل النوم.. يتبع........
* زهره الربيع المسائيه انصح كل عروس تاخذ حبوب زهره الربيع المسائيه مرتين باليوم بعد الوجبات لانها تصفي البشره وتعطيها بريق شوفي فوائدها بكلام البنات بالمنتديات واذا مو حابه تاكلينها اخذي كبسوله وغزيهابدبوس واخذي السائل ودهني فيه وجهك يتبع........ ادعوووولي *خيار خيالي من بنت عذاري وهذي خلطه روعه عن تجربه تنعش البشره 1. حبتين خيار طازج ويكون محلى للتاكد من جودته 2. 3ملاعق أكل ماء ورد 3. 3 نقط زيت جنين القمح ( اذا لم يتوفر ممكن الاستعاضه عنه بزيت اللوز الحلو) 4. كبسولة فيتامين E.. 5. زجاجه محكمة الاغلاق للحفظ 6. قطن الدوائر المضغوط المستخدم لتنظيف المكياج الطريقه: 1. نقشر الخيار ونزيل الطبقه الخضراء منه ونترك حجم نصف اصبع من هذه الطبقه 2. نكون مجهزين الخلاط (خلاط العصير) 3. ونقطع الخيار شرائح رقيقه ونضع اولا ماء الورد ثم شرائح الخيار وتخلط جيدا حتى تصبح بيوريه 4. بعد ان يختلط نفتح الخلاط ونفتح كبسولة الفيتامين ونعصر محتواها فى الخلاط+زيت جنين القمح او اللوز. 5. ويخلط الجميع لمدة ثوانى وبعد ان نفتح الخلاط ناخذ الشبك(شبك الشاى) او شاش او مشخال (كل اللغات ) 6. ونستخلص العصير الاخضر الصافى من الخليط مع كبس البيوريه بملعقه حتى انزل كل القيمه اللى فيه 7. ونضع البيوريه( الجزء الغليظ من العصير) فى زبديه صغيرونه 8. نحضر الزجاجه التى لها غطاء محكم عن الهواء ونضع ملعقة من البيوريه تحت فى قاع الزجاجه 9. وناخذ قطنه ونضعها على البيوريه بدون كبسها او الضغط عليها وبالملعقه نصب عليها العصير الصافى 10. ونأتى بقطنه ثانيه وبنفس الطريقه ونصب بدون لمس القطن او الضغط عليها 11. حتى تمتلىء كل الزجاجه بالقطن المغمور فى عصير الخيار ونتاكد من وجود فجوة بين القطن الاخير والغطاء للزجاجه. 12. وتغطى ليوم وتحفظ فى الثلاجه طبعا وهكذا جهز الخيار الخيالى من بنت عذارى الآن طريقة الاستخدام: •كل يوم بعد ان تصحى يا قمر من السرير اول شىء تلمسيه قبل الاستحمام هو الخيار الخيالى وتمسحى كل الوجه بالقطنه بحركة من أسفل الذقن وانتى صاعده على الخدود ومن داخل زوايا الانف للخارج ناحية الاذن •ويكرر هذا قبل النوم ويترك بدون غسل •وللعين والهالات كل يوم الظهر ناخذ بعد الاستحمام قطنتين وتوضع على العينين وانتى مغمضه وتترك 20 دقيقة وفى نفس الوقت بتكون قيلوله لأراحه العين ومحيطها وفى نفس الوقت علاج وتفتيح. حبيباتى مع الاستخدام بتلاحظون البشرة شىء ثانى ومحيط العين مثل الطفل من نعومته ولونه والحلو فى الخيار الخيالى اننا نستفيد من كل محتوياته لانه معصور وبنحصل على فوائده لاقصى حد. هذا بالاضافه للزيوت الغنيه بفيتامين E المسؤوله عن شباب البشرة ومحيط العين وفى نفس الوقت تبيض المنطقه..والقطن ماهو الا وسيط لحفظ قيمة الخيار والمواد الثانيه وممكن تشكيله على شكل العين وتحدبها . أتمنى من الجميع تحضير هذى الوصفه وحفظها دائما فى الثلاجه واستخدامها بعد النوم وقبل الذهاب الى السرير والاهم لا يشطف الوجه بعدها . يتبـــــــــــــــع
* بخي وجهك بماء الورد باي وقت ماء الورد له فوائد كثيره ينعم وينظف ويغذي البشره المطلوب: بخاخ بوريالين او بوميه وتحطين داخله ماي ورد وضعي القرشه بالقرب منك او بجانب اللاب توب او بحقيبتك وانتي صاعده او نازله بخي ع وجهك,,,,,,,,,, يتبع ....... لا تنسووني بدعواتكم *كريم ماجيك وما ادراك ما كريم ماجيك قبل النوم نظفي وجهك بالاسكنول وذلك بالدعك برقه بالقطن وغسل الوجه بالصابونه السحريه وبعدين ضعي كريم ماجيك الاصلي وهذي صورته ومصنوع بالرياض ونووووم العافيه
*صحيتي من النوم.... صباحك ورد ومسك وعسل امسحي وجهك بخلطه خيار خيالي من بنت عذاري موجود بالصفحه الاولى وبعد ساعات من النهار ضعي هذا الماسك فنجال شوفان فنجال لوز مطحون فنجال عسل طبيعي اخلطي المقادير بالخلاط الكهربائي وضعيها على وجهك لمده نصف ساعه وبعدها ادعكي وجهك بخفه هالماسك خطططير وهذا تستعمله مرت دكتور فيل ويعتبر سر من اسرار جمالها يتبـــــــــــع .......... * استحمام اليوم الثاني....... ضعي خلطه بياض الثلج قبل الاستحمام بساعتين ومكوناتها صابونه غار ماء ورد 2 ملعقه كركم للجسم كريم جليسوليد السائل علبه كبيره كريم جلسرين علبه صغيره فنجان شاي (بياله) زيت خروع وزيت اللوز المر وزيت الزيتون الصبونه تبشريها وتنقعيها الليل كله بماء الورد حوالي كوب وتتركيها لليوم الثاني اليوم الثاني تضيفي بقيت المقادير مع الصابونه بالخلاط وتحطيها في علبه قزاز بالثلاجه يوم كامل وتبدئ بالخلطه اليوم اللي بعده وتتركيها على الجسم حوالي ساعتين مو أقل بعد كذا تتحممي وتستخدمي صابونه الببايا من عند العطار وتفركي جسمك كويس وبعد الحمام أفركي جسمك وشوفي الي حيصير أول يوم
*الحمام المغربي اجعليه مره كل اسبوع يعني بشهر تسوي 4 حمامات مغربيه واستعملي في كل استحماماتك اليوميه كل الخلطات حقت الاستحمام ما عدا خيمه البخار تستعمليها مره بالاسبووع فقط لا غير.... يتبـــــــع خلطات عطريه للعروس خلطة خاصة: المقادير: تولة دهن العود / تولة زعفران اصفر / نصف تولة روح الورد / تولة عرق العنبر / تولة موتيا / تولة فيجي البحرين / نصف تولة فل البانيان الطريقة: يوضع داخل الخلطة قطع من العنبر الأسود المذاب في داخل الدهن الورد خلطة خاصة لجسم العروس: المقادير: نصف تولة مخلط دهن العود / نصف تولة صندل / نصفتولة دهن العود العادي / نصف تولة دهن العود العمومي / الطريقة: تخلط جميعالعطور مع الكريم اللوشن (أي ماركه) ويوضع على جسم العروس الخلطة الثانية لجسم العروس: المقادير: علبة كريم اسكيب Escape / ربع تولة دهن العود الطريقة: يخلط دهن العود مع كريم اسكيب ويدهن به جسم العروس خلطة خاصة لشعر العروس: المقادير: خمس ملاعقمسك الطياره / تولة دهن العود / تولة عرق العنبر خلطة خاصة لفراش العروس: المقادير: ماء لوشن ابو البنت / عطرياسمين / ماء الريحان / قطرات من روح الورد / قطرات من الفل / ثلاث ملاعق مسك بودره / قليل من ماء الورد / تولة دانة الدنيا
زين يا عروس بشرتك انترست حبوب او طلعتلك حبه وقلت نووو مو وقته الحل بخاخ حطي داخله ماي ومنقوع المره وهذي صوره المره تلاقونها عند العطار وبخي على قطنه وامسحي فيها الحبوب لان المره تنشف (للامانه الموضوع منقول وشكر للاخت صاحبه الموضوع وجزاه الله خيرا)
مشكوره على المعلومه وما قصرتي كفيتي ووفيتي يالغاليه وإن شاءالله اسوي اللي قلتي عنه اذا تزوجت ادعيلي<<<<<<مستعيله لوووووووووول:teeth_smile:
