مادري بنات مساع قريت مقاله بأحدى المنتديات عن المرأه المتزوجه اللي تنام في بيت اهلها[/ ومن اهم سلبياتها اللي شدت انتباهي:انها تباعد المسافه بين الازواج000 شرايكم بنات مو كل وحده فينا تحتاج انها تفج شويه عن زوجها لو مره او مرتين بالشهر؟؟؟؟؟؟؟بصراحه انا ما زور اهلي الا مره بالاسبوع بحكم بعد المسافه ومرات كثيره انام عندهم بس هالمقاله خوفتني مع اني ولله الحمد ما حس باي تباعد بيني وبين زوجي شرااااااااااااااااااااااااااااااااااااااايكم؟؟؟
والله انا عن نفسي اناام عند اهلي ولله الحمد حيااتي مستقره لي سبع سنواات وصدقيني اللي يبي يخووون يخوون لو شنوو اعرف لي وحده لاازقه بزوجهااا لزقه وهو بنفسه صار يناام مرات بالصااله ويخوونهااا يعني ماله شغل الهااااااااااااااااااااادي الله والله الرجااال ماينعرف لهم لو شنو سويتي يبقوون سر كبييير اهم شي الوحده تفكر برااحتها النفسيه وتفج شويه عنه .. وانا بصراااحه امي لهاا علي حق نومتي عند اهلي عشااان خاطرهااا وتزعل اذا مانمناا عندهااا اهم شي رضاااهااا ..
اذا كانت بدون سبب اي احس تباعد بين الزوجين يعني مثلا بتغير وبتنام ابيت اهلها لا غلط بس انا انام ابيت اهلي بظروف يعني يكون عنده حجز بالدوام او لما كان رايح العمرة بس انام ابيت اهلي مني والطريج لا مستحيل احس جنه اعطيه فرصة انه يفكر يسوي شي
مشكورين يابنات بس احترت بكلامكم قبل لا اقرا المقاله كنت احس اني راضيه عن تصرفاتي بس اليوم وعقب كلامكم بعد احس اني فيني شي تغير
حبيبتي مافيها اي شى اذا نمتي عند اهلج لو مرة وحدة في الاسيوع والشي هذا مايسوي تباعد بين الزوجين بلعكس هي محتاجة للراحة وتفج عن نفسها اشوى حتي الزوج يبي يرتاح من ازعاج الجهال وتشتاقون لبعض ولاخت الي قالت ماتنام ابيت اهلها علشان ماتعطية فرصة يسوي شى لا يلغلا الرجال يقدرون يسون اي شي حتى لو كانت الوحدة لازقة فيهم ههههههه
صباح الحيره حياتي يالكيكه شوفي تزورين اهلج اوكي مثلا مره بالاسبوع لكن تنامين عندهم بدون سبب مثلا سفر زوجج او بالدوام تاخر او امج او احد من اهلج لاسمح الله تعبان حبيبتي لاتعودين على هالشي نصيحه مني الي يقولج مافيها شي لا انا اقولج في شي وشي بعد تبين تفج عن زوجج مثلا كاهو بالدوام لما الظهر ويرجع ينام او يروح الدوانيه يعني بربح نفسه وانتي بعد لكن هالشغله انا كلش ماايدها اساسا تسبب مشاكل مع الوقت عن تجربه:wink_smile::wink_smile: وطبعا هذا رايي واعتبريها نصيحه من اخت:wink_smile:
بس امي مرات تصر علي اني انام لانها ماتشوفني وايد ومرات اذا زرت اهلي يكون من بجار عندنا مناسبه او مشاوير فلازم انام عشان البعد والله مااااااااااااااااااااااااادري كنت مرتاحه ياليتني ماقريت المقاله انا موخايفه انه يخربط0000بس اخاف نتباعد مع اني استانس اذا رديت من اهلي عقب النومه احس ان فيني طاقه ونشاط وعندي سوالف ويكفي اني كسرت روتيني
شوفي ريلي مطلق وقالي نوم في بيت الاهل مستحيل لانه على حسب كلامه انه يباعد معنه يوم ما يضر المهم انا ماحبيت هالسالفة شكو اقط ويهي عليهم بعد زواجي كافي الزوارة واليهال لما يكبرون ياذون الجد والجدة لا تنسين لهم حق علينا ويبون يرتاحون بعد مو حالة احنا وعيالنا وازعاجنا نصيحة يا بنات لا تعطون رياييلكم فرصة انه يلعب بذيله
والله يابنات هالموضوع طاح عالجرح تدرون ان زوجي زعلان علي الحين عشان نمت 3 ايام عند اهلي ويحلف انه يخليني شهر عشان ابطل انام عندهم عن جد احس كرهت انام في بيت اهلي بسبب الزعل
و الله بالعكس أنا أشوف الوضع عادي ما فيها شي اذا الوحده تنام عند أهلها >> و لا تحاتين كيييكه ترا ما فيها شي بالعكس كسر روتين >> يعني طووووووووووووول الاسبوع و احنا بوجه بعض فلازم نهاية الاسبوع نغير جو و نكسر الروتين و نرجع بطاقه جديده >> بس أنا أشوف لما يكثرون العيال و يكبرون يصيرون بالثانويه و المتوسطه خلاص الوحده ما تنام لان تصير الروحه ثقيله
والله انا ماايد اللي تنام عند اهلها الموظفه يعني يوم عطلتها وسهرتها تروح تنام عند اهلها اعتقد زوجها احق بسهرتها اما غير موظفه كل اسبوعين او بشهر مره اهم شي تعرف روتين زوجها
كييييكة سوري يعني يسمحولي كل البنات... لا تسمعين كلام أحد والوحدة تبي تفج شوي وإذا نمتي عند بيت أهلج ليلة وحدة ماراح تفرق بالعكس أنا أقولج شنو فايدة النومة عند أهلج ومن خبرة ها اولا إذا جا يوم الخميس العصر ونضفتي شقتج أو بيتج وعطرتية وشلتيلج جنطة صغيرة ورحتي إنتي وعيالج لهلج أول ما تدخلين عليهم فرحتي أمج وأبوج بجيتج وقعدتي مع خواتج وريحتي وسولفتي وسهرتي وفجيتي شوي عن الزوج اللي أهو من جهه ثانية يبي يرتاح من زعاج الجهال ومن الرجعة للبيت بوقت معين يسهر عند ربعه لي الصبح مافي أحد يلزمة بالجية مبجر وتلقينة طول السبوع يجي بسرعه للبيت عشانج وعشان ما تتضايقين من تأخيرة هو بعد ودة يسهر وفرفش وليمن يجي يوم الجمعه وتكشخين وتحففين وتمكيجين وتكشخين عيالج ويجي ياخذكم بشتياق والله سأليني تلقينة متشفق على جيتكم وبليل ياحياتي ياعمري فقدتج والله الله يخليج لي ولا يحرمني منج ومن هالكلام عاد...... أماً بالنسبة للموضفه فيوم الخميس لج ويوم الجمعه يمديج تسهرين معاة هم السبت ماكو دوام والجمعة طول اليوم مريحة صح ولا لا النومه عند أهلج تريحج وتريحة وتخلية يحس بقيمتج ومايفكر ابد إنج تبعدين عنة أدري طولت بالكلام بس أتمنى فهمتيني
لا سمحيلي نوفه مو من حقة يطردج عن أهلج ويزعل بس تبين الصج ومن دون زعل صراحة 3 أيام واااااااااااااااااااااااااااجد ليلة وحدة كاااافية
