السلام عليكم ورحمة الله وبركاته بنااااات احنا دايما نسمع عن وحده ما تنفست عدل والا خربااااااااااااااانه عشان جذي خلونا نستفيد من بعض وكل وحده تقولنا اللي تعرفه .... انا اللي اعرفه من الممنوعات : الجووووع البرد المشروبات الغازيه وبصراحه مادري شنو الاكلات الممنوعه بس سمعت ان الحوامض مو زييييييييييييييينه وياليت تكتبون اللي عندكم
اي انا اللي اعرفه الباميا والخيار واي شي لزج مو زين ولازم تاكل لهوم عشان لايطلع بلاوي عند الزوج وكثروا من المشروبات الحاره او الشوربات واي شي يطري على بالي بقولكم
ريمووو شكووو اللهوم نفس السفوف؟؟؟ لان انا مشيت على برنامج خبيرة اعشاب وصارلي 22 يوم حاليا بالنفاس اول 10 ايام لهوم بعدين 30 يوم سفووووووف ؟؟؟؟
انا بالعكس سمعت الماي موزين للبطن والرحم صح المشروبات الغازيه واي شي لزج والدرج موزين انج تركبينه وتصعدينه لانه ينزل الرحم الجوع اهم شي وتاكلين الدجاج واللحم يعني اليدام والادويه وقرص القمر مع الحليب والكركم الصبح ممتاز وايد اشياء الله يتمم عليكم صالح لاعمال
الماي موزين تشربينه وايد عشان ماتخربين من تحت وينزل ماي ولازم تاكلين لهوم وحسو وعصيده وقبوط وشوربه فيها دياي ولازم تاكلين لحم ومايصير تاكلين عيش وباميه وخيار والرقي يعني الاكل اللي فيه ماي لاتاكلينه وتدفين عدل عشان لايدشج هوا وتتبخرين بخوا جوا من تحت والمره زينه حق الخياط من تحت تستعمل غسول وتحطين منها شوي تحت اذنج او تشربين شوي عشان اللي يزورج وحاط عطر مايلتهب جرحج عادي ولازم رداده ولازم طول فترة الاربعين اهلج مايخلونج بروحج موزين لازم احد يقعد معاج مثل مانتي عارفه لان فترة اربعين نجاسه والشياطين تحب النجاسه لازم تحصنين نفسج
احنا عندنا ما نشرب ماي او مشروبات غازيه والعصاير شويه اللي تكون خثره شويه مثل المانجا والجوافه يعني ما تكون السائله حيل الرقي ممنوع عشان وايد فيه ماي السمج ممنوع عشان يعطش ملح واايد بعد موزين عشان لا تعطشين الحوامض عشان معدتج لا تحمض العيوش عشان الكرش واذا تذكرت رجعتلكم
حبيبتي ابتعدي عن المشروبات الغازيه وعن الباميا والملوخيه والرقي واكلي قبوط ودياي ولحم وكثري من الخضروات والفواكه علشان اتعوضين جسمج من للي فقدتيه خلال فترة الحمل والولاده ولا تنسين اللهوم وشرببي الزعتر والحلبه والمرميه واللهيسهل عليج وتقومين بالسلامه
امممم صج يعطيكم العافية افدتونا بس ودنا أشياء حق الجسم والخطووووووووووووووووووووووط والتبيييض والتضيييييييييييييييق بالله بالخبيرات افيدونا
مراااااااااااااحب ياحلوات عاد أمي أهل الخبره بهالمجال الأشياء الممنوعه عن النفاس هي أهم شي تحافظ على نفسها من البرد والهوا حتى لو ولدت بعز الصيف لازم ملفعها على راسها بتقولون عادي أحنا نفسنا بدون ملافع وماصار شي صح بس أمي تقول بالمستقبل شوفي عوار المفاصل والظهر والتعب بعدين ولازم شي أساسي تلبس دلاغات وسروال طويل ضرووووي ترى الوالد يدخلها الهوا من كل صوب نجي حق المأكولات الممنوعه العيش (بكل أنواعه يعني بالعربي الرز )الموز الرقي الشمام المشروبات الغازيه والأيس كريم والحمضيات مثل اليمون والبرتقال والمأكولات المسموحه المعكرنات بأنواعها والشوربات والمشروبات الدافيه وطبعا لاننسى الشي الأساسي وهي الحوايج عاد أمي تخصص في مجال الحوايج وهذا رقمها 65062948 والرهش مدر للحليب ولاتنسون القبوط والمرقوق والعصيده وفي أكله أحب أكلها في فتره النفاس وهي تحمسين بصل مع قطع الدجاج وتحطين فنجال عدس وفنجال مموش وفنجال لوبيا و3 أنواع معكرونه بس عاد موكل الأكياس تاخذين من كل كيس شويه وتحطين فلفل أسود بهارات ملح وشويه حلبه وصبي عليهم ماي وخليها تطبخ لمده ساعه إلا ربع يعني تصير شوربه وكنها معكرونيه وبالعافيه وروحي العطار وإخذي شويه جفت وفوحيه (فوريه ) بالماي بعدين خليه يبرد وحطيه في بطل كبير وخليه الله يعزكم بالحمام وإذا دخلتي حطي من الجفت بالدلو وشويه ماي دافي وغسلي منه بس هالغسول شرط بعد 10 أيام من الولاده ميزه هالغسول يطيح عنك الخيوط وشوفي شلون يضيج المنطقه يخليها تصك صك وحياكم الله وإلي تبي أي استفسار هذا رقم الموبايل 65062948
الله يعطيكم العافيه صج افدتونا .. انا الحين نفسه ,, واللي اعرفه قالوه البنات ما قصروا ,, ان العيش والماي والمشروبات الغازيه ممنوعه ,, ولازم انكثر حسو وعصيده ومرقوق واللحم والدياي,, وانا انصح بالرداده بعد 15 يوم ,, واذا في اشياء ما قلتها فيدونا ,, انا بجريه وما اعرف الا اللي قلته
اشلوون الوحدة تعرف انها تنفست عدل وانا الحين بالنفاسي الثاني بس شربت عصير مانجا امبييييه يقوولون موزين وناس يقولون العصاير مفيدة واغلب هالنفاس سوائل دافيه بين الوجبات قولولي صح ولا لا
يقولون لازم 3 وجبات بالنفاس بس!! لكن انا اجوع بينهم ويقولون الجوع هو الخراااااب اشرب دوافي بين الوجبات واكل تمر برشاد لكن مايشبع ياليت اللي عندها جواب تفيدني
الحلبه بس اول 10ا ايام بعدين توقفونها كثرتها تخرب المره تخليها كلها ماي مو ناشفه انا الحين بنفاسي ماخذه كورس النفاس من خبيره اعشاب سمعت انه الكوسا والبيدجان مو زينين وقفتهم
