:cry_smile::cry_smile: انا بدخل بالموضوع انا صارلي سنتين متزوجة وعندى ولد والحمداللة مرتاحة مع زوجي ومريحني بكل شي مومخلي على قاصر بس المشكلة مو بزوجي المشكلة بهلي واللة قاعدة اكتب والدمعة بعيوني من الي صار اهلي مو حابين زوجي بامرة يتمنون طلاقي منة في اي وقت ماادري ليش المهم اقولكم السالفة كلها انا من النوع الي يصرف وايد وهوا مايقصر يقصر على نفسة ولا يقصر على بس عشان مايخليني احتاج احد او اتسلف من اهلي قالي بوظفج والمعاش خلي لج بروحج وانا اصرف على البيت وعلى ولدي لانة مصاريفج وايد من الطبيعي كل حرمة كان معاشي 200 تقريبا اهلي درورا بالسافة اقلبوا الدنيا فوق تحت علي وعلية وتهموا انا ماخذ فلوسي ويخربط فيها ومع بنات وغية من هالسوالف مع العلم مع انا واللة العظيم انا ماخذة ولا فلس من فلوسي ولا حتى طلب 100 فلس مني بس مادري ليش يسون جذي يمكن لاني قاعدين على قد حانا ولمن يشوفوني اطلع بدون مكياج ييعايروني ويقولولي ان حاكرني ويبهذني ويطقني ويلبسني عباية وسيييييعة واهو يخربط عليج ويخونج من هالكلام وانا مااحب طلع معاهم بسبة السوالف الي يقولولى يها وسكت عنهم ولا رديت خذيتهم على قدهم وصارت مشاكل وايد بين زوجي وبين اهلى وصلت انا قالو لزوجي الساعة ليماركة انك طلقها ونزوجها واحد اصل وفصل واللة العظيم بنات انصدمت لمة سمعت ابوي يقول الكلام هذا وزوجي عصب وماحب يبيني انا معصب وسكت وقالهم انا مالقيت وحدة مثلها ومراح اطلقها لو مهما سويتم والي صدمني اكثر لنة قال احبها انتو ماتعرفون شنو يعني الحب واللة يابنات نزلت دموعي وغمى علي لانة صار عندي هبوط حاد لما سمعت كلام ابوي وكلامة زوجي وداني على طول الطبيب ما خلاني بروحي ولا دقيقة ولما صحيت سئلتا عن اهلى سكت بعدين قالي يوة طمانو عليج وراحوا لنة اخوج الصغير بروحة بالبيت بس حسيت انا يجذب علي ومر يومين من طيحتي وانا ادق على اهلى يصكونة بوجهي ويرسلولي مسجات سب فيني وفي زوجي بس اللة مااوريه المسج عشان مايخذ فكرة موزينا على اهلي وكل مرة ابي ازورهم اطق الباب محد يرد علمع العلم اسع صوتهم ولما ادق عليهم يصكونة بوجهي وفوق هذا اسمع من الناس ومن حمواتي كلام عني اني قاطعة بهلي وانا سبب المشاكل وانا شيشت زوجي وزوجي متهجم عليهم يعنى مطلعين بلاوي عني وعنة عند الناس وعند اهل زوجي يمدحون زوجي ويذمون فيني وقولون زوجو ولدكم وحنا متبرين منها وخلوها خدامة عندا وعند مرتاى اليديدة واللة عظيم بنان اني ولا مرة قصرت مع اهلي طول عمري منزلة راسي لهم لانهم اهلي وتاج راسي بس توصل ان يفرقون بيني وبين زوجي لا وخراب بيتي لا هذا الي مراح يصير وعشم بليس بالجنة لانةي احبة واموت فية ماخلاني احتاج شي صارلي الام والاب والاخو وزوج والحبيب وكل شي بدنيتي والحين صارلي فترة مو شايفة اهلي كل مااحاول اقرب منهم يصدون عني ليييش ياربي يصير لي جذي تحملت كل لاهانات الي تيني من حماتي ام ريلي بسبت منو اهلي كلهم خلوني بروح اتحمل كل شي واهو الوحيد الي تحمل معاي وشال عني الهم مع ان مايستاهل الي صارله بسبتي وذلو جدام الكل واهو ساكت احترام لي ول ولهلي مايستاهلون منا الاحترام بس كل يوم افكر فيهم وادعي اللة يسهل لامووور ياااربي واللة تعبت من كثر التفكير يعني لازم البس عباية مخصرة واحط مكياج والشوار فسكي وما احترم زوجي عشان بس يرضون علي واتطلق منة واخذ واحد اهم يبونة لي مايسير مااقول الا حسبي اللة ونعم الوكيل بناااات تكفون الي سيويتا صح ولا غلط اني قعدت مع زوجي ولدي وخليت اهلي ساعدوني شسوي شسوييييييييي انا اسفة اني طولت بالقرقة بس شسوي من الهم الي فيني وقلت ماكو الانتم اشكيلا همي يارب
اول شي يشرفني اني اول وحده ارد علي الموضوع اختي انت الحين بين نارين اهلج وزوجج والله ما لج اقول غير الدعاء انه الله يهدي اهلج وسخرلج زوجج
يمكن ام رجلج تطلع عنج كلام اشاعات يعني واهلج يوصلهم الخبر ومايصدقونج ترى ياما خربوا امهات الازواج حيات عيالهم بسبة الكلام اللي كله جذب بجذب ويمكن تقول للناس كلام موزين مثال ان ولدي يلعب عليها وحاطه كيت وكيت عنده بس زووووجه وهالكلاااام يوصل اهلج واهلج ماجذبوا خبر نصيحه زوجج لاتخلينه عشان اهلج والله اهلج ماراح ينفعونج بكره اخوانج مع حريمهم وامج وابوج ماراح يدومون لج بعد عمر طويل يعني بالعاميه جلللللللللبي بزوووووجج لاتهدينه بالمره الوحده منا مو كل يوم عنده رجال الله يوفقج
الله يكون بعونج مالج الا زوجج وولدج واهلج والله ماراح ينفعونج ومنو الحين بيفكر بوحده مطلقه عندها عيال البنات باليا الله يتزوجون الله يهدي اهلج وام زوجج انشالله والوحده مالها الا بيتها وزوجها وعيالها مدام زوجج زين شتبين بعد واهلج انشالله مردهم يرضون
أعانكِ الله حبيبتي . . قبل كل شيئ الله تكتب هكذا <<<<<< وليس اللة حتى لا يتغير المعني اللة معناها صنم شوفي حبيبتي ... انتي بين نارين نار زوجك ونار اهلك اهلك مادري ليش يبون يخربون عليك حياتك مع زوجك مادري شنو راح يستفيدون بهذه الشيء تمسكي بزوجك ولا تخسرينه مهما عملوا اهلك انتي ماشاء الله عليك سويتي الواجب وما قطعتي فيهم لدرجة انك رحتي لهم بس مو راضين يفتحون لك الباب ... الله يصلحهم ويهديهم ... لا تأيسي حبيبتي اثبتي على حجابك والتزامك وتقربي من الله واكثري من الدعاء لله بفرج عنك كربتك .. أخر الليل ارفعي يدك لله واكثري الدعاء وانتي بالسجود واكثري من الدعاء لا اهلك بالهداية .. ولا تأيسي من زيارتهم .. او تخلين احد العائله ينصحهم ويكلهم بإسلوب حلو ومقنع حبيبتي عيشي مع زوجك ع السراء والضراء ..... زوجك هو جنتك ونارك واهلك مصيرهم راح يعرفون ان الي قاعدين يسونة خطأ
الله يعينج اختي .. وكثري من دعاء اللهم اجرني في مصيبتي واخلفلي خير منها ولازم تتخذين قرارج واللي ترتاحين له سويه
مشكووووورين حبيباتي وخوااااتي يعنى الي سويتا صح احترت وتعبت من كثر لاافكر اليوم الصبح دقيت عليهم قلت يمكن نسوا الي فات بس للاسف محد رد علي الله يهديهم يارب ويخليلي زوجي يارب مشكورين انكم رديتو ا علي حبيباتي اللة يخلي ازواجكم لكم يارب
ابوس لا في اشياء مايدرون عنها الا اهلي بس ونصدمت لما قالتلي ام زوجي يعني معقولة في اهل جذي ولا بس اهلي ياااااااااااااااااااااااااربييي
رضا الزوج جنه عندي لج حللل تبي تراضين امج وابوج بذكااء شووفي حاولي انتي وزووجج تبعدون عن الديره لفتره شهرين درسو بره اخذو شهاده >فهمتي علي وحطي هديه عند باب بيتكم لامج وابوج ورساااله لامج وابوج وابو ريلج وام ريلج لان اهما 4 اهم شي رضاهم شي اكيد وساافروو وخلي جهازج مغلق انتي وريلج بعدهاا بيحسوون بالذنب انا صج صغيره بس ذكييه شوي لو بدالج سويتها ودربي خضر اهم شي زوجي وعيالي مدام يحبني ليش ابعد عنه بعدها اذا تطلقت بعد عمر طويل لامي وابوي اخواني اقعد عندهم يذلووني وابجي دم لاني فارقت زوجي وابو عيالي سوي الي قتلج عليه مافي حل غيييييره صدقيـني
الله ييسر لج امووووووووورج ويفرجها عليج ... بعدين انتي لاتفكرين باللي قاعدين يسووونه فيج الحين .. لا .. فكري عن الاسبااااب الرئيسيه من ورى هذا كله . __هل انتي متزوجته وهم مايبونه ولا متزوجته واهم راضين عنه وفجاه قلبو عليكم فيكون التغير هذا بفعل فاعل وربج كريم والحق مايضيع ,,, ___بعدين امسكي امج وقولي لها كل اللي بخاطرج واكيييد هي اكثر وحده بتعرفج وترحم حالج واعرفي منها كل شي واذا احد متبلي عليكم فندي هذا كله وبرهني على كلامج.. واذا عندج احد من قرايبج كبير وفاهم مثل الخال او الخاله او الجد يعني من الكبار اللي لهم كلمه وسطوه كلميه وقولي له لعل وعسى ينفع فيهم .. ولا تخلين السالفه تطووول ويكثرون الشماااته ترى الدنيا ماراح تقعد لج وزوجج يمكن يتغير عليج والوحده مالها الا اهلها <<<<<<<<<<<<<<<<<<<<<<<والله ييسر لج ولاتنسين تصلين صلاة الاستخاااره قبل ماتسوين اي شي موفقه..
ماشاء اللة في بنات حيل واعين بالرد ماقصرو مثل ماقالولج اهلج ماراح يسرونج خليج مع ولدج وزززززززززززوجج هم رضا اللة من رضا الوالدين لاتقطعين صلة الرحم مصيرهم بيتعدلون
انا اختى تطلقت بسبب اهلي مثل سالفتك بتمام لو انتي ماعندج طفل وانتي مطلقه كان قلت هذه اختي بصراحه اختي تطلقت وماعندها اطفال زوجها كان مدلعها اخر دلع سفريات وروحات يعني شنو اقول فيه اختى ماتعرف تطبخ يقول لها اكلنا من المطعم مايهم اهم اكون معاج بس يوديها لاي مكان تبيه لما تدق ع ابوي يعطيها اخواني الصغار يطنش مكالمات اختى لما تكلم امي تقعد امي تبكي معها تقول ابوج زعلان وو وش دخل ابوي يزعل << لبين هاليوم ماادري ليش ابوي حاط خشمه في حياه زواج اختى المهم طلقت اختي من كثر المشاكل بين زوجها وابوي قدام عينها وفعلا اغمي عليها ودوها لطيب وماقعد معها الا امي بعد بالغصب ابوي مو راضي .. المهم جاء ابوي واخذ اختى بالغصب وكل مايجي زوجها يبي ياخذها رفض ابوي يقول ماعندنا زوجتك روح دور عليها المهم تدخل اغلب العالم تدخلو ناس مشهورين وابوي مطنش الموضوع واختي حالتها لاتسر لاعدو لا حبيب المهم طلقها بعد مرورها في بيت ابوي سنه وشهور وزواجهم ماااستمر 3سنوات والحين لا هي متزوجه ولا هو تزوجه هي تزوجه واحد غصبها ابوي بالغصب وربي ثالث اسبوع وهي عندنا مطلقه الحين منو بيي وحده مطلقه مرتين .. المصبيه زوجها الاولي ولد عمها .. عمها اخو ابوهاااا واكبر منه . واختى الحين تتممنى لو يرجع لها زوجها الاولي وهو ايضا يتمنى ترجع له لاكن ابوي بالمرصاد لهم دعواتكم يرجعون لبعض وتستمر حياتهم ..وربي يكسرون الخاطر اختى الغاليه اسمعي كلامي خليج مع زوجج ماعليج من احد الابو راح يبموت والام والحماه وكل راح يروحون خليج عند زوجج ابرك لج اختى يوم تطلقت << طلعو عليها اشااااااااااااااااعاااااااااااااااااااااااااااااااااااات وصلت لكبائر وصلت تشوي السمعه
الي سوييتة صح ومحد من اهلج راح يدووم لج الله يهداهم لو يحبونج ما يبون الاذية والمضرة لج ليش يبون لج الطلاق المظاهر مو كل شي ومدام ريلج مومقصر معاج بشي مثل ما انتي قايلة كيفهم مايشوفون شر والله يوفقج ويسعدج انشالله
ما شاء الله البنات اعتقد كفوا ووفوا بس انتي محتاره وبين نارين وعندج حلين كل واحد امر من الثاني ياهلج او زوجك وانا ماعندي الا اني انصحج بالجوء الى حلال الحلول وهو الذي لا يرد عبده الذلول اذا لجأ اليه فاكثري من الاستغفار لانها تفرج الهموم وتجلي الكربات والله يلم شملج مع اهلج ويرضون على زوحك وترجع المياه لمجاريها
مشكورررررررررررررررررررين خواتي واللة انكم ريحتوني بصراحة بلاول اهم شي كانو بس يبون يزوجووني يوم يى النصيب يبون يطلوني ليش عشان بس مو عاجبهم ونهيبوني اروح وايي على كيفي عندهم انام اربعه ايام عندهم والبس الي يعجبهم واروح اي عرس يبونى ليش متزوجة عيل لو ادري هذى الي يبونة جان ماتزوجت ههه الله يهديهم بس وانشاللة ترد المياه لي مجاريها مشكوووووووووووووووووووووووووووووورين حبيباتي الوحدة مالها الاريلها الله مثله ماعمري شفت مثل حنيتى لي وحبه اهلى ماحبوني كثر ماحبني ويهتم فيني والله
تبين رائي الشخصي أحقري الكل وخليج مع زوجج وولدج الى ما يفرجها ربج أو أستني الى شهر الرمضان اذا ما تحسن الوضع روحي لهم واتصلي فيهم وشوفي ردهم بعد ما تهدى النفوس حبيبتي ربي يعينج على مصابج
حبيبتي لا تقطعين في أهلج ....أدي الواجب وزوجج مايستااااهل تمسكي فيه بيدينج واسنانج ....والله لو تطلقتي لاقدر الله محد بينفعج الاخوان اخوان الحريم وماأحد دايم بهالدنيا ....إلا وجه الكريم وريحي نفسيتج ادري صعبه بس اهلج بصراحه غريبين فيه أهل بيطلقون بنتهم ؟؟؟؟ حاولي تعرفين شسالفتهم ............لايكون غيره !!!!!! بعض الاهل من توظف الوحده عينهم على معاشها ............لاحول ولاقوة الا بالله
حبيبتي انتي ماسويتي الا الصح اذا زوجك مو مقصر معك ليش تهدينه الله يهدي سركم ويهدي اهلك ويخليلك زوجك وابنك
