بسم الله الرحمن الرحيم بعد التحية انا عندي مشكلة ودي اشوف رايكم فيها ؟ انا وزوجي الحمد الله ماعندنا مشاكل بس الله يهديه دايم ايقولي اذا طلعتي او رديتي لا زم اتدقين علي اتبلغيني حتي لو انا قايلتله اني بروح المكان الفلاني او اقط اولدي المدرسة حتي لو مستشفي مع انه خواتي اوخواته ما يسون نفسة مع رياييلهم حتي الي ايشوف شرطة ايقول مو واثق فيج اقوله ايقول انا كيفي ابي اعرف انتي وين وين وصلتي شنو المشكلة حتي انتي تبين اتدقين علي ماعندي مشكلة ؟ واذا انا مو واثق ليش اخليج تطلعين من البداية او اخلي سيارة عندج ؟ ساعات انسى ما ادق ايطوف او ساعات اذا تاخرة عن الردة نص ساعة احصل زفه وذا الشحن خالص اتصير مصيبة او دايم ايقول انا مالي شغل بالناس انا كيفي جني عايشه ابروحي ولا اشوف الناس
هلا اختي . . . ذكرتيني بأيام اول زواجي كان زوجي بنفس طريقة زوجج إن طلعتي اتصلي وان ماقدرتي تتصلين مسج وان رديتي اتصلي ولاتطلعين بروحج >>يبي وياي حماية !! وبنص مشواري يتصل متى تردين وينج تأخرتي !! والمصيبة مثل ما قلتي إن خلص الشحن أو الموبايل مو محصل تغطيه ويعطيه مغلق مع الوقت والسنوااااات خف هالشي . . . لكن مايزال يطالب بهالشي لكن اقل . . .مبدأ الثقة فيني خلاه يخف لكن لازم قبل ما اطلع اي مكان ابلغه سبحان الله ما تضمنين شنو يصير عليج . . . يعني عودني اني اتصل واستأذن
حبيبتي لا تفكرين من ناحية انه موو واثق فيج اهوو يخااف عليج صدقيني في رياييل جذي يحبون يتطمنون على حريمهم موفقة الغالية
حبيبتي الثقه موجوده بس زوجج من كثر ما يحبج يخاف عليج وهذا حرص مو معناته مافي ثقه وزوجج نفس طبع زوجي بالضبط وصارلي 10 سنين وليلحين ما يخليني أطلع إلا يكون عنده خبر وإذا دق ومارديت يتنرفز عادي عندي وعندج خير
أنا زوجي كذا حتى لما أكون عند اهلي وبروح مع امي عند جارتها أو بيت اختي اللي قريب من بيت اهلي او بتمشى مع اهلي بنخرج بره لازم يكون عنده خبر يموووووووووووت على كذا وخلاص اطيعه حتى اذكر انو مره وانا عند اهلي (مدينه ثانيه) وكانوا بيطلعون لبيت وحده قريبتنا كانت عازمتنا وقتها ماقدرت اطلع معاهم لانه نام بعد الدوام ومخلي الجوال صامت ولا رد____وراحت علي الجلسه بس بعدها زعلت وطلع لي موضوع المسج يعني لودقيت مرتين ولا رد ارسله رساله انا ويني وهذا بس عند اهلي وخلاص تأقلمت مع الوقت وبصراحه حبيت هالشي دامه يسعده..اسفه ع الاطاله بس حبيت اشاركك موضوعك
حبوووبة انا مثلج ليلحيييين واييي لايعه جبدي لا اروح بيت اهلي و انزل السرداب و يدق مغلق ينتحر شدعوة خوو بيت اهلي وين بروح يقوولي مو عن بس بتطمن علييييج .. مو مبدأ ثقه ترى واثق بس يتدلع..
حبيبتي لاتحطين فبالج انه سالفة ثقه ولا لا اهو من كثر مايخاف عليج ويحاتيج يبي يعرف عنج كل كبيره وصغيره تخصج هذا دليل على حبه لج
الوضع طبيعي وموو مسئله ثقه الثقه ان شاء الله موجووده بس هذا ترى حق من حقوقه عليج انه يعرف وين رحتي .. لأن ماتدرين لاسمح الله لو يصير فيج شي بمكاان الا يكوون عنده خبر انتي وينج .. والله يخليكم لبعض ويتم عليكم نعمه ..
عادي كلهم جذيه نفس الموضوع مشكلتي اني نفاس وموقادره اروح السوق لان قايلي مااطلع الا لما البس عبايه راس مع ان عبايتي وسيعه حييييييييييييل وبعمري ماحطيت مكياج ولا عطر مادري ليش مايحمد ربه ملييييييت من الموضوع بس والله مو مريحه مادري متى يخليني بحالي وترا انا مااطلع كله بالبيت حدي جمعيه او مستوصف او المدرسه بس الله يهديه انشالله ويهدي زوجج
المفروض تستانسي أن ريلج جيه وياج في ريايل مايفتكروون في حريمهم ...ولاتخربين حياتج بتفكير أنه مايوثق فيج .. دايماً حللي الأشياء تحليل إيجابي قولي من كثر حبه وخوفة علي يباني اسوي جيه .. أرضي زوجج بأي طريقة .. وأنا أقول يابختج فيه وربي يخليكم لبعض
حبيبتي هذا شي نفسي ومو بيدة بس اهو يرتاح نفسيا اذا اتطمن عليك بس انشاءالله مع الوقت راح يتغير وكل شي بايدك وانتي تقدرين تغيرينه لاتحاولين تاخذين وتعطين بالكلام وسمعي كلامه وصدقيني بعد الوقت راح يتغير .
انا زوجي كان جذي ومازال بس انا من كثر ماتمللت من هالطريقة وهالاسلوب قمت اطلع بدون مااقولا وصار مايسالني وين بتروحين بس عقب ماشفت انة اهمل سؤالة عني قمت انا ادق من نفسي وقولا ابي اروح المكان الفلاني يوقلي اوكي روحي ودي زوجي يرجع يهتم فيني مثل اول وربي فاقدة هالشي حيل حيل انا مشكلتي اكبر من مشكلتج يالغالية البنات ماخذين قلب وحب وروح زوجي مني الله لا يوفقهم لا دنيا ولا اخرة هادمين حياتي مهاة واهو مثل الخبل فوق ما يخوني هاملني ومبدي هالخمة البنات علي الله يسامحة يارب اتمنى يرجع زوجي يحبني ويهتم فيني مثل اول واكثر استغفر الله وربي اني ابجي الحين ودموعي انزلت غصب عني يابنت الحلال قلبتي المواجع علي خليها على الله بس
مشكورات خواتي :rose: مرسى الحب انا اسفه حياتي ودموعج غالية علي :rose: بس والله توني فهمت ليش كلا ايقولي انتي بيدك اتخليني حبيب وتخليني عدو اشلون ان قربتيني منج تلقيني خوش ريال وان بعتيني تراني ما راح اترجاكي مرة تهاوشنا علي ما اذكر شنو بس علي قولته ما اسمع الكلام ولا ملتم علي شله من ربعة كلهم امطلقين او كل يوم القهوه بالمرينة صار عندي كل شي ايهون ولا المرينا او شلت المطلقين علي طول بطل (صار نفس التهديد)
