قوة بنات ولدي عمره سنه و3 شهور صار له فتره طويله مع النشله والحين طلعت معاها كحه قويه بليل مايقدر ينام منهااا يقعد يكح ويبجي ولما يقوم الصبح يكون خشمه مسكر من النشله مادري شسوي معاه وديته كذا طبيب ويعطوني هايموكس وبديل الكمام لانه اهو مايرضى ياخذ كمام يقعد يبجي ويصرقع الدنيااا ونسيت اقولكم انه كل ليله لازم يصخن واهو ناايم وانا بصرااحه تعبت ولا دوا قاعد يجيب نتيجه معاه ومادري شسوي اذا تعرفون دكتور شااطر يفهم بالحالات هذي ويعالجها صح دلووني عليه والله يخلي لكم عيالكم ويحفظهم يااارب
مالج عقب الله الا طواريء المواساة انا عيالي ثلاثتهم محد يعرفلهم الا المواساة بس لاتروحين العياده روحي الطواريء الحين او بالليل وراح تدعيلي صدقيني الله يحفظه لج
الله يشافيه لج نصيحه مني لا تعطينه الفلودركس يدوخه وينموه ويمكن تحسين انه صار احسن بس اسم الله على ولدج يأثر علي المخ انا كنت اعطي حق ولدي بس بعدين وقفته
بصراااحه انا تعبت ولدي من الادويه احس حتى اهو تملل وكره الادويه مادري شسوي معاه اذا الفلودركس يعطي نتيجه بشووف وبسأل عنه .. مشكوره اختي على ردج ,,,,
بصراحه انا اخااف من ادوية المستشفيات الخاصه احسها كلها كيرتزوون وتقلل مناعته بروحه مناعته الله بالخير بس تنصحيني بدكتور معين بالمستشفى ومايستخدم الكيرتزون بالعلاج ..... ؟؟
اووف لهدرجه لا يامعوده اذا يأثر عالمخ ماله داعي وبشووف له علااااج غيره بس دلوني على دكتور يفهم بالحالات هذي اذا عندكم خبره بالدكاتره ....
السلام عليكم .. حياتي انا ولدي مثل حال ولدج ما خليت مستشفى الا وديته بس بعدين رحت لدكتور سامي الشرقاوي والله والله يشهد علي انه ينام مرتاح مونفس اول كل نص ساعه قعد وقالي لا تعطينه الكمام مو زين لانه فيه حساسيه مو ربو واي استفسار عالخاص. .......... اللـــــ يشافيـــــــــــه ويعافيه يارب
ما ادري بس محد يمدح الشرقاوي على العموم امس قريت بمنتدى عن طريقه زيت الزيتون والمسمار القرنفل وسبحان الله كان اولدي مزكوم والحين الحمدلله صار احسن سخني زيت الزيتون وادهني رجوله وبس وبعدين حطي عليهم القرنفل يكون مطحون وان شاء الله تطمنين عليه قريب
هلا حبيبتى هذي كانت معناتى مع عيالى على طول النشله ماتروح مهما استخدمت من ادويه فريت على جميع العيادات والمستشفيات وماكو فايده......... تنزل النشله على السدر وتسببله بلغم ويقعدون يكحون ومرات من كثر الكحه يرجعون وهم كنت استخدم الكمام .......... الخ عموما ماطول عليج دريت من وحده انه السبب انى اسبح اعيالى يوميا هذى اللي يسب النشله اللى ماتروح ومن بطلت اسبحهم يوميا الحمدلله راحت النشله .
انا اساسا ما اسبحه بسبة هالامراض كل ما اسبحه طلع لي بمرض قمت اسبحه مره او مرتين بالاسبوع واذا كثرت 3 مرات بالاسبوع وهم فيه نشله شسوي ؟
سويله رضعة شاي بابونج خلية يشربة اذا حسيتي انه تعبان عطيه نعناع بعد اذا ماقدر يشربهم حطيله سكر نبات ترى والله الشي الطبييعي حيل احسن من الادوية حطيلة يالممية شوية عسل وحطي فوقة ماي دافي اذا برد شوي خليه يشربة واشتريله قطرة ماي البحر من الصيدلة حيييل زينة وبعد حطيله 3 مرات اهم شي قبل ماينام والله هم زيت الزيتون والمسمار يجيب نتيجة .... والله يشافية ويخليه حقج ....
حبيبتي الدكتووور عبدالله الفرحاان استشاري الصباح و عيادته المنقف العصر الكل يجيه من كل مكان انا عيالي شافو العافي بفضل الله ثم تشخيصه انصحج فيه الفلووودركس ديري بالج منعوه منظمه الصحه و يسبب وفاه مفاجاه اهو والادفيل و التايلانوول و اسال الله رب العرش العظيم ان يشفيه
مافي احسن من الدكتوووووووووووره سعااااد البصيري عندهااااا زحمه وشاااااااااطره وتحسين انهاا فاااهمه لحات ولدج
ياحبايبي انا انصحكم حق الطفل احسن شي اعشاب ورق الجوافه تلاقينها عند العطار تنقعينها بماي مغلي عشر دقايق او مع الحليب بالرضاعه وصدقوني عن تجربه راح يرتاح الطفل بلاادويه او كمامات حتى البلغم راح يطلع منه.. جربوها وادعووووووووووووووووووووولي بالولد الصالح
