معقولة تغارين وهي لسة ماجت عندك اذا جت وش بتسوووين اتقي الله مافية احد يباكل رزق احد خلك ريلاكس مثلي والله مايهموني ابد الله يتتمم علي ولا يغير هالحال بالتوفيق
الحمدلله هذي الصفه موفيني وليش أغار أنا لي بيتي وزوجي وعيالي وهي لها بيتها وزوجها وعيالها والحمدلله الثقه موجوده لا تحطين هالشي في بالج خصوصا إن أهل زوجج كلهم يحبونج وعارفين أخلاقج ولا تخلين هالغيره تخرب عليج بالعكس عيشي الوضع عادي وقعدي معاها وضحك وسوالف وخلي علاقتج فيها زينه وشيلي هالأفكار من راسج غيره وما أدري شنو اللي لا تودي ولا تجيب
ولله الحمد انا وحده من النااس احس اللي تغاار من سلفااتهاا على قولتج هذي مريضه نفسياا وفيهاا نقص لان اللي مرتااحه ويا زوجهاا صدقيني ماارااح تهتم بالامور السخيفه الثااانيه .. اما اللي صاار ويااج انتي لان ماتبين زوجج تتكلمين قداامه عن الحريم وعن جمالهم مهمااا كانو وهذا من حقج وهذاا نابع من غيرتج على زوجج مو من غيرتج من سلفتج ..
جبيبتي انا معاج في ان مايصير يوصفون جمال البنات امام زوجج او احد من حموانج الا اللي بيخطبها وتري غيره حريم الحموان تصير عادددي ولا المسلسلات و الافلام من وين جايبه القصص الا من الواقع بس هاذا الشي يصير اذا طاوعتي شعورج وخليتي هل شي بتفكيرج مسموح حطي ببالج ان مرت حماج مثل اختج وباجر تشيلينها وتشيلج وتعزمينها وتعزمج بالعكس وناسه ماشاء الله على مرت حماي كامله والكامل الله احبها واستانس على سوالفها واعتبرها اختي الصغيره
شكرا الله يعطيكم العافية بس والله العظيم احسكم قسيتوا علي بكلامكم انا واعوذ بالله من هالكلمة موطبعي الغيره وهذا وضحته بموضوعي وانا وربي مايهمني من هالموضوع كله الا زوجي يمكن هذا اللي خلاني افكر كذا ولا دايما أعلق على ام زوجي وبناتها واقول لهن ودنا بأكشن وتتدخل بيننا وحده جديده نتونس معاها ونسير عليها وكان موضوعي ببساطه اني كنت مو عارفه شفيني بس ماقصرتوا ألف شكر اختي ام فاطمه كلامك اريح من كلام غيرك
شدعوووه اختي الغاااليه .. احنا ماقسيننا عليج ولا شي انتي طلبتي النصيحه وكل وحده تكلمت عن نفسهاا ووجهة نظرهاا وقلنا لج غيرتج نابعه من خوووووفج على زوجج بس وهذا من حقج .. وقاعدين نبين لج الاموور مستقبليااا لانج انتي لي الحين ماجربتي السلفه .. وهلاااا وغلااااا فيج اختي بين خوووااااااتج ..
هلا اختي بصراحه انا مااغار لاني واثقه من نفسي والزم ماعلي زوجي ماعلي من الناس طنشي بس وانا اختك بترتاحين الجمال جمال الروح وبس
كل البنات بيقولون مانغار مستحيل وحدة تعترف!! مع ان الغيرة موجودة بالفطرة؟! انا الحمدلله ماعندي حمى زوجي وحيد امه وابوه بس لو عندي وحلوة بعد أمووووووووووووووووووت!!!
والله يااختي انا حاسه فيج انا وحده اعرفهاا من اهلي كامله ماشاءلله ومرتااحه مع زوجها وهو كمان يحبهاا بس على طول عينها على مرت حماهاا وتخاف انهاا تفوق عليها بشي مع ان هي ماعليهاا قااصر بس سبحان الله شي طبيعي ترا الي تحسين فيه كل واحد يسعى للكمال لنفسه
انا زوجة لرجل هو الثالث بترتيب اخوانه الاربعه ما كنت اعرف عنهم اي شي قبل الزواج لانهم بمنطقه وانا بمنطقه ثانيه وربي وقت الخطوبه كان شغلي الشاغل قبل الزواج كيف زوجات اخوانه الي اكبر منه حلوات مو حلوات حبوبات مو حبوبات تقريباكنت شايله همهم اكثر من هم العرس خخخخخخخ بس الحمد لله عقب شفتهم كنت انا متفوقه عليهم بكل شي ولله الحمد وعلاقتنا ويا بعض فيها شوي غيره من ناحيتهم بس امشيها ما اعبرها واعاملهم مثل اخواتي واراعي مشاعرهم جدا جدا لاني حسيت من قبل بل الغيره من قبل اشوفهم والتزم بل الحجاب الكامل لما ازورهم او نجتمع ببيت اهل زوجي بعكسهم تماما لانهم تقريبا بل الزياره الوحده يشوفهم زوجي بكامل زينتهم اربع خمس مرااات بس ما يهموني بل المقابل ولا واحد من حمواني شافني حتى لو بل الغلط وربي كله لوجه الله ومراعاة لشعورهم وبها الحركه قدرت اكسبهم وريحت رااااسي وراسهم وسلامتكم ااااسف على القرقه الزايده
جمانه والله وصلتي للي احسه كله خوف من اللقاء الاول ومتأكده انه بعدها راح يكون الوضع عااااااااااادي لاني الحمدلله وبشهادة الجميع حبوبه ومالي بهالسوالف
هلا أختي . . . شوفي مسألة وصف المرأة الأجنبية أمام زوجك حرام شرعا . . . وأيضا يعني من حقج ما تمدحين أحد جدام زوجج كشعور أنثى طبيعي . . . بالنسبة لمسألة غيرة السلفات - الحموات - أمر وارد للمرأة اللي فاضية وعقلها صغير لان الدنيا ما توقف عند زوجة حماي . . . وياما نشوف ونقرأ عن هالسوالف . . . وحياتي فيها إللي أهم منهم ومن إني اشغل نفسي فيهم . . . وفعلا اتضايق لما أقرأ مواضيع عن حموات - سلفات- يتحدون بعض في اللبس الكشخة الاستقبال عدد الاطفال !! يعني شي مبالغ فيه تسويه الوحدة بس علشان أتحر حماتها وعلى شنو وحق شنو ما اقول الا ربي يتمم على هالحريم بالعقل . . .
أوافق أم عبدالله انا حريم اخواني عيال عم كلهم فماااكو غيرة خير شر ههههه خلاص اللي متزوجة تخطب اختهاا لحميهاا تجنباً للمشاكل و الله يوفق الجميع
انا الحمد لله مرتاحه وانا زوجي الثامن بين اخوانه يعني حمواتي سبع مالي شغل باحد ماتعبت راسي بالغيره من حمواتي مع ان في حرب ضروس جدامي هههههههههههههه بين حمواتي بس اتفرج واضحك
