مرحبا خواتي ابي منكم مساعدة انا زوجي معاق فهو اصم وابكم ابي اتعلم حركات وافكار شلون اسعده وافرحه مع العلم ان عرسي شهر 7 تكفوووووووووووووووووووووووون خواتي الله يسعدنا اجمعين
الله يوفقج ويهنيج ويآلف بين قلبوووووووبكم .. والله مااعرف وان شاء الله البناات يفيدوونج .. اهم شي انج ماتحسسينه بإعاقته مهماا كان وذوي الاحتياجات الخااصه دااايم يكونون حساسين حاولي بكثر ماتقدرين انج ماتحسسينه بالشفقه وهالسوالف .. وربي يسعدج ويهنيج ومبروووك مقدمااااا ..
انا اخوى معاق وربي تزوج بنت عمي وربي حياتهم حلوه وعسل بنت عمي ماتحسسه انه معاق ... ومره قالي اني انا احاول اسعدها عشان مااحسسها انها ناقصه شئ يعني مااخليها تتمنى لو مااخذه واحد معافي ... ومعيشه احسن عيشه وربي تمنيت اخذ معاق اذا جذى العيشه اخوي اعرج ومعاه القلب والبنيه ضعيفه وصار له حادث طيرت سنونه قدام والحين عايشين بسعاده والمشكله ان بنت عمي تهبل ماشاء الله حلوه حاولي اهلها وصديقاتها يغيرون رائها لاكن هي قالت لا لانه ... اخوي من كان صغير يقول لها لما اكبر باخذج ... وبس .. الله يسعدج مع زوجج ..
انا اشوف تروحين تاخذين دورة تتعلمين فيها له الاشاره علشان تتفاهمين معاه والله يوفقج ويسعدج معااه وديري بالج عليه واحتسبي الاجر
الله يوفقج حبيبتي ومبرووووك مقدمااااااااا والله يسعدكم بحياتكم وتشوفون الذريه الصالحه اهم شي مثل ماقالو البنات لاتحسسينه انه معاق وانه ناقص فيه شي عادي والبسيله وتكشخي وسوي ليالي رومانسيه 0000 عادي كاي نوع من الازواج ما احس انه يختلف بشي عنهم 0000والرجال مثل مثل الله يخليكم لبعض ويوفقج
موفقة يارب يمديج تاخذين دورة لغة الصم والبكم رفيجتي اخوها وامها نفس الحالة بس نصيحة ترا النظر يكون حاسة حادة عندهم والشم كذلك يعني اهتمي بشكلج وريحتج وريحة البيت بعد حيييييييييييل والله يتمم عليج يارب
الله ايوفقج حبيبتي وسعدج وصدقيني العشره الطبيه والمحبه والاحترام اهم من اي جمال اهم شي اتحسسينه برجولته واحترامه لاتخلين الاعاقه توقف بينكم انا اعرف وحده ماخذه معاق بس سعيده ماشالله والله ايتمم عليها يارب وصدقيني الله بيوفقج انشالله بمجرد قبولج انج تاخذين واحد معاق
الف مبروك الله يوفقكم ويسعدكم انشالله مثل ماقالوا البنات لاتحسسينة بالاعاقة وعيشي حياتج عادي واخذي دورة عشان تتعلمين شلون تحاورينة
صح تعلمي لغة الاشارة وعيشي حياتك و لا تكلمين وايد بس اشري وتكلمي بصوت خافت وسولفي بالاشارة وعااااااااااااادي يمكن ربي بيخليه أحسن من الريايل الي يسمعون ويتكلمون مع البنات الي طايح حظهم دنيا واخره
