خواتي العزيزات انا اول مره اشارك في المنتدى واتمنى استفيد منكم وتستفيدون مني انشاء الله واول مادخلت سيده على هالقسم لانو قسمي المفضل اشكي فيه همي وشوف تجارب غيري يمكن تفيدني انا حابه اقول لكم مشكلتي واتمنى اي وحده عندها ,,خبره,, معلومه ,,تجربه ,, تفيدني وتساعدني في حيرتي الي انا فيها :cry_smile: انا يابنات متزوجه من عشر سنوات وماصار عندي حمل وماخليت ولا مكان مارحتله مستشفيات قرايين طب شعبي يعني جربت كل شي لاكن ماحملت والحمدلله على كل شي والحين افكر في اطفال الانابيب الي ترددت سنين عشان اسويها بس مشكلتي الخوف شي ماتتخيلونه من كثر مايكشفون على ويسوون اشاعات صار عندي فوبيا مااتحمل اي شي وكل ماسوي موعد اكنسله من الخوف لااراديين وانا يابنات تحاليلي ولله الحمد سليمه كان عندي مشاكل هرمون حليب وتكيس لاكن ماشاء الله الوضع تحسن بس زوجي يابنات حيواناته المنويه يقول الطبيب انو عددهم طبيعي بس الحركه 16 % وسؤال الي نسيته وجلست اقص قصة حياتي هل زوجي عقييم هل مستحيل انو احمل طبيعي وماعلى الله مستحيل انصحوني
اولا حياج الله معانا وثانيا انت قاعده اتكلمين عن الخوف وكانج قاعده اتكلمين عنيوعن ومعاناتي مع الخوف سبحان الله وبعد انا قاعده افكر باطفال الانابيب وقاعده ابحث عنه كثير واسال اذا فيه الم اولا ووين اسويه وللاسف ماعرف شي عن الحيوانات عند الرجل ويمكن البنات يفيدونج وياما ناس قالوا لهم ماعندكم امل تجيبون عيال وعقيم 100% وسبحان الله الله رزقهم حبيبتي عليج بالاستغفار والبقره انا الحين بلشت فيهايوميا ادعيلي اتم عليها والله يرزقج يارب من غير علاج اجمعين والمسلمين يارب وتحيااااااااااااااااااااااااااااااااااااااااااااتي
الله يرزقج ان شاء الله بالذرية الصالحة ويرزق جميع خواتنا بالمنتدى .... حبيبتي لا تخافين سويها وتوكلي على رب العالمين لأن اختي سوتها تقول ما حسيت بشي بس سبحان الله ما كتبلها لأن زوجها حيواناته المنوية تموت بسرعة وزوجج الحمد لله حيواناته المنوية زينه بس حركتها ضعيفة صدقيني سويها وكلي امرج لله سبحانه ما يضيع تعب عبده ولا دعوة حلوة بظهر الغيب
الله يرزقج بالذريه الصااالحه عااجلااا غير اجلااا .. والله اعرف واااجد سوو اطفاال انانبيب ولله الحمد وعيالهم ماعليهم سوي وتوكلي على الله واستعيني بالصبر والصلاااه وان شاء الله ربي بيعووض صبرج خييير ..
هلا أختي . . . لاتخافين الامور سهالة في اطفال الانابيب . . . سونار - وابر - وتنشيط وبعدها سحب البويضات بيكون تحت تخدير يعني ماراح تحسين بشي . . . وحتى الارجاع بعد تلقيح البويضات بيرجعونها وانتي مخدرة يعني طلبي التخدير . . . ولاتخافين ولاتحاتين توكلي على رب العالمين . . . واي استفسااار حاااضرين
الله يرزقج بالذرية الصالحة حبيبتي اول شي لا تنسين الدعا اذا انتي كل فحوصاتج طبيعية و بس المشكلة ان حركة الحيوانات المنوية ضعيفة ترا انا رفيجتي نفسج و الدكتورة عطت ريلها حبوب منشطة و ماشاالله حملت دكتورتها ماجدة اليتامی و الله يسهل عليج
مشكورره حبيبتي على ردك وانشاء الله ربي يرزقك الذريه ويرزق كل محرووم اميين يارب وبنسبه للخوف الله يكون في عونا ويقوينا ولا يخيب املنا يارب والله حالتي حاله مالي شغل غير احجز وكنسل في هالمواعيد :sad_smile:
اختي الغاليه ام عبدالله ربي يسعدك ويفرج كل همك مثل مافرجتي همي لانو ماكنت اعرف انو فيه تخدير الحمدلله يعني انشاء الله مافيه الم ربي يقويني ويعطيني الصبر والقوه وانشاء الله راح اسويها وادعولي انو ربي مايخيب تعبي ورجااي ومشكوووووره مره ثااانيه وربي يجزيك كل خيييير
