بيت العمر

الفال لي ان شاء الله

يعطيج العافية على هالموضوع المهم

الله يبارك للجميع في منازلهم

أنا بيتي بيت حكومة(350م)

الحمدلله على كل حال.........نصيبي طلع فبيت حكومة ومردوووووووووووووف بعد

إن شاء الله راح انبلش بنا بالصيف (( إذا الله قسم ))

بس يبنات والله إني محتارة شسوي

زوجي من النوع البارد ....يبي كل شي عالجاهز.............

وخايفة أنطيح بشركة مقاولات مايخافن الله وينصبون علينا ....

يريتكم تساعدوني وتعطوني شركة زيييييييييييينة​

الله يعطيج العافيه خوش موضوع يام العهد
انا بيتي قديم ودور واحد وان شاءالله ناويه اهدمه وابنيه من جديد عن قريب
ومفكره اسويه 3 ادوار الاول مكون من صاله استقبال ودوايونيه ومطبخ وصاله وغرفه معيشه حمام سباحه داخلي والثاني غرفالنوم والثالث شقتين للايجار خبرج الواحد بيحط على نفسه قرض يكسر الظهر
انا خلصت من المخطط بس باقي الاجراءات وان شاءالله نستفيد من بعض

السلام عليكم ورحمة الله وبركاته
انا اختكم من الامارات كان في خاطري يكون عندي ثلاث ادوار مثل اهل الكويت فكرتهم حلوه خاصه انه عجبني مسلسل كان البيت مصور في الكويت السرداب ودورين يكون في السرداب غرفه الخدامه مع المطبخ وصالات مفتوحه وفوق يكون الغرف مع الصالات المفتوحه لكن في النهاية استقرينا على دور واحد لنا لو بنينيا ثلاث ادوار اعتقد على الاسعار النار يبغيلنا عشر سنوات لين مانخلص وعملنا هذا الدور من صالات مفتوحه وغرفة الطعام للضيوف وثلاث غرف وملحق فيه المطبخ الرئيسي وغرفة المعيشه وحمام داخلي وانتوا وبكرامه ولين الحين كلفنا ثلاث ملايين ونص درهم طبعا لاني ماعرف وايد حق عملتكم وبعدنا ماخلصنا من الاثاث اللي طبعا مكلف جدا جدا والله يسر الامور ان شاء الله

منازل مباركه والا مابنت الله يرزقها

ياهلا باهل الامارات
حياج الله اختي في القلب زايد
وان شاءالله منزل مبارك
بس استغربت من تكاليف البناء حيل مرتفعه جدا
يعني بناء بيتج كلف تقريبا 250 الف كويتي :75_75:
احنا عندنا ثلاث ادوار يكلف مليون درهم =80 الف دينار كويتي تقريبا واذا تشطيب فاخر ممكن 100 الف دينار ونقول غالي بس ممكن انتو مساحات الاراضي عندكم كبيره انا مساحه بيتي 357مربع وممكن يكلف علي اقل من 100 الف دينار او اقل

الله يهنيكم وتدخل بييوتكم الملائكه انشاء الله

جزاكم الله خير بنت عتيبه واماني اكويت

عساه مبارك عليج المنزل
تستاهلون كل خير ونرحب
بكم يااهل الامارات الطيبين

مشكوره حبيبتى على الموضوع الحلو هذا والله يهنيج
ويهنى الباجى وبالنسبه لااخت الى من الا مارات انا لو منج جان بانيه شقه وحده على الاقل تعينج على المصاريف
اما بالنسبه لى انا فسالفتى طويييييله<<<<<كشكشها متعرضهاش
انا كنت بشقه ساكنه حبيت انا وزوجى انا يكون لنا بيت يربطنا طول العمر ولا يفرقنا
فاخذنا لنا بيت بالقرين بالقصور بالتحديد
لمن دخلت البيت كان عندى بنات اثنين الله يحفضهم وكان البيت كبير وايد علينا والحين بعد 10 سنين صارو اسمالله عليهم عندى 5 عيال يعنى البيت صغير علينا
وبما انه احنا اخذنا البيت على حطت الحكومه كنا كل سنه انجدده بس كانو اليهال متضايقين من الغرف وسالفت الحمام عزكم الله عزابيه متيمعين على حمام مساكين عيالى
ففكرنا انبيعه ونراكم الديون علينا ونشترى قطعت ارض والله حطينا ماورانا ودونا فى قطعت الارض يس الحين عاد علشان ما اطول عليكم وعلى السامعين مبلشين مع المكتب الهندسى وخططت لى 3 ادوار الدور الاولى غرفه مع حمامها رئيسيه ومطبخ وغرفت خادمه والباجى صالات
والدور الثانى 6 غرف مع 4 حمامات وغرفة غسيل والدور الثالث شقتين للاجار علشان تعينه باجى العمر واهم بالمستقبل حق اعيالى الى يتزوج اول على فكره عيالى للحين بالمتوسط بس ابى احفظلهم شى للزمن
وربعه دور صار غرفه كبيره بحط فيها العاب وجهاز جرى ببيى فوت وهوكى وهالسوالف لان احنا بيتوتيين اكثر والله
يتمم علينا ونخلص
على فكره الارض الى اخذناها بالمسيله

تسلمين والله على الرد والتحيه صدقتي وايد مكلف الله يهدي بو عيالي يحب الخسر وياريت كبير مجرد ثلاث غرف وصالات مفتوحه وغرفة طعام وملحق صغير بس الحمدلله على كل حال الي كاسر بخاطري انه كل شي غالي والله بس تبغين الصدق والله ماعرف كم مساحة الارض لاني يعني كم حجها بالضبط بس زينه يعني مب كبيره ولا صغيره مناسبه نحن عشنا في شقه بداية حياتنا الزوجيه ولين الحين لغاية مانخلص البيت ان شاء الله وباقي بعد التجهيزات الاخيره من اثاث وصبغ وهذا بعد مكلف عندنا
الله يرزق كل وحده فيكم ببيت العمر واهم شي الجنه
اقول حق بو عيالي اخاف اموت وبعدني نجهز فيه هههههههه لكن الحمدلله في كل شي يختاره لنا رب العالمين
واشكرك على التواصل الحلو والله يديم علينا وعليكم الامن والامان

ماشاء الله عليكم الله يجعل منزل مبارك والله يدوم علينا وعليكم الامن والامان
بالنسبه للشقه والله يا اختي الي مب متعود ببيت اهله يعيش بشقه صعبه يتاقلم على كبر وانا تزوجت وعشت في شقه لكن بصراحه كرهت حياتنا فيها ملل في ملل وخاصه اذا ماعندي حد يونسني فيها وعيالي صغار محتاجين لحوش يلعبون فيه الله يفرج علينا ونخلص من البيت ونعيش فيه ونعوض الملل الي نحن فيه وتسلمين يالطيبه على ردج الطيب وتفاعلج معاي والله يسعد كل وحده فيكم يارب وتعيش متهنيه في بيتها مع بو عيالها وعيالها
نعرفين يا اختي شو في خاطري ببيوت قبل بس بنظام حديث طبعا يعني الاسره كلها ببيت واحد الاب والام والعيال وعيال العيال جو اسري والحمدلله على كل حال

يا مرحبا بج
اختى من الامارات وعلى ردج الحلو
الله يسعدج انشالله بعد وانا مثثلج عشت بشقه وتعبت لمدت 6 اسنين قبل البيت
وكنت اتمنى انى اقعد بيت عربى مع اهل زوجى
بس حبيبتى تجرى الرياح بما لاتشتهى السفن
الله خير اهل ريلى عندهم ان الجنه نسره وماتتعاشر فعلشان جذى ماحبو انى اكون معاهم
للعلم كنا ناوين انه نشترى عماره ونسكن كلنا مع اهل زرجى بس ماشالله عندى حموات (ذهب)
مارضو باهالشى خافو على امهم منى فسبحانالله الله عطانى على نيتى وكثر مامكن ابتعدت للعلم الحين يتمنون انى اقعد معاهم

مشكورا ام العهد ع الموضوع

والله يهني الجميع

اب
..................................................