**بسبة غيرتها على شريكتها شوفو اشصار فيها..قصة تعور القلب**

**السلام عليكم **​

وصلتني هذي القصه بالايميل وحبيت انقلها لكم​

ونعرف شنو رأيكم بالغيره​

حياكم خواتي​

من غيرتها شوفوا ايش سوت في الولد....​

غيرة المرأة​

على لسان البنت اللي شافت الموقف​

تقول : وأنا أصلي بالحرم الا بذيك الحرمه الكبيره بالسن اللي تصلي وتبكي ​

تصلي وتبكي وتدعي وتبكي ​

انا استغربت منها وقلت اكيد لها سالفه وكان كل مابين فتره يجيها ولد شاب يكلمها ويروح ويشوف وش تبي​

انا اخذني الفضول بصراحه وجلست بجنبها وسألتها ليش تبكين عسى ماشر​

قالتلي مافي شي , أنا أصريت وسألتها مره ثانيه سكتت شوي بعدين قالت والله من العذاب اللي فيني ​

ليش؟ وش السالفه؟؟!!​

قالتلي اقولك قصتي وبعدين احكمي​

كنت متزوجه من زوج ونعم الازواج يحبني ويحترمني ويعزني​

بس كان فيني عيب اني ما اجيب عيال وانا حاولت بس الله مارزقني فشرت عليه انه يتزوج ثانيه هو مارضى فالبدايه بس انا قعدت احن واحن الين وافق​

فدورتله على الزوجه وخطبتها له وتم الزواج بس بعد ما تزوجها شبت نار الغيره بقلبي لانه اخذ يميل لها و فتره بسيطه الا والمره حامل زادت غيرتي​

المهم جابت له ولد الزوج استانس وفرح وقعدت انا افكر بنفسي كيف انا اللي شرت عليه ​

في يوم جاني زوجي وقالي بسافر مع مرتي الثانيه وبنخلي الولد عندك​

ووافقت طبعا لانه مافي احد يمسك الولد غيري​

سافروا وخلو الولد عندي وكان الوقت شتا وكنت شابة الجمر​

والولد عمره تقريبا سنه وكم شهر وهو يلعب ويطامر قدامي ​

وانا بقلبي نار تشتعل مثل الجمر وشلون ياخذها ويسافر ولا !! ويخلي الولد عندي ومن هالكلام وفجاءه الا الولد يمد يده بيلعب بالجمر ومن ناري وغيرتي مسكت يدينه وحطيتها اكثر بالجمر اليين ذابت يده وهنا شلتها بعدها مايحتاج اقولك اشلون صارت يد الولد​

وكذا حسيت ان ناري طفت اشوي نمنا ذيك الليله الا ويجينا خبر وفاة زوجي مع زوجته وهم في طريق العوده بحادث​

وظليت بروحي عايشه مالي احد غير ربي ومن ثم الولد اللي تشوفينه وصار اكثر من ولدي واعز ويدور راحتي ويرعاني ومالي ظل غيره​

هو اللي يشوف طلباتي وطلبات البيت ومو مقصر معاي بشي ​

بس انا كل ماشفت يده يتقطع قلبي على اللي سويته فيه وهو يناديني يمه بس الى الان ماقلتله اني انا اللي شوهت يده​

ولازلت اعاني من العذاب وتانيب الضمير وادعي ربي يغفرلي ذنبي​

سبحان الله وشلون حكمة ربك انه صار خير لي لولا هالولد كان انا حالتي حاله ​

ويرد يجيها الولد وهو مخبي يده ويحب راسها ويسألها​

هـــــــــــــــــــــــــــــــــــــــــا يالغاليه نروح الحين​

​

شفتو الغيره لوين وصلتها؟؟؟​

منقول لعيونكم....​

اوله اوله 27 مشاهدة اشدعوة بنات
وين الردود (((((((((((((((((((((((((((((((((((((((((((((

شنو هاذي الغيرررررة!!!!!!!!!!!!!!!!!!!!!!!!!!!!!

اووووووف


يسلمو عالموضوع

الله يسلمج ياقلبي ...نورتي الموضوع

سبحان الله بس الصغير اشلون ما قطع صوت اصراخه احقادها وظلت ايده بالنار ليما تشوهت ربي لا تقسي قلوبنا في فرق بين الغيره والجريمهبحق طفل برئ

الغير صعبه زين ماقتلته او سببة له اعاقه

اي والله شفتي اشلون وانا اذا شفت ياهل بسوق والا بمكان عام يبجي ومادري اشفيه والله قلبي يعورني ...اشلون هذي اصبرت واهوا يحترق جدامها

حياج خيتو على المرور العسل....

الله يرحمنا يارب ولاتقسي قلوبنا
مشكورة خيتو على المرور الطيب

الغيره سبايب ...



هذا مو غيره الا حقد




تسلمين ياقلبي

الله يسلمج حبيبتي ونورتي الموضوع

تعور القلب القصه

حياج حبيبتي

قطعتي قلبي والله اني بكيت تسلمين ع القصة

حياتي الله يسلمج
نورتي الموضوع

اعوذ بالله الواحد اذا ضعف ايمانه ونسى ربه وتملكته الغيره
يقسى قلبه
الله لا يقسي قلوبنا لا على قريب ولا بعيد

امين مشكورة حبيبتي على المرور

مشكورة وما قصرتي ع القصة . . .

فعلا سبحان الله ماندري وين الخيرة في كل شيء . . .

وسبحان الله ربي بيحسسها بالذنب من بر الولد لها علشان تتقرب من الله تعالى وتستغفره وتتوب ع فعلتها . . .


=============

ولاتزعلين المشاهدات ترى فقط لزوار ما يقدرون يردون ع موضعج بس يقرون ويمشون . . .

حياج حبيبتي ام عبدالله ونورتي الموضوع

بس اللي اعرفة انه الزوار ما يقدرون يشوفون الواضيع الا بتسجيل انا قبل لا اسجل كنت بشوف اشلون المنتدى
ومواضيعة بس كل مادخلت على شي يقولون انت غير مسجل .....يعني الزوار بس يشوفون عنوان الموضوع بس اذا افتحو ماكو شي


وحياج الله خيتو.....

مشكوره على القصة إنشاء الله فيها عبرة وعظه لكن هذه ليست غيرة بل حسد وحقد اللهلان الغيرة لا تريدين احد افضل منك اما الحسد والحقد فهو تمني زوال النعمة والحقد تمني زوال الشخص وهو الجريمة اللهم نعوذبك من الحقد والحسد

الله يكفينا شر الغيرة والله يغفر لها والله يابنات الغيرة تسوي اكثر من كذا من القصص الي اسمعها

حياكم الله حبايبي وشرفني مروركم الطيب