صباح الخير شخباركم يااحلى كويتيات ممكن مساعده زوجي مسافر برى لشغل وراجع بعد شهرين وبخاطري اغير بالوك ابتاعي مع العلم ان شعري قصير مقدر اقصه ولونه اشقر مع خصل هاي لايت محتاجه نصايحجن ياالذويقات ابيه اذا رجع يحس بتغير كامل لمده شهر ههههههههههه :wink_smile:
صبغي شعرج لون غامق يعني بني أو أسود وحطي خصل حمره أو فوشيه وطبعا تسوين حمام مغربي وتشيلين جسمج كله بالحلاوه وتدهنين جسمج بلوشن ريحته حلوه وسكسيه والعطر اللي يحبه قلبج والميك أب طبعا يكون ناعم وقميص النوم روحي السوق وشوفي شنو آخر شي نزل وغرفة النوم غيري فيها شوي حطي شموع وحركات وانتي عارفه بعد شتسوين مايحتاج أقولج والله يوفقج حبيبتي
هلا حبيبتي مثل ماقالت ام الحلوات غيري لون شعرج اممممممم سوي رسم حنه بجسمج مثلا اسفل الضهر يطلع روعه وممكن تركبين رموش والله يرجعه بالسلامه لج حبيبتي
:wink_smile:الله يرده لج سالم غانم ان شاء الله.................. اذا صبغتج الهاي لايت حابها عليج خليها واذا شبع منها زوجج غيريها يعني صارها مده مسويتها صبغي صبغه ثانية احسن عشان يصير اللوك غير لأن شهرين مو شوية مووووووفقة حبيبتي
~ عسى الله يردهـ لج بالسلامه ~ اولا انصحج تغيرين بدار النوم وحلو انج تشترين جم هدمه جديده وتشترين عطر يكون ما شمه قبل هالمره تالي قبل يرد بيومين روحي الصالون غيري لون شعرج وسوي حمام بخار وبدكير منكير ان شاء الله اكون فدتج يالغاليه ******** تحيااااتي
قبل جيته بفتره .......... روحي غيري كفر السرير وظيفي شموع وتحف جديده بغرفت النوم والصاله واشتري جم قميص جدد ما شافهم + وجم بجامه حلوه +واشتري عطر او مجموعة لوشنات معطره جديده مو شامهم من قبل وقبل جيته بيومين روحي الصالون و .......... اذا شعرج فاتح صبغيه قامج وحلو البني او الاسود واذا حابه تضيفين ضيفي خصل فوشيا وانا برايي ساده احسن بما ان شعرج في خصل حاليا وبعد قصي شعرج زياده او خليه ع طوله ولعبي بقصتج نفسها ونقشي حنه ع طول الظهر انا جربته وجابت نتيجه روووووعه وسوي حمام مغربي +وشيلي جسمج بالحلاوه (الشيره) +بدكير مانكير وصبغي اضافرج او سوي فرنسي وبيوم جيته انشالله سويله ذاك العشا اللي يحبه قلبه لان راح يكون فاقد اكل البيت ولبسي بجامه حلوه جديده عليه وزهبيله الحمام ( والله يفضل تكونين شاريتله بجامه اوشورت عشان يستانس ) وبعدين حطي مكياج ناعم وحطي لوشنات معطره حلوه وبارده ولبسي القميص و .................................................................... نوم الهنا سوري طولت عليج بس حبيت افيدج لان مريت بنفس هالفتره وبصراحه تقريبا سويت السوالف اللي قلتج عنها لكن فتره سفره كانت اقل 10 ايام ويارب يرده لج سالم غانم
البنااات ماااقصروو وزوجي يغاااار قالت اللي حاابه اقووله .. فعلااا النقش على الظهر حلوووو حيييييييل وفي وحده تجي للبيت وحلوو شغلهااا اذا تبينهااا عطيني خبر ... لانه فعلااا شي مميز .. وبماا انه شعرج هااي لاايت اذا شاايفه نصيحه غيريه اذا انتي بيضااا روحي لااي صالون واصبغيه فووشي رااح تصير الخصل فوشيه والشعر شبه اسووود والله رااح يطلع شي شي شي .. الله يرده بالسلااااااااامه وترفحين بشوووفته ..
مرحبا ياقلبي مافي شي ماقالوه البنات الله يسعدك ويسعدهم .. والله يرده لج سالم غانم بس عندي ملاحظة .. غيري بديكور الغرفة لانه في هذا الشي اثر كبير على نفس الريال وانا مجربته وكفر السرير واشتري الوان منعشه مو غامجه .. عسى ربي يهنيج ويسعدج
مرحبا الغاليه... الله يرده لج بالسلامه انا نصيحتي لج غيري شوي بديكور الغرفه يعني حطي ابوجورات يديده كفر يديد اكسسوارات من ها القبيل يعني... وفي شكلج اصبغي شعرج اسود وسوي فرنش مانكير والا اصبغي اظافر ايدج مع ريولج لون احمر مو غامق ولا فاتح وايد يعني بين البين وحط بس ماسكرا وكحل اسود مع روج احمر وسوي لاين بالحنا السوداني على نهاية ظهرج والبسي قميص نوم قصير وراح اتكونين وااااااااااااااااو والله يوفقج ان شاء الله
