السلام عليكم ورحمة الله و بركاته انا متزوجة وعندي اولاد2 و بنت و من جبت بنتي ريلي فالت يعني ما يدري عن شي اللهم يي يتغدي و يبدل و يطلع ما ادري ليش وشنو السبب معنى احاول اجذبة و اهتم بنظافتي و كشختي لمن يي بس ما يبي يقعد بالبيت و لا دقيقة كله طالع و يدورله على طلعات ما ادري شنو اسوي والله تعبت, و كل ما فاتحتة بالموضوع ماكو فايدة ابي حل سريع لاني صج تعبانة يعني كل شي علي والمسؤوليات كلها علي,ابي حل سريع الله يخليكم
حبيبتي الله يكون بعونج أغلب الرياييل الحين صاروا جذيه ويقطون كل المسؤوليات عالمره إنتي قعدي معاه وكلميه بهدوء وسأليه عن السبب يمكن مزعوج من اليهال يمكن إنتي مو مهيأه له الجو المناسب وشوفي وإذا ماكو فايده خلي أحد من أهلج يكلمه والله يهديه ويسخره لج إن شاء الله
مشكورة حبيبتى ام الحوت ما قصرتي على مواساتيج حقي سالته عن السبب جم مرة كل مرة يبررلي شي يقولي الريال ما يقعد بالبيت و المشكله هم انه هم مايخليني اطلع يعني محكورة بالشقة مع عيالي بس الجمعية او المستوصف او بيت اهلي والدوام
ساعدوني انا عضوة يديدة و صارلي متزوجة من 7 سنوات زوجي متغير علي وايد من يبت بنتي انا عندي 2 ولد و بنت مايقعد بالبيت و كل المؤوليه علي ليدرجة عياله يقولونللي بس خل نشوف بابا قبل لا ينامون وبعدها نام كثره طلعاته مع ربعة وكثرة روحاته الحداق معنه كان ما يعرف البحر ولا له خبرة من قبل المهم قام يتغير زيادة و اكثر و كل ما اصارحة ما يتقبل او يقولي نشالله بس يبي يسكتني كله طالع مايدري عن ولا شي بس يي يتغدي و بالليل ينام والمشكله مايرضالي اطلع بعد انا تعبانة صج ساعدوني لي درجة قام بين فترة والثانية انهار من البجي و التوتر النفسي و كل يوم ييبلي شي يديد ما ادري من ربعة يعلمون بعض مرة يقولي لسانج طويل معني هاااااااءية ولا اصرخ و مرة يقولي اسلوبج و مرة يقولي تحنين معني كلش مو من هالنوع وايد احاول اراضية و اتكشخ وتمكيج وهتم بنظافتي و انيم عيالي و اتفرغ له بس هو ما يشجع ساعدوني
[CLOR="Blue"]تحملي وخلج ماسكه اعصابج لانه الحالات هذه تسير وانا حصلت معاي لابد يمر الريال فيها ويرجع طبيعي مثل قبل واحسن وحاولي جدامه انه الامور طبعيه وكل ششي عادي انا من تكثر المسؤليه دائما زوجي يعصب ويمر في حالات غريبه ومن تخلص الظروف او المسؤليه يرد أحسن من العسل طولي بالج أصبري علشان اليهال . [/COLOR]
الله يهديه لج ويسخره لج .. اهم شي انج تدعين له وتحاولين ترجعينه مثل اول .. هي لاازم فتره من فتراات الزوااج يجي فتوووووور بس لااازم تحااولين تكسرين هالروتين .. وان شاء الله البناات مايقصروون وياااج بالنصااايح .. ................................. ينقل للقسم المناااسب >> قسم الخااص بالمشكلاات الزوجيه <<
اهم شي حياتي في كل شي اللجوء الى اللة بالمشكلات وادعي انه اللة يهديه ويسخرة لج في اوقات استجابة الدعاء وفي دعاء حيل حلو اللهم سخر من وليته امري واجعلني ملاكا في عينه ) اقريه بعد كل صلاة وثاني شي حاولي تكلفينه باغراض البيت والعيال ومع الايام انشاللة بتعدل الوضع واصبري علية لابد بيرجع
والله ياحياتي كلهم جذيه البيت فندق عندهم والمسؤؤوليه الحريم شايلينهااااااا انتي اذا جا حاولي تنومين عيالج بوقت وتزهبي له وعطري البيت وفراشه خليه يحس انه البيت اذا جا يرتاح مو ينزعج ولاتكشرين وسولفي واضحكي معاه الله يكون بعونج واكثري من الاستغفار الله يسخره لج وكل ازواج المسلمات يارب000
مشكوريييييين بنات ام عبودي و فله و ام الحوت وام نوافي و q8 و شلون ارجعة مثل الاول نفلت وااااايد يعنى صار راعي بحر و حداق وهو ماكان يعرف شي عن البحر و يدقدق على ربعة اي واحد فاضي يقعد معاه تعبت واااااايد لي درجت انهار مرات من البجي ونفسيتي تتعب هم بقولكم شي صاير كل شوي ييبلي شي يديد مرة يقولي انت لسانج طويل و مرة تحنين و مرة انت اسلوبج قمت اشك بروحي معنه انا والكل يعلم اني هااااااادية و لي لسان و لمن اكله احاسب بكلامي و لا ارفع صوتي وصل فيه انه لي اخر مرة قالي اذا ما تبيني دقي علي ابوج ياخذج انا نصدمت احسه مو زوجي الاعرفة مو كلامة و تصرفاته والله شكثر اصبر اصبر احس تعبانة من داخل واااايد ابي حل حبيباتي
أن شاءالله تفيدك هذى الطريقه ...غيري في البيت موبس في شكلك...وحاولي تهيئي نفسك ونتومي وخليك عاااادي وحاااولي تكوني لبقه في كلامك وتصرفاتك وفاتحيه .....وبعد كذا اذا ماجابت معاه فائده كلمي أهلك يمكن شايف له شوفه ماتدرين عن الرياييل
شوفي اختي انا اعاني من نفس المشكله بس يمكن الفرق انا زوجي متزوجني لمصلحه و عشان جدي يقلب .. بس اعتقد اللي عندج فيوزاتا يبيلها تضبط حقريه و انشغلي عنا خل يوله عليج غيري في شكلج لبسي لبس بنوتات في البيت ردي شغل قبل الزواج و نومي اليهال بدري و قعدي سوي شي تحبينه لاتقطين عمرج عليه اهو الحين زهقان و انتي لمل تكلمينا يزيد.... اهتمي بنفسج و اخدي نفس عميييييييييييييق .... و انشالله مرحله و تعدي و غندي لج فكره انشالله تفيدج كلميه مسجات .. و خلي له عطر هديه غلى فراشه مع كرت :نحن في فتره راحه من بعض راح اشتاق لك ... انشالله تفيدج حياتي و نسمع اخبار حلوه
حبيبتي الله يعينج ترى كل الرياييل جذي ، تدرين انا قاعدة بيت حمولة ، ما اشوفه يا طالع يابالدوانية ياقاعد عند اهله ، والله الحال من بعضه ، وسويت كل الي قالوا عنه البنات ، لا حياة لمن تنادي ، بعد شنسوي الله يعينا .
حبيبتى طبعا قبل كل شى التوجه لله بالدعاء والصبر الاسباب محصوره فيك و الموبايل واللاب توب دورى بهدوء وبدون شوشرة وركزى عدل وحلى الامور بدون تهور ترى المرة العاقله الفاههمه كلها جاذبيه وجمال من نوع خاص فهمى كلامى عدل واهم شى التركيز على الحل الله يهدى الجميع وىوفقك
حبيبتي انتي نفس حالتي وصرت اعطيه طاااااااااااااااااااااااااف واعيش حياتي واستانس مثل ما هو مستانس اشتري سي دي افلام جديده او اشبك او اقرا مجلات او اي شي احبه او اقرا قران صج يريحني كلام الله حيل والله يهديه وراح تشوفين شلون يتغير
انا اقولج خلية يولي لايصير كل اهتماماتج تري الريال لمة يشوف مرتة كاشتة فية يفرفر وتلاقينا يايلج ركض لا تقطين نفسج علي الريال ما يحب الشي السهل حب الشي الصعب يحب اهو الي يحارب علشان ياخذ الشي مويلقاه جاهز لاتكليمنة ولاتقوليلة اشفيك متغير لا تقولين لة ليش ما تقعد بالبيت اهتمي بنفسج وبعيالج ودعي ربج
من له حيله فايحتاااااااااال الضاهر والله اعلم ريلج شايفله شوفه من بنات ابليس(ان شاء الله لا) المهم حبيبتي لا تعودينه انج تشيلين كل المسؤوليه عنه وبعدين تشتكي انا معاج خطوه بخطوه والله يرجعه المهم الدعاء والصبر اول شي اذا طلع ريلج عقب ساعه او نص ساعه دقي عليه وسمعي شنو الاصوات اللي يمه هدوء ولا صوت بحر اعرف وحده ريلها كله يقولها بالحداق واخر شي طلع عنده شقه للليالي الحمراء وديري بالج اذا عرفتي شي تتنرفزين وتصارحينه خلج هاديه(اسال مجرب ولا تسال طبيب) ثاني شي لا تقطين عمرج عليه وايد وانت شفيك وليش متغير ترى هالاسلوب يملله زياده
حبوبه يمكن احد من ربعه مغير ترى الحين صايرة اللي يشيش الرجال على اهله ديري بالج واي كلمه يقولها لج خليج صامده والصوت العااالي اياج خليج هاديه وهو يحترق واياج ترضين تطلعين معاه وهو يصارخ عليج ديري بالج شوفي وين نقطه ضعفه لازم في لااااااااااااااااااازم بالاكل مثلا او النوم اوفلوسج او الهدايا مثلا تسوين اكله حلووووووووووووووة واليوم اللي وراااااااة وبس سوي نفس الغدا نفسه باقي الاسبوع ساعتها هو راح يجي ويستفسر ها؟ الحين يجي دورج رقولي انا تعبت لا اطلع ولا اقضي اغراضي وتعبانه نفسيا واوبي يقول تعالي انا اوديج شلون تبيني ارضى ان ابوي يوديني وانت زوجي الغالي حي؟ انا مابي ابين ان ىانت ناقص لاحشا ماارضاها على ابو عيالي وانت ماتقدر شفتني امس سويت وتكشخت وبخرت كلها عشانك بس انت لالاسف ماكو فايده لازم تغير وبسسسسسسسسس مع هالموال راح يتغير غصب وبعدين ردي سوي عصير غريب حلو لو تطلبنه وتقولين ان انتي اللي سويتيه عرفتي والدعاء:اللهم ملكني قلب من احوجتني اليه
