د / ابراهيم العنزي

السلام عليكم

الله يعطيك الصحه والعافيه دكتور على هالبادره الطيبه


مشكلتي اني اعاني في ارتجاع بالمريئ من فتره طويله تقريبا 13 سنه و خذيت علاج من الدكتور اللي شخصلي

الحاله بمستشفى الجهراء بس ما قدرت اكمل العلاج لان كان يصاحبه الم شديد جدا بالمعده وماقدرت اكمله او

استحمله وحاليه انا يجيني الم بالسره بين فتره وفتره مو مستمر ياخذله جم يوم ويروح وبعدها بفتره شهر او اكثر

يرجع الالم وانا معاي القولون


وان شاءالله الشفى عندك من بعد الله سبحانه وتعالى


لك كل الشكر دكتور

السلام عليك دكتور حابه اسالك عن تكلفة العملية وهل فى مجال اسويها بمشتشفى الاميرى واذابمشتشفى الهادى تكلفتها بعد بجم وبالنسبة للحمل اشكثر مدة بعدها اقدر احمل ويعطيك العافية:wink_smile:

عفوا دكتور مارديت على

دكتور الله لايهينك عندي سؤال

انا عمري 32سنه وعندي خمس اطفال الحمدلله

مشكلتي بجسمي غيرمتناسق يعني لي بطن كبير وزنود

وزني تقريبن 83وطولي 150

وش تنصحني فيه
اسوي تكمييم او ربط معده
وكم التكلفه وتقدر تسو يعمليات برى الكويت
ونسيت اقولك انا من النوعيه الي بسرعه اضعف وبسرعه ارجع
ولا تقولي رجيم لاني ما احب انتضم بشي
علمن انا سليمه

الرجاء الرد على الخاص

السلام عليكم دكتوري الكريم

عندي استفسار

وحابة التوضيح

وهو أن عمري 25 وزني 97حاليا وطولي 166

وقبل شهرين كان 103.7

ووصلت لهذا الوزن ووقف مو راضي ينزل يزيد كيلو وينزل كيلو للعلم أني استخدمت حبوب السيبوترم للتخسيس

أنا بديت اتعب نفسيا لأنه وقف لحد معين

ولا في تطور

وخايفة يوقف وزني لهذا الحد

بشنو تنصحني؟

وشكرا

اختنا هدي

شخبار الادوية اللي عطيناك اياها ؟؟ والفحوصات؟؟؟

تم الرد عالايميل

نحن بصدد انشاء اول وحدة للسمنة - كوحده متكامل تحتوي جميع المتطلبات من تغذية او جراحة سمنة او جراحة تجميل بمستشفي العرف سوف يتم فتحها بالقريب العاجل باذن الله تحت اشرافنا
ستكون الوحدة المتكاملة قادرة علي تحديد تقديم الافضل علي حسب الحاجة

السلام عليكم ورحمة الله وبركاته

شلونك دكتور إن شاءالله طيب

إن شاءالله ألقي الجواب الشافي لأسئلتي عندك

دكتور أنا قبل شهر وأسبوع صار معاي إنسداد في المعده لمدة يوم ونص وأنا أعاني من العوار بسبب (عيش) أكلته وعرفت إنه إنسداد لأني أستفرغت الأكل علي حالته إللي أكلته استحملت العوار لمدة شهر كامل وشفت السالفة طولت كل ماآكل من لقمة أو لقمتين بطني تنتفخ مع عوار وتصير صلبة وماأرتاح إلا لما أستفرغ إللي اكلته

والاسبوع إللي فات راجعت المستشفي إللي سويت فيها العملية وسوالي الدكتور منظار معده وطلع عندي فتق في المعده قياسه 5 سانتي
وعطاني دكتور المناظير علاج استمر عليه لمدة شهر motilium , nexium وبعدين يشوفون شنو راح يصير


بصراحه سألت دكتوري إللي سوالي العملية وللحين مارد علي أسئلتي أبي أتطمن لكن ليس هناك من مجيب

واتمني إنته ترد علي لأني في دوامه

دكتور مرت عليك نفس حالتي فتق في المعده بعد عملية التحوير

وحالتي تستدعي تدخل جراحي ولا لأ

هل ممكن المعده تصاب بالغرغرينا

مكان الألم بالضبط بنص البطن هل هذي الأمعاء ولا المعده الصغيره

ماهي احتمالات شفائي من الفتق وهل الأدوية إللي آخذها ألحين كافية للشفاء وايضا للعلم في بداية استخدامي لتلك الأدوية توقف الإستفراغ والألم لمدة ثلاث أيام وبعدين رجع لي نفس العوار السابق

وهل فتق المعده يوسع المعده لأني ملاحظة صار في تغيير في هيئة المعدة كبرت عن أول

أذيتك دكتور بالأسئلة وأتمني ماتهمل رسالتي لأن رايك مهم بالنسبه لي وانا مؤمنة بقضاء الله وقدره وهذا إبتلاء من رب العالمين ونحمد الله ونشكره علي كل حال

ولك كل الشكر والتقدير والإحترام

السلام عليكم د. ابراهيم
بسالك بعد عمليات السمنه تحدث دوخه وغشيان للمريض بعد فترة من العملية يعني شهرين او ثلاث او اكثر بدون لايحس يغشي عليه ؟

اختنا العزيزة

احتاج تفاصيل اكثر عن حالتك يا ليت لو اتكلميني تلفون باكر بعد المغرب وانشالله بنلاقي لك حل

سلامات

نعم
التدبيس يصير لهم دوخة نتيجة الجفاف
تحويل المسار نتيجة متلازمة الدمبنج

إن شاءالله دكتور
والله يسلمك من كل شر
وشاكره لك سرعة ردك علي وجزاك الله كل خير

مشكور دكتور ماقصرت
الله يعطيك الصحة والعافية

دكتور مرحبا منور بمستشفى العرف انا دكتور فيني ورم بالغده ووظائفها سليمه لانه وراثه بالعائله وانا مابي اسوي عمليه وعندي نقص بالكالسيوم ودال وزني بدا يزيد 73وطولي 156وكتلة الدهن عندي 2 راجعت عند دكتور تغذيه رفض انه يعطيني حبوب لقطع الشهيه وانا مابي اسوي العملية شنو الحل عمري 33سنه انا خايفة من تشوه الرقبه بعد العمليه وخايفه على الاحبال الصوتيه

دكتور مرحبا منور بمستشفى العرف انا دكتور فيني ورم بالغده ووظائفها سليمه لانه وراثه بالعائله وانا مابي اسوي عمليه وعندي نقص بالكالسيوم ودال وزني بدا يزيد 73وطولي 156وكتلة الدهن عندي 28 راجعت عند دكتور تغذيه رفض انه يعطيني حبوب لقطع الشهيه وانا مابي اسوي العملية شنو الحل عمري 33سنه انا خايفة من تشوه الرقبه بعد العمليه وخايفه على الاحبال الصوتيه

الله يجزيك خير وعافية ما قصرتي

مرينا بمستشفي العرف نراجع حالتك ونقرر الافضل لك انشالله

السلام عليكم دكتور
انا وزن اختي 131 وطولها 171 يعني الكتله 44 صح؟
عمرها 15
تقدر اتسويها عندك ؟

انشالله بس لازم انشوفها اول ونعطيك الرأي النهائي
مرينا بالعرف من 6-9 مساءا - السبت الي الخميس

السلام عليكم
دكتور انا وزني 70 وطولي 155
حسبت كتلة جسمي = 70/1.55/1.55=29.1
وجسمي وايد قابل للمتن
ومع الحمال وزني يقل ما يزيد .. وبعد الولاده وزني ينزل كلش لكن من يرجع جسمي الى طبيعته اللي اهو بعد شهرين الى سنه من الولاده ارجع انتفخ
و اللي كنت ابي اعرفه ان :
هل هالعمليات تتاثر بالحمال و الولاده ..
لانه كنت ناويه اسوي شد عضلات البطن بس قالولي انطر الى ما اخلص جميع ولاداتي
فقت اسوي تدبيس يمكن ما تتاثر والشد اقضيها رياضه لحد ما اخلص اسوي عمليه


جربت اربع انواع من حبوب التنحيف و ما كو نتيجه مرضيه
وانت عارف ان مو زين نستمر عليها
اللي كانت تضعفني شوي الزينيكال بس تعبت منها
تخيل الرجيم كان قبل الاكل زينيكال مع العلم انها وجبات خفيفه
والصبح اشرب شاي تنحيف وقبل النووم ايضاً واخذ ابر الميزوثيرابي لتذويب الدهون لمنطقة البطن والارداف
يالله وصل وزني 65
وبس هديت هالاشياء رجع 70 وفي طريقي الى الزياده ووايد ودي اسوي عمليه اسد معدتي

بس ما اعرف ايهيي الطريقه الانسب والاسهل

سمعت عن اشياء وايد تدبيس تكميم تغير مسار بالون

اتمنى انك تنصحني بالاحسن وتساعدني ماتسكرها بويهي