ساعدوني خواتي مره سويت تحاليل للجسم من بينهم تخطيط للقلب راويت الدكتور التخطيط سكت ما كالي ولا كلمه بس قال بيتريا التحاليل عاد اهنيه خفت سرت عياده للقلب الحمد لله ما فيني شي والله من داك اليوم وانا خايفه وطلعت التحاليل الحمد لله زينه بس الكلسترول مرتفع شوي ... بس انا خايفه هاي السالفه صارت حقي فوق اربع اشهور والخوف مارضى ايوخر عني والله ما خليت دكتور ما سويت تخطيط والحمد لله زينه ...بس احس ابخفقان واخاف ,اخاف اموت واودر اعيالي وخصه ان اعيالي ما عندهم حد غيري بس ارتاح يوم حد يرفع من معنويات.... دخيلكم ارفعوا من معنوياتي............:frown:
اذكري الله واستعيني فيه انصحج تراجعين عند دكتور هاني شحيبر بالكويت سوي جيك اب على نفسج وانشالله ما في الا العافيه كثري مشي وااايد زين للكلسترول ...
قولي لااله الا الله>>>>اهم شي ابتعدي عن الدسومات عشان الكليسترول مايصلب شرايينك زي"الزبدة واللحوم/المايونيز/الموز/البيض/حليب كامل الدسم واشياء ثانية اجهلها عن المأكولات الدسمة" وبالنسبة لخفقان القلب جتني زي حالتك والله على الله سبحانه وعلى عشبة"المليسيا" عن تجربةزينة لانتظام خفقان القلب وسوي بحث عن هالعشبة وراح تشوفين منافعها
تركي الخوف ورا ظهرك والوسواس بعد مافيج الا العافيه ساعات الخوف والوسواس يخلينا نعيش بالمرض فأنتي دايما خلي صورة أعيالج جدام عينج ودووم خلي الأبتسامه بويهج ماتتفارق عنه أبد .
الخطء دائما وارد انا بقولج سالفه وان شالله ترفع من معنوياتج مرة اخوي راحت لطبيب لان ايدها صارت تعورها فكشف عليها الطبيب وقال فيج جلطه وصارت تبجي وتصيح وتنوح وتقول مثلج عيالي وعيالي بعدها راحت سوت تحاليل وكل تحاليلها زينه واشعاتها وكل شي فقررت ترجع لنفس الدكتور بعد ما راحت عند اختصاصين وقالت انت ليش تجذب علي قال انا ما جذبت بس الخطء وارد والحين ما شالله عليها حتي امبوب الغاز ترفعه الله يديم عليها الصحه وعلينا يعني يا قلبي لا تخلين وسوسة الشيطان تلعب فيج ودقات القلب من وسوستج انتي اما عن الموت فمات ناس اصح مني ومنج يا قلبي يعني الموت ما يجي بس المريض كل نفس ذائقة الموت وانشالله تعيشين لعيالج و تزوجينهم وتشوفين عيالهم لكن اذا وسوستي وما تكلتي علي الله راح تقصرين من عمرج بالخوف بعيد الشر عنج ... الخوف عدو الانسان لا اله الا الله محمد رسول الله ... استغفر الله العلي العظيم من كل ذنب عظيم ... الله الله بالصلاة والاستغفار
قولي الحمدلله مافيج ألا العااااااااااافية بأذن الله اعتقد ومن وجهة نظري ان النفسية لها دور - فالوسواس هذا لابد يأثر عليج لماذا الله أمرنا أن نستعيذ منه بعدين منو ألحين مافي كلستروول هذا مرض صار عادي من كثر ماهو منتشر وعلاجه سهل وهي ممارسة رياضة المشي ودائما تعوذي من الشيطان وأكثري من الطاعات بتلاقين انت بنفسج راح تضحكين على نفسج وتقولين شفيني كبرتهاااا وموفقة حياااتي الله يخليج لعيالج
حطي عيالج بين عيونج حبيبتي انا بس احب اقول لج خلي عنج الوسواس واسمله عليج صدقيني محد يموت ناقص عمر ومحد يموت قبل يومه وما لج شغل بكلام الدكتور وعيشي حياتج وحطي اعيالج بين عيونج وقتها راح تنسين كل شيء عشانهم ولا تحسسينهم بحزن وضيقه وعسىء ربي ايطول بعمرج وعمر اعيالج قولو امين
