السلام عليكم ورحمه الله وبركاته طبعا احترت وين احط موضوعي بأي قسم لقيت ان هالقسم انسب واتمنى تساعدوني لان مالي لله ثم انتم طبعا مشكلتي مع اختي الكبيرة وللاسف اني اقول اختي انا توني متزوجه من شخص محترم واخلاق والله يابنات انه مو مخلي علي قاصر ويحافظ على صلاته ولايشرب زقاير وبار بأمه بس مشكلته ولا اعتبرها مشكله انه عسكري بس اختي الكبيره متزوجه وعندها عيال وزوجها مهندس وكله تعايرني وجدام اهلنا وجمعاتنا كله تقول ايه انتي زوجج عسكري طايح حظه هذا مستواج وانا اسكت بس تحرجني بهالكلام وتضايقني لانه احس انه تغار مني لانه زوجها صح مهندس بس كله مهمل بيته ولايدري عن عياله ولايصلي ويشرب زقاير وكله يسافر مع ربعه يعني اهي مومرتاحه بحياتها بس تبين لنا اني مستانسه واذا قلتلها انا مايهمني اذا زوجي عسكري او مهندس اهم شي يخاف الله فيني ويحبني تقول اي واسي نفسج بهالكلام وانا فعلا الحمدالله كل يوم اصلي الليل واحمد ربي واشكره عطاني زوج صالح ويعيني على طاعه ربي ولا يشرب الزقاير بس اهي تحرجني عند اهلنا وجماعتنا بهالكلام وانا مادري شلون اخليها ماتفكر هالتفكير احس ودها اني اكون مهمومه ومومرتاحه بحياتي نفسها .. واهي لاتصلي ولا زوجها يصلي واذا تكلمت عن الدين وعن الصلاه تقول (اي اي جاتكم المطوعه ) ودايم تبي الكل يمشي على رايها لو شي يغضب ربي المهم اهي اللي تتحكم.. وانا ماعرف شسوي وشلون اعالج هالمشكله .. تكفوون ساعدوني رايكم يهمني وجزاكم الله الف خيررررر
صدقيني اختي اختك تغار منك لا اكثر ولا اقل بس انتي عطيها على قلها ولاتردين عليها باي كلمه اذاخاطبك الجاهلون فقل سلاما وترى الحقران يقطع المصران والحمدالله ان بهذا الوقت تلقين رجل يخاف الله محافظ على الصلاة بار بامه قاطع للمنكرات ولله الحمد وطلب منك المحافظه على بيتك وكثرة الدعاء لها والاستغفار وهم العسكريه تطلع رجال يحمون البلد بس انتي لاتضايقين وربي معك
ان كنتي تبين النصيحه احسن حل التطنيش او قولي لها انج لقيتي سعادتج مع هالانسان وان عمر المناصب والفلوس ماتسوي شي عند شخص بعيد كل البعد عن ربه ولما تعايرج قولي لها انج مرتاحه معاه وعلي قولت المثل الرياجيل مخابر مو مناظر وانه مهتم فيج وكافي انه يصلي ويخاف ربه فيج ومثل ما قلت لج التطنيش احس حل ولا تحطين كلامها في راسج دامج مرتاحه معاه خلااااااااااااص
خواتي (الحب لك ياوطن ) (الدين بقلبي) والله ماتدرون شكثر كلامكم ريحني وانا راح اسوي مثل ماقلتولي اطنش ومالي غير ادعي ربي انه يثبتني على طاعته ولا اهتم وافكر بكلامها الله يجزاكم خير ويوفقكم دنيا واخره ويارب يريح بالكم
الله يعينج هذي وهي الكبيرة يعني انا مع حل التطنيش مادري متى شهادة الريال ولا وظيفته مهمة؟؟ المهم اخلاقه ودينه انتي نصحتيها عن الصلاة وماردت لا تتعبين نفسج معاها وهم نصيحة لا تكلمينها عشان لا تلقى منفذ وترد عليج وتعايرج بريلج واذا بطريقة ما استفزتج وردت عليج >>> قوليلها الحمدلله انا احسن منج القافلة تسير والكلاب تنبح
الله يعينج هذي وهي الكبيرة يعني انا مع حل التطنيش مادري متى شهادة الريال ولا وظيفته مهمة؟؟ المهم اخلاقه ودينه انتي نصحتيها عن الصلاة وماردت لا تتعبين نفسج معاها وهم نصيحة لا تكلمينها عشان لا تلقى منفذ وترد عليج وتعايرج بريلج واذا بطريقة ما استفزتج وردت عليج >>> قوليلها الحمدلله انا احسن منج القافلة تسير والكلاب تنبح
شوفي حبيبتي اول شي الحمدلله الي ربي يرزقج واحد يصلي ويعرف ربه وحتى الزقاره مايشربها وهذا نادر بوقتنا حاليا ثاني شي اختج الله يهديها منها واجد .. دام السالفه وصلت انها تحرجج جدام اهلكم اهني لازم توقفينها عند حدها .. كلميها بينج وبينها وقولي لها عيب عليج الي تسوينه ترا انا اختج والمفروض سعادتي تهمج واذا انتي على قولتج مستانسه بزوجج ف الله يهنيج وترا انا بعد مستانسه بزوجي وحتى لو كان بنظرج ولا شي كل وحده زوجها له مميزات وتحبه بس ماتوصل انج تقعدين تعايريني جدام الناس شتبينهم يقولون عنا خوات وجذي ترا بينقدون عليج وعلى فكره تراهم عارفين انج غيرانه ومحتره فليش تفشلين عمرج جدامهم اتمنى انج تخفين علي شوي على الاقل جدام الناس وخلي " سوالفج البايخه " بينا وبس ... لا تقعدين تنصحينها بصلاتها ولا بدينها اهي اكبر منج وعارفه وفاهمه وهذا اختيارها وربي يهديها بس لا تعطينها مجال اتطنز عليج وتسمعج حجي خليها ربي يحاسبها انتي بس ادعي لها بالهدايه والله يهديها ان شاءالله وموفقه حبيبتي .. واسفه على الاطاله ( بس انفعلت معاج )
مع احترامي لردود خواتي يقولون لج طنشي والله يا بنات في ناس ماينفع معاهم التطنيش بالهم طوووووويل لازم توقفونهم عند حدهم هذا الكلام من خلال تجربتي في الدوام .. في ناس ينفع معاهم التطنيش وفي ناس لاااا لازم تلعنين خيرهم عشان يحترمون نفسهم !
الله يعينج يالغلاااا بس صح كلام خؤاتي احسن حل التطنيش شرط بتمل يا قلبي ؤالله معاج ؤعسى الله يهديها ان شاء الله ..
على طووووووووووووول سولفي جدامها عنج وعن زوجج واشكثر انتي مستانسه وبدون لاتبدي بالكلام واذا تكلمت قوليلها اللي مايطول العنب حامض عنه يقول ولا تبينين ولو دقيقه وحده انج مضايقه او مهمومه كله خلج مستانسه وكشخي ولبسي وطلعي طنش تعش تنتعش
اختي قبلة مطير نوعية اختج كثرانه في مجتمعنا للاسف وهذا يدل على انها فاضيه من الداخل ويدل على الحقد والكره والغيره الله يكفينا شرهم--فانا انصحج بالصمت وهذا لايدل على الجبن-اذا هي مفتخره بحسن كلامها؟؟؟فانتي افتخري بحسن صمتج-ومبين من كلامج انج انسانه مؤمنه وتخافين ربج اصبري الصبر من صفات المؤمن الصالح وادعيلها بالهدايه-احمدي ربج دائما على هذا الزوج الصالح واكثري الاستغفار
خواتي وحبيباتي عسى يارب يغفر لكم ويوفقكم بحياتكم ويرزفكم والله كلامكم كلكم خفف عني وهون علي اللي فيني ومثل ماقلتوو اطنشها لاني بديت احس ان بتطنيشي لها زهقت لان احس انها شافتني كله مستانسه ولا اشكي من زوزجي عند امي والحمدالله انا ادعي ربي يمسح على قلبي ولا يشغلني الا بطاعته وذكره وانا بدعيلكم اليوم بالليل بصلاتي وحده وحده فيكم ان ربي يرزقكم ويوفقكم دنيا واخره
بصراحة اختك تافهة وفيها نقص ما عليك منها اذا طولت معاك حاولي انك ما تحتكين فيها ولا تعطينها ويه اليما تحس على دمها واشفي العسكري مو ريال الله يهديها انشاءالله ويشفيها.
حبيبتي انا احب اقول لج لا تغذف الا الشجره المثمره واختج اتغار منج وصدقيني انا بنصحج بشغله وحده وعن تجربه صدقيني صارت لي لا تسولفين عن زوجج اذا كان مهتم فيج واذا كان ايطلعج ومهتم باهله والله الناس ما ترحم وما يحسد المال الا اصحابه وانتي لم اتسولفين اتفتحين عيون الناس واختج عليج اول شيء واتخلينها اتغارن عشان جذي هي ما لقت شيء احسن منج الا وظيفه زوجها واهم شيء تدعين ان الله يبعد عيون الناس عنج وصدقيني راح ترتحين اذا عشتي بدون ما تكلمين عن زوجج
هلا أختي . . . إذا إهي ما تخاف ربها ، وصلاة ربها اللي فرض ما تركعها شنو حياتها اللي مستانسة فيها !! أختي . . . نصف بنات الكويت الجامعيات متزوجين أقل منهم في الشهادة . . . وبيني وبينج شهادة عيالنا هالايام كلها سلق بيض من الفلبين والبحرين ومصر يعني شهادات خربوطية . . . ولا عمرها كانت الشهادة تقيس عقل ووعي إنسان . . . وأنتي قلتيها عنده شهادة لكن ماعنده دين ولا اخلاق ولا يدري عن بيته . . . إهي إنسانة تعاني من هالامور لكن تبي توصل لج انها مستانسة وإهي من داخلها عارفة حياتها شنو بالضبط . . . والله لو منج ما اهتم ولا اخذ في كلامها . . . وكل ما تقولج عسكري قولي هالعسكري صايني وصاين بيته وعارف فرض ربه ولله الحمد شوفي انتي المهندس اللي عندج شنو مسوي . . . اهي تبي منو يعطيها في الصميم قولي كلمتج وقومي تركيها وقولي لها هذي اخر مرة تقولين هالحجي لي فاهمة . . . المصيبةحتى الخوات يكونون اشد عدواة لج من الغرب. . . وان شاء الله بعد موقفج الجاد وياها تلزم حدودها . . . ولاتنسين الطيبون للطيبات . . .
حور اي والله كلامج هو اللي انا افكر فيه يعني شفيها العسكري على الاقل انا دعيت ربي يرزقني برجال صالح مو رجال صاحب منصب ... بس مثل ماقلتي الله يهديها ويشفيها ومشكووورة وجزاج الله الف خير وعسى ربي يغفرلج دنيا واخره نور دنيتي عزالله نصيحتج من قلبج .. والناس اللحين والله ماتعطي خير حق اللي عايش مستانس ومرتاح بحياته وانا بحط نصيحتج بعيوني ولا راح اتكلم عن زوجي ولا عن حياتي الخاصه تسلمين يالغلا وجزاج الله الف خير وعسى ربي ينور دربج ويرزقج ام عبدالله والله كلامج كله عين العقل والرجال مو بشهاده كثر ماهو ملتزم بدينه واخلاقه وصدقتي ان بعض الخوات يكونون اشد عداوة من الغرب ربي يوفقج ولايحرمج الاجر ان شاءالله
اختي ماعليج منها اهم شي الصلاه وبر الوالدين وكافي يحبج شتبين بعد شالفايده مهندس ومايحبي عدل ولوو وزير شالفايده أبي قلبه ولا أبي منصبه!! الله يهديها اهي شافتج مستانسه ومرتاحه أكيد تتعب نفسياً ولووو ودها زوجها بطالي بشرط يهتم فيها ويحبها مثل مايحبج زووجج حبيبي والله زوجي عسكري مثل زوجج لا يدخن ولايسهر برا ولا يحب السفر بكثره ويحبني ويحب عيالي ويموت بأثري انا وعيالي صدقيني ماعيلج من قيل وقال والله يعيييين وأدعلي لها بالهدايه وبالتوفيق للجميع
لاحول ولاقوة الا بالله والله ذكرتيني باختي دايما تحتر من معاملت زوجي لي وحنيته مع انه انسان بسيط واااايد وحالوت افهمها وساعات اطنشها بس مافي فايده وبالاخر 7 سنين الحين ماتكلمني ولا اكلمها
