هايات بنات الموضوع باين من عنوانه شنو كان موقف ريلج لما ياج الطلوق خصوصا اول بيبي اتحفونا بمواقف رياييلكم انا عن نفسي كانت تييني طلوق خفيفة وتروح بس كانت تعووووووووووووور وريلي يقولي انتي ليش ماتصارخين؟؟؟؟؟!!!!!!!!!!! متأثر بالمسلسلات:tongue: عاد يوم يت الصجيييييييية مت قعت اضغط على ايده حيييييييييييل بالسيارة واصييييييييييييح واهو طاااااير ووجهه:mskket: بس يوم جاب الويل جير وقعدت دزني لباب المستشفى و الصعدة تعرفونها المايلة ويقول ودي اهدج الحين عشان اطيحين حبيبي من الربكة مايعرف شيقول عباله يخفف عني و انا بمووووووووووت ودي حزتها باكبر ماعندي يلا دوركم
ههههههههههههههههههههههه صج خوش ونيس زوجج انا عن نفسي لمن حسيت يومين وانا احس بعوار ورحت بالثالث عساس عوار ماتوقعت بقولون لي دخول المهم كنت قبل لا اروح المستشفى متهاوشة مع زوجي يومين باليومين حسيت بعوار بس سكت لاني مااكلم زوجي ومابي اكلمة بس لمن زاد العوار علي دزيت مسج لزوجي وقالت ابي اروح المستشفى احس بعوار رد علي وقالي يصير خير ونطرتة والعوار ذابحني عاد طرشلي مسج بعد نص ساعة وقالي اشرايج باجر اوديج رديت علية وقلت العوار ذابحني من يومين مو اليوم وابي اروح الحين عاد رحت وطول طريج ساكتين وانا العوار ذابحني بس كبرياءي مو مخليني اقول اي او اصارخ عشان مايقول اني ادلع او ابي اتحرش فية المهم يوم وصلت وقالولي دخول فيج 4 ساني رحت وقتلة وراح يسوي اوراق دخولي وبعدها وقفني وقالي انتي مزعلتني بس مع هذا ابيج تسامحيني ولاتزعلين مني سكت جان يقولي هااا سامحتيني اكيد قالت لا مو مسامحتك وعيش بتعذيب ضمير لين مااولد جان يقول لا انتي ماتزعلين علي واكيد مسامحتني ضحكت وقالت مسموح بس لا تعيدها ههههههههههه سوري طولت بس هذا الي صار معاي
انا يا اختي عن نفسي ما ياني طلق رحت مراجعه عاديه قالو دخول وضغطي كان مرتفع ف عطوني طلق صناعي ومن عطوني الطلق وانا ابجي طبعاً ريلي لمن بالمراجعه ونسوي الاوراق وانا مافيني طلق اهوا مستانس بس يااااااااني الطلق قامت عينه تدمع ويمسك ايدي حيل وانا ماسكته حيل واهوا يستحي من امي شوي بس شافها مو يمي لمني حييييييييييييل وباسني على راسي فديته ريلي حنون ماكو مثله
أنا موقفي بالولاده فيلم طبعا كنت نايمه وهو تحت سهران بديوانية البيت المهم قعدت من النوم عشان عندي دوام حسيت بشي غريب إن من تحت حسيت برطوبه طلع نازل علي ماي الولاده المهم دقيت عليه وقلتله تعال وديني المستشفى المهم طلعنا تقريبا الساعه 6 ونص الصبح وهو طاير فيني بالسياره صوب بنيد القار عشان بولد بمستشفى السلام المهم وهو مسرع بالسياره جان يطوف الإشاره والا تطيح علينا ذيك الدوريه اللي تلحقنا ورانا ورانا لغاية ماصفطنا الشرطي عاليمين جان يقول الشرطي لزوجي شسالفه طايف الإشاره جان يقوله زوجتي ولاده وقعد الشرطي يخز فيني ويطالع ببطني جان يقول ماتشوف شر وخلانا نروح بس كان ذاك اليوم فيلم ماينسى ههههههههههههه
مرسول الحب: احلى كبرياء حده مو وقته!!!! وحلوة من ريلج خليها باجر ,الله يهداج جان طرشتي مسج للبيبي يأجلها شوي!!!!!!!! زنن: ماشاء الله على ريلج الله يخليكم لبعض ويكفيكم شر العيون. ام الحلوات: لووووووووووووول ولادتج تنفع حلقة لطاش ما طاش. الجميع :شكرا لمروركن تقبلوا تحياتي
انا يوم ياني الويع اتصلت بريلي وعلى طول وصل وزاد الويع وانا ماسكه ايده ولما وصلنا المستشفى حسيت عمري خلااااااااص فقال استحملي شوي ماعلي حبيبتي كلنا نحس بهاالالم وهو يصيح فهاي اللحظه ماعرفت اضحك ولااصيح .
انا ببجري كنت عند اهلي وهو كان بدوااامه لانه عسكري ووداني اخوي بس امي تقوول ياانتي صبوور يالصجيه ماجت لي الحين بس ولدوني قيصريه لان الحوض صغير وببنتي نزل علي ماي الولااده وانا فيني طبع اذا ارتبكت اضحك اقعده وانا اضحك اقوله قووم ودني ولااده الحين يقوول تكفين بناام لاتتسخفين ههههههههه قلت له والله حتى جنطتي ماكنت مرتبتهاا وارتبهاااا وانا اضحك وهو يطالعني منصدم بعدهاا لما دخلني قعدت ابجي قعد يهديني ويقراا علي جني مجنونه خخخخخخخخ واستودعني الله .. ................................................. تسلمين خيتؤؤؤؤؤ ع الموضووع الحلووو ومواقفكم الاحلى ..
هلا حياتي انا بولداتي بنوافي رحت المستشفى وانا مافيني طلق بس لانه ارتفع الضغط عندي قالو لازم دخول ويوم حطولي طلق صناعي وتحاميل وودوني غرفه الولاده وقعدتى لي اليوم الثاني وانا اطلق وابجي واتونن وزوجي قاعد بالغرفه ينطرني ويدق عالسسترات يسألهم ها ولدت؟ يقولون لا ويقول بكلمهاويدششون السسترات على التلفون وانا ابيجي يقولي يالله ماتبين تصيرين ام ؟؟؟ وانا ابجي ماني فاضيه ههههههههاي ياااااااااي والله مغامرات الولاده 00000
انا زوجي حبيبي حنون وبكل ولايدي من ابجي يتقطع قلبه وعينه تدمع بعد عمري حنووووووووووووون الله لايحرمني منه والله يخليلكم ازواجكم
انا طبعا كنت خايفه لانه اول حمال لي وخالتي تقول روحي لاهلج اذا جتج الولاده وامي تقول روحي عند زوجج وزوجي يقولي دايمن انا ابي اوديج خليج عني والحمدلله جتني الولاده وانا عند اهلي واول ماحسيت بالطلق دقيت عليه مسكين يوم سمعني اصرخ كنا عند دوار ما دار الدوار كله اختصر ومسكييييييييييييييييين زوجي كان ينطرني عند بااااااب الولاده متى اول وشنو جبت واختي كانت بغرفه وجاه الخبر قبله وهو اخر ما يعلم والله كسر خااااطري ياعمرررررررررررري
واااااي الله يهدي اللي عندي و ان شالله يكوووون يمي مو بالدوام لان عسكري ريلي الله يهدييييه يااااااارب و يسخره لييي و أشوووف فرحته بولده قوولوا اميييين حده مستانس بصييير ابو بس اطلع من الولادة اكتبلكم مغامرتي مع الطلق
هلا أخيتي .......... اي والله هاليوم ماتدرين شتسوين تصير مواقف ودج تضحكين وودج تبجين ....... الحمدالله وبفضل منه محد يوقف على راسي بولاداتي الا اهوا ... الله يحفظه ... وأمي بره تصيح المسكينة ... مابي أعور قلبها عشان جذي ما أخليها تدخل معاي ....... بس شعور حلووووووووووووووو ...
انا الله يسلمج من دخلت التاسع وانا كله مخرعته كل شوي اقوله جني بولد واسوي روحي بطني يعورني واهوا مسكين مصدق يقول هااا ماخف العوار....وانا مستانسة انه يخاف علي...عاد باليوم الموعود واللي اهوا يوم الولادة كنت احس بعوار من قعدت من النوم عاد كنا بهاليوم بنتغدى بره قلت ماني قايلتله اخاف يهون وانا بخاطري الطلعة>>>حدي راهية ههه عاد دخلنا وطلبنا غدا والا لاااااااااااااااا قام يزيييييييييد العوار قلتله فلان جني بولد ...جان يعطيني خزة ويقول(((اقوووول بلعي العافية هااا عبالج مثل كل مره بخاف عليج ومادري شنو اكلي بس اكلي )))وانا من صجي اقولك بووولد وعيوني بدت اتدمع مسكين عرف انه صجيه موغشمرة ...الله وكيلج بربع ساعة رحت بيت اهلي واخذت جنطة المستشفى وامي معاي وحد الدووووسة لي المستشفى عاد كان بره ينطر ولما سمع صرااااااخي ماتحمل واااعليه راح الغرفة وييييه وييييه قرقت وايد..... حبيبتي تسلمين على الموضوع
انا بجري ولدت عند باب المستشفي لانه ريلي ماشاءالله عليه ظيع الطريج وانا اصارخ وره وحماتي جدام واصارخ وهو يلف ويهه ويطلع عن الرصيف يكمل سيده المستشفى ورانه بواااااااايد لف فوق تحت جان يكمل سيده وانا اصارخ اهوه يظيع بعد عمري فديته ودمع جدام اخته ولما وصلنا خلاااااااص واخيرا يبي يسفط بعيد عن المدخل جان اتقوله حماتي انت شفيك روح عند الباب ماتقدر تمشي جان ايقووول اي صح وداني يم الباب يابولي الول جير الهندي يبي يحرام ايدزني الحين حنه عند باب السياره وانا اصارخ وعظ بعباتي عباية راس حاطتها بحلجي واصارخ شفته يقول للهندي وخر انا بدزها واحس بشي انفجر ررحت عالباب وراي حماتي وريلي واللا يشيلني حملني ودخلني داخل شاف الماي عالارض وانا موقادره ويروح ويشيلني جني ديايه بيده لووووووووول وعلى طول ربع ساعه وعند الغرفه مالت الحوادث ودوني الجناح وبنتي يمي وشافها اهو وحماتي واهلي وراحو بس فديته فيلم والله
اما انا من دخلت لاتاسع وانا عند اهلي خايفه :52_52:وكل شوي ادق اجذب عليه اقول بولد وبعدين اموت من الضحك عليه:tongue_smile: لما يخترع وبعده قال اذا جت الصجيه دقي على تاكسي ......... ويوم جا اليوم الموعود احس بطلوق بس زوجي بالدوام ودوامه شفتات في بصمه وما يطلع الا ثمان الصبح وانا من الساعه تسع بالليل اطلق بس ما دقيت عليه الا الساعه ست الفجر ( شوفي النحاسه :75_75:قلت تجي اللحين احس اني بموت من العوار ) يقول انطري ساعتين قلت ولا نص ساعة وراح اليوم عليه غياب ... وبسيارة فاضي الاخ بسولف جان اقعد اصارخ قلت مو وقت سوالف احين ويبرد وجهه ويسكت :red_smile:بس الحمد لله ما صارخت ولاشي بس نهر من اللدموع من ورا النقاب:cry_smile: ولما دخلت غرفة الولادة هو قاعد يطالع فيني وانا امشي والف عليه شدعوه فلم هندي :teeth_smile:قعد عند غرفه الولاده ثلاث ساعات بس ماولدت ولما جو خواتي استحى منهم وراح الغرفة وبعدين دقوا عليه بشروه .... بس احسه كان مغيب مو مستوعب شنو قاعد يصير والحمد لله على كل حال
انا ماصااااار فيني موقف راااايحه زيااااره عاااديه وقالوا انتي معاج الضغط طاااااااااق فوووق وعلى طووول قيصري صااار فيني تسمم حمل
بصراحة اناياني عوار الطلق وانا بالشهر الثامن وكنا انا وزوجي بمركز سلطان نتشرى ونتمشى ونضحك وفجأة ضغطت على ايده حيل ويقول حبيبتي شفيج شوي شوي وانا طبعا من العوار موقادرة اتكلم جمدت بمكاني ولايطالعني وانا مغورقه بدموعي قتله بولد انصدم وقالي تو الناس عباله اضحك معاه بعد عمري موعارف اللي قاعدة احس فيه يوم شاف الصجية ترك العربانة ويشيلني جدام الناس ويركبني السيارة وكان مرتبك حدة مايدري شيسوي حتى المستشفى ضيعه من الربكه وداني دار الشفا وانا المفروض اروح مستشفى هادي طبعا بذاك اليوم اتوقع كان دايس200 وانا لما وصلت ميته من البجي اول مرة وموعارفة شي خايفة وطبعا ون الساعة3 الفجر لي الساعة11 الصبح تمت الولادة بحمد الله بعد تعب وبعدها صارحني وقالي بجيت عليج بقيت اموت عبالي صارلج شي مافي احد ماتهاوشت معاه فديته بعد عمري
انا ولادتي في بجري موديني ابوي حبيبي الله يخليه لي لأني كنت مطوفه موعدي وكان زوجي مداوم وماكنت ابي اهله يدرون انه ماجاني طلق، وكان ابوي بالممر اللي بالهادي وانا قاعده وامي معاي وصياح الحريم مو طبيعي هذا كان قبل لا يسكرون غرف الولاده ، وكانت عيون ابوي علي كأنه يقول انا ليش عميت على بنتي وزوجنها كان عمري 20 وامي غارت من اهتمام ابوي فيني قالتله ليش ماسويت فيني جذي كنت تقطني بالطبيب وتروح وهو يقول انتي غير تتحملين بس بنتي لا ، ههههههه حده مو وقته غيرة امي , وبعدين عطوني طلق يمااااااااااااي ياحر الطلق الصناعي اااااه وجبت ولدي الحلو وزوجي جاني وشافني وشاف ولده المزيوووون ربي تخليه لي يااااااارب. اما ولادتي الثانيه كان بيروح الدوام وماخليته قلت له فيني طلق وهو ماصدقني قالي انتي كل يوم تقولين جذي ومايطلع طلق وزعل لانه ماراح دوامه فرحت وقطيت مفتاح السياره على راسه وهو نايم ودموووووعي وميته من العوار بس ماعرف اصارخ مابي اخوف ولدي الصغير ، فوداني الطبيب بس بالمره ماكان مثل ابوي صج الابو غير يارب نخليلي ابووووي وامي وعيالي وزوجي
