صينيه العجايب بالدجاج....الرهيييييييبه :)

سلام خواتي اشلونكم:shades_smile:
حبيت اشاركم بطبق نص الاسبوع
المقادير :75_75:
2 بصل مفروم 2 جزر مبشور 3 ثوم مفروم و خضار على حسب الرغبه انا احب المعلبه ( لاتنسون تغسلونها بماي الفاتر من المواد الحافظه)
1 فلفل اخضر بارد مقطع صغير
3 بطاطس مسلوقه و مهروسه مع ملح و فلفل
دجاجه مسلوقه و منزوعه العظم
الصلصه::angel_smile:
3 م ك قشطه
3 حبات جبن المثلث البقره الضاحكه
1 م ك مايونيز
الطريقه:
نحمس الدجاج مع البصل و الثوم و الخضار و معاهم مكعب ماجي و الملح الفلفل و البهارات الين تنضج الخضار
نشيلهم عن النار و نضيف الصلصه
بصينيه الفرن البايركس نصف حلقات الفلفل الاخضر و فوقه الخلطه
نكور البطاط و نصفا فوق الخلطه
نضيف الموزريلا فوق البطاط
و ندخلها الفرن الين يدووب الجبن
و بالعافيه حبايبي
لاتنسوني بالدعاء و تعليقكم:wink_smile:

واي شكلها لذيدذه
على خير رمضان اذا الله احيانا وياكم مابقاله الا شهرين
ويبيلنا من هالخرابيط لان تييلج ايام تحتارين شتسوين
يعطيج العافيه

الله يعافيج اسغدني مرورج

مرحباااا صبايا

عُدنا من جديد بعد غياب دام ( سنة ومادري جم ) ^_^ ..
قريت العنوان وعلى طول يى في بالي طبخة أسمها ( صينية الدجاج بالبطاطس بالبشميل ) فلمت دخلت وقريت الطريقة طلعت نفسها إلا اللهم بعض المكونات المختلفة ..

هالطبخة لذيذة بمعنى الكلمة بس تختلف من طريقة لطريقة وتسلم يدج عليها يا أختي " مافيني شدة أركب فوق وأقرى الأسم وأرد أرجع ههه سوري خيتو ) ..

جربتها بمساعدة خطيبة أخوي لأني أخاف من الدياية أو بالأحرى تقلب جبدي من الريحة والمنظر من جذي خليتها تستلمها نيابة عني ..

كانت طريقتي مختلفة قليلاً وأضفت عليها بعض الأشياء ..

الوصفة كالتالي ..

المقاديـــــر :


- دجاجه مسلوقه ومقطعه
-جزر مبشور
-كوسة مبشورة
-بقدونس مغسول ومقطع صغير
-بصله واحده مقطعة شرائح
-بطاطا مقطع حلقات ومقلي
-خلطه الباشميل من كنور
- البهارات ( ملح ,فلفل أسود , بهار الدجاج, ورق غار مطحون, ورق غار فرش )
- مايونيز + جبن سائل المراعي + جبن كيري+قيمر كي دي دي

الطريقـــــــــــه:

- تسلق الدجاج في ماء مضاف اليه ورق غار مطحون..
- يحمى الزيت ويقلى البصل ويوضع عليه (الجزر المبشور والكوسة المبشورة والبقدونس المقطع وورق الغار) يقلب جيداً ثم يتبل بالملح والفلفل الأسود ثم يوضع عليه الدجاج ويخلط ثم تضاف بهارات الدجاج الى الخلطة ويترك على نار هادئة ..

- نرفع الخلطة عن النار ثم يضاف اليها المايونيز والجبن المذكورة أنواعه سابقاً والقيمر ويقلب جيدا..
-في صينيه يوضع طبقه من البطاطا المقليه ثم تضاف الخلطة وتوزع على الصينيه بالكامل..
-تصب خلطه الباشميل على الوجه وتدخل للفرن حتى تتحمر قليلا
-تترك لتبرد قليلا ثم تقطع وتقدم وبالهناء والشفاء ..

طبعاً آنه ما نطرتها تتحمر لأني كنت ميتة يوع وما لحقت سخنت الطبخة بالفرن إلا طلعتها وعزمت أخواني الشباب يذوقونها قبل لا أصير ضيحة وأنصدم فيها هههه ..

بس عن جد أول مرة أسوي هالطبخة ونجحت وطلعت لذيذة ( طلعت مو سهلة وآنه مادري عن روحي ) ..

صايرة هاوية طباخ هالأيام ,, لي عودة مع طبخة ثانية ^_^
​

يسلو حبيبتى

ههههههههههههههههههههههههه

يسلو = يسلمو

عذرا ورد خطاء واردت تصحيحه .

الله يعطيج العافيه يا قلبي

تسلم ايدج حبيبة قلبي

يسلم اعمااااااركم ة بالعااااااااااافيه

مشكوووره حبي