السلام عليكم ورحمة الله وبركاته بشرتج خواتي يمكن مشكلتي غريبه عليكن بس والله اني صادقه زوجي راعي دوانيه وكل يوم جايبلي سالفه والله مره يجيني ليش بشرتج ماتلمع انا الحمدالله لبسي حلو بس ماعرف احط مكياج يقولي ودي تحطين مكياج اقوله دخلني معهد مكياج يقولي اللي يحطن مكياج كلهن دخلن معهد والحين جايبلي سالفه جديده اتمنى تساعدوني يقولي زوجات ربعي كلهن يطبخن اكلات تزيد الرغبه الجنسيه يقولي طلعي بلاب توب والله صارلي يومين قاعده بنت مافي شي كله فتامينات مافي طبخ اتمنى اللي تعرف اكلات كامله ترد عليه وانشاء الله ربي يرزقها بدنيا والاخره وانا الحين حامل بشهر الخامس ودي اسوي استايل جديد بلبسي وشكلي اسالكن بالله اللي تعرف شي يشيل سواد حولين العين ومجرب يعل الله يسهل امورها دنيا واخره وترسلي للخاص اوترد عليه هنيه وشنو المكياج المناسب من كريم وكحل وماسكرا ولمعه ورونق للبشره والله ماانساها من الدعاء بظهر غيب
يسعدني اكون اول المشاركات... اولا اختي لاتبينين للرجال انج ما تعرفين بالعكس خليج قويه المكياج ما يبيلا شي الفاونديشن شارمل يجنن و عندج لمعه الفازلين تحصلينها بالمعارض و الماسكارا ديور او هيلينا و الحمر عند الهنود فيرست ليدي تجنن الشادوات هم شارمل الاوان الهاديه فيها لمعه و تعلمي تركيب الرموش ما يبيلها شي.. بالنسبه للاكل كل الاكلات البحري مع سلطات الجرجير منشطه جنسيه و انتي الفي عاد المساله نفسيه.. الستيكات تسوي شغل بعد بالنسبه للنيو لووك غيري الشعر قصي مدرج لبس البيبي دول معا البنطرون اللقينز و تدلعي و انا اختج خليج متجدده عندج محل مدرهوود بالبيرق عجيييب للحوامل..... و عطر مادموزيل شانيل يحبونا الرياجيل و عطر هووت كوتيور القديم اتمنا فدتج و اي سوال انا حاضره الله يسخرلج اياه و يهون عليج و يرزقج الدريه الصالحه امين بالنسبه للسواد تحت العين ماك كونسيلر و كاريلواين ممتاز
شلونج حبيبتي والله يقومج بالسلامه ماقصرت الي قبلي جاوبت على كل شي تسلم تدرين اكثر شي اكره الدوانيه فيها بعض الرجال يسولفون عن الحريم شكووووو والله تغيروا مونفس قبل بس اهم شي لاتعطينه فرصه يعلق عليج او يحس شي ناقصج عن باقي الحريم دخلي بالمنتدى وشوفي المواضيع تفيدج انشالله
الله يعطيكن الف عافيه يا ام الخير واصيله وماقصرت على المعلومات يا ام الخير وانشاء الله ربي يسر اموركن دنيا واخره ومشكورات على المرور
شهالربع اللي مايستحون سوالف يسولفون بسوالف حريمهم وبيتهم جدام ربعهم الله يعينج والله ماراح تفتكين الله يصلحه ويهديه لج تعلمي مكياج بمعهد وطبخيله ربيان حمام
الله يهون عليج وتقومين بالسلامه يالغاليه.. يقولون ارضاء الناس غاية لاتدرك,,وانا اقول ارضاء الزوج غاية لاتدرك.. مع ذلك هذا زوجج جنتج ونارج وسترج وغطاج..الطاعه له واجبه وسبب من اسباب دخول الجنه باذن الله.. وصدقيني كل شي باجره وانتي تسوين اي شي حق زوجج وبيتج احتسبي الاجر.. بس اهم شي لاتفقدين ثقتج بنفسج والتغيرات اللي تصير معاج بشرتج وجسمج عادي كلها طبيعيه تصير مع اي وحده في فترة الحمل..موضروري تحطين مكياج اوووفر اذا كنتي ماتعرفين تحطين المكياج..اهم شي حطي الفونديشن والبودره اللي يكون لونها طبيعي وحواجبج تكون مرتبه مع ماسكارا للرموش وبودرة خدود لونها طبيعي وقلوس لماعي لشفايفج مع كحل داخل العين ماياخذ هالشي منج جهد وبالنسبه للملابس في شغلات حلوه كثير للحوامل لبسي النفانيف القصيره وانتي بالبيت سوي حركات بشعرج..ولاتنسين تهتمين في بشرتج وجسمج خلال الحمل لانها كلها راح تطلع اثارها بعد الولاده..عليج بالزيوت الطبيعيه اللوز والجلسرين وحق الوجه استخدمي الروب والخميره..ودوري بالنت شغلات طبيعيه للعنايه ولاتستخدمين الخلطات والكريمات في فترة الحمل لانها ممكن تضرج.. اهم شي لاتنسن الدعاء هذا((اللهم جملني في عين زوجي وجمل زوجي في عيني)) ولاتنسينا بالدعاء ..ادعيلي بالولد الصالح..:teeth_smile:
يمه من الرجال وانا اختج اشتري الاشرطه مالت المكياج والله اني مكنت اعرف احد مكياج الحين والله مكياجي جنه طالون من كثر متعودين راح تبدعين من ناحية الملابس اكشخيله روحي لسنزا وخذي من بجايم واي بعد بالبيرق في محل للحوامل واكشخي والبسي كسسوارات وقصصي شعرج وحطي فينكات او تاج شفارفسكي خليه ينصدم بتغيرج المفاجأ ادري طولت عليج يالغاليه ..
انا اقول غيري تغيرات بسيطه بس وانتي حامل وخلي التغيرات الكبيره بعد الولاده عشان ينصدم صح يعني الصبغه والقصه وبعض تسريحات الشعر والمكياج الأوفر خليه بعد ماتطلعين من النفاس
السلام عليكم الله يجزاكن الجنه كلكن وانشاء الله ربي يرزقج اختي اميره الولد الصالح يارب ومشكورات على المرور
ياربي ماخلوو شي مرات يصير الخراب من الدوانيات البنات ما قصروا عندج بعد بدبنهامز مجموعة عطورات وسبريهات للجسم والشعر تبع فكتوريا سكرت المكياج سهل مع الممارسة ودايما حسسية انة عندج ثقة بنفسج واهتمي ابشرتج وبجسمج لانة في حريم يسمرون خلال الحمل عندج خلطة لميس مع غسولها موجودة بالحواي الي بمنطقة الاندلس سوق فجر الي بقطعة 8 نوعي بالمقصان النوم والبجامات قصي شعرج بس خلي الصبغة بعد النفاس بس لاتهملين نفسج ع ابو انة حامل والله يسعدج مع ريلج وادعيلي انة الله يرزقني بالي اتمناة ونصيحة لكل المتزوجات سوو ليزر للاماكن الحساسة اريح لكم انا خواتي وحريم اخواني مسوين وحدهم ارتاحو واذا تبين تعرفين اي عيادة زينة ومجربنها دزيلي ع الخاص واقولج
مو لا زم المكيااج (( الدففففش ) حطي كريم الأسااس وروج ناعم أو قوووي على حسب السهرة عندة : وترى عادي يهتم فيج وبالأشياء هاذي بس عيبه إنه من الديوااانية ؟؟ وتدلعي ولبسي اللي يحبة .... والزوجة إذا بغت تسوووي المستحيل علشان تسعد زوجها والله يوفقج حبيبتي
اول شي قولي الحمدلله انه تحجى وقالج شنو يبي في رياييل يتوقعون كل شي من حريمهم بدون ماينبهونهم .. وثاني شي لاتنطرين من الريال اهوا اللي يوديج دورات مكياج ولا تبينين له انج ماتعرفين تتمكيجين او تطبخين كله سوي روحج فاهمة نفس اخوانا .. احم احم p: واللي يسأل مايتوهش .. نصيحة مني .. v v v v v v v v v v v الله يعافي النت الله يعافي النت الله يعافي النت اي شي طقي بقوقل والمكياج يوتيوب مو لازم شي واوا واوفر شي بسيط مو مثل كل يوم والله الله بالاضاءة الخفيفة تخفي العيوب الله يسهل عليج ويسخرلج ريلج .. اسفة على الاطالة ..
السلام عليكم اختي هذي مشكله ربع الدوانيات نصيحه اذ انتي ماتعرفين تحطين مكياج لاتهولين بنفسج ابتدي بالناعم بعدين ادرجي يعني اول شي حطي كريم اساس طبيعي نفس لونج اهم شي الحواجب لانها اطلع الوي شوي كحله داخل العين ومسكره وقلوز تضبط امورج بعدين ادرجي ووالوقت اللي تكونين فاضيه ادربي عالمكياج الثقيل لين مايضبط وياج وعقب الولاده اهتمي بجسمج واما عن السواد تحت العين في العين ابر خاصه اطيره بس روحي حق مكان مختص ومافي شي صعب المكياج مره عن مره بيصير اسهل والنيو لوك مع الصبغات والقصه كله يضبط وموفقه
ياعمري الله يعينك عليه ويسخره لك زوجك مايدري ايش بيغى ويصدق اللي يقولون ربعة واغلبهم كذابين وهذي حقيقة ليت زوجك يفهم هذا وان شاء الله البنات يفيدونك
الله يهدي لج ويوفقج حبيبتي المكياج سهل حاولي تحطين شي بسيط بالبدايه مسكره - حمره - بدوره خفيفه - قلوس وانتي اذا جربتي مره مرتين بتصرين خبيره والاكل الي تزيد الرغبه سويله مايمنع بس لاتقوليه ما اعرف واثنتي جدارتج وخلج قدها والله يهدي لج وعينج عليه
السلام حبوبه بقولج شغلااا زوجج اذا تكلم هذاا لانه يحبج ويبي الشي الزين منج مومن غيرج حلوو حلوو علي المكياااج اول شي الكريم لاتخلينه ابيييييض لالالا علي لون بشرتج افتح بدرجه اناا عن نفسي لندن او ماكس فاكتور حلوو ثاني شي اذا حطيتي الكريم حطيه علي الوجه والرقبه مو هذاا لون وهذاا لون الحواجب يفضل رسمهم عند الصالون صبغ خلي الصالونه تشوف وجهج وتعرف شنو يمشي معاااه جاينيز او ثمانيه حطي بعدهاا كحل اسوود ماركة كراجا الجديد عجييييييييييييب اسووود ومرري الكحل علي عينج من فوووق وتحت """ومسكراا يفضل ماكس فكتور او لانكوم الشفاايف حبيبتي جيبي فازلين ودم الغزال واخلطيهم مع بعض وحطيهم بعلبه وخلج تستخدمينه ليل ونهااار يورد الشفاايف لااا وحطي علي خدوودج شغلااا بسيطه منه وافركيهااا علي الخدود بتورد بعد الحمره غيري كل يوم لوون بس لاتجطين شي ماينااسبج علي لون بشرتج الشعر يوم ارفعيه يوم استشوريه يوم بطليه يوم ارفعي نص وخلي نص ومسكااات الحين روعه الي بسووق الله يخلي الفرااوله شغلاتهم حيييييييييل حلوة اكسسورات خلي تراجي خاتم ومن هالقبيل بالبيت لاتلبسين كلاااا بجاايم لااا انصحج بدرااريع الستاااان الي تجي ضيييييجه والصدر امبين ووبدون كمووم الدلع تلقينها بديره وبعد عندج السترجاااات حلووة بالبيت يعني حركااات تبرز الجسم والخلفيه وونصيحه خلج وااثقه من نفسج ومن جمااالج يثق فيج اكثر واكثروبجمالج موفقه واي استفساار حاضر قلبوو
ياااحيااتي الله يعينج بس لااازم حتى وانتي حامل ماتهملين نفسج بالنسبه لي وانا حاامل ازيد اهمامي لنفسي ومكياجي وكشختي لانه تدرين بروحه الحمال يغير النفسيه ومومعقوله نكون نفسيه وشكل حده عاادي الرجال يحب داايم يشوف مرته غير الحريم غيري ستايلج شعرج ملابسج نوعي بالملابس عندج محل مذرهود بالافنيوز امس مريته حلووه ملابسهم شعرج مره سويه ويفي مره ستريت مره ارفعيه ومره بف والمكياج مايبيله غير التعويد مره عن مره بتعرفين تحطين والله يهديه ويسخره لج إن شاءالله
الله يعطيكن العافيه كلكن ويسخر لكم ازواجكم ويصلح الله بالكم ويرزقكم من حيث لا تعلموووون دنيا واخره لكل وحده انصحتني وردت على موضوعي
.. آممممم قوليله آوكي قولي شنو الآكل الي يزيد الرغبه الجنسيه ! و انا مستعده اسويلك اياها .., و الحين الله يعافي الكريمآت روحي اي محل كريم آو صيدليه .. قوليله انا ابي بشرتي تلمع و ابي تفتيح حق السواد الي حول العين =)
