السلام عليكم اعطوني حل لبنتي عمرها 12 سنه تفشلني الله يهديها دايم تطالع اللي بيد غيرها, لاتقولون انتي مو عارفه لها بالعكس احترمها واسولف معها واعاملها انها كبيره ونسهر مع بعض لكن وقت الغلط ماعندي يمه ارحميني , مهما اجيب لها وكل شي عندها غالي ملابس راقيه - ساعات راقيه - غرفه فخمه,,كل شي حلو ماشاءالله عندها كل ماشافت بنت اختي قالت لها ياحظك عندك وياحظك عندك, ذاك اليوم فشلتني قالت لبنت اختي انتي ملابسك حلوه مو زي ملابسي تفشل قالت لها بنت اختي بالعكس ملابسك تجنن روووعه..قالت يع خايسه اشتري لها رووووعه وكل البنات يقولون لها ثيابك روعه وبدون مبالغه بالمناسبات هي اشيك وحده ماشاءالله, وقهرتني يوم قالت لخواتي ماما ماتعرف تشتري كله من الرخيص واصلا ملابسها غاااااااااااليه,, عكس اختها بسم الله عليها ماتسوي زيها..ياحبي لها كلها دلع ورقه :52_52: على الرغم اني اخليهم يختارون ملابسهم مو انا اللي اختارها من كم يوم تقول لي نبي نروح السوق اشتري لي شنطه للمدرسه رحنا السوق وقالت ابي غاليه فوق 2000ريال قلت تحلمين يلا مشينا...شنطه للمدرسه كلها كم شهر وتعطلين..وتنقط بالزباله ناخذ فستان غالي ولا شنطه بهالقيمه وحنه ورنه طول الوقت رحنا كل محل وهي مو راضيه تشتري الا فوق الألفين ريال شفنا شنط على 600 لكن مارضت تشتريييهم,, لا وتسأل البياعين بعد,:71_71: رحت محل وقلت للبياع قول لها الشنطه بـ 3000 ريال وفعلا سألتها وقال لها بـ 3000 ريال وتطب علي الا اشتريها,,وانا مبسوطه لأنها بـ 100ريال رحنا البيت ونسينا موضوع النمره..وتقراها وتستخف علي وترمي الشنطه وتصارخ ماسكتت من الصياح الا لين فريتها و قرصتها فركت مقعدتها فركه محترمه خلتها تيبس محلها ---------- مره كان عندنا حريم كثير مانعرفهم قالت لها وحده وش هالفستان الحلو قالت بنتي خايس اصلا ماما ماتعرف تشتري شي كله رخيص يوم طلعوا ضربتها وعاقبتها شسوي معها الله يهديها سااااااااااعدوووووني حتى اختها تقول لي ياماما اختي تحرجني بالمدرسه
اول شي اسم الله عليها والله يخليها لج ان شاء الله انا الاحظ انه البنات في هذا السن تبين عندهم الغيره ويبون يكونون احسن من غيرهم حاولي انج تقنعينها وتفمينها شوي شوي انج مو مقصره بحقها واي شي تطلبه انتي تنفذيه لها على طول والطق عمرا ما راح اييب نتيجه راح تخلينا تعاند اكثر واكثر كلميها وكسري خاطرها قولي لها مثال : ليش جذي تفشليني جدام الناس ومن هالكلام والله يهديها تقبلي مروري
حبيبتي الطق عمره مااا يجيب نتيجه .... حاااولي تعلمينهااا على القناااعه والثقه .. وخليهاا دااايمااا هي اللي تختااار اغراضهااا بنفسهااا عشااان مااا ترجع تحرجج قدام الناااس ... أسأل الله العظيم ان يهديهااا ويصلحهااا لج يااا رب يااا كريم الله يسخرهااا لج ان شاااء الله ويجعلهااا من البااارين فيج ....
حبيبتي حاولي تلجئين حق كل طريقه تخطر ببالج الا الطق شيليها نهائيا لانه بسنها يمكن تعاند اكثر وما تطلعين بنتيجه ... قعدي معاها وكلميها قوليها انتي كبيره وفاهمه وسلوكج اللي تسوينه معاي غللط لاني مو مقصره بحقج وانتي اللي تختارين بنفسج اللبس .. وقوليلها اذا مره ثانيه عدتي الكلام جدام الناس واحرجتيني راح افشلج جدامهم .. واكييد اهيا ماتبي تنحرج .. وفهميها انه تحمد ربها انج مو مقصره معاها وانه في بنات يتمنون ربع اللي اهيا فيه يمكن تحس انها غلطانه الله يهديها لج انشالله وشوي شوي عليها اخذيها بالمساحل
صح الطق مايجيب نتيجه بس مالنا غنى عنه شوفي الجاهل اللي تعودينه تعطينه كل شي وتجيبين له كل شي يطلع اناني ويحب نفسه بس انتي لازم تعلمينه ع الشي الحلو مو بسعره بشكله .. انتي طريقتج يوم شريتي الجنطه غلط جان من الاول قلتي لهاا من الاول مافي غير هالسعر والا ترجعين على جنطتج القديمه .. ومن وجهة نظري العياال اذا مو مخليه عليهم قاصر ولبسهم من احسن مايكوون مالج شغل من تذمرهم ويوم عن يوم ينسون التذمر ويخفوون .. والله يهديهاا لج وتشوفينهااا عرووس والله يرزقها ببنت تجننها مثل ماجننتج هههههههههههه
هلا أختي . . . الله يخلي لج عيالج ويهديهم ويصلحهم يارب . . . أختي . . . عاقبني بنتج بحرمانها من طلعة التسوق ومن شراء الكماليات . . . يعني الضرب بيكون جمن دقيقة بيزيد عنادها اكثر وإصرارها ع رايها . . . هالمرحلة مرحلة بداية المراهقة واهي مرحلة بايخة وتبي قدرة تحمل منج وتطنيش ع غير المهم . . . يعني انتي تعاملينها كبنت كبيرة إذن خليها تتحمل نتائج تصرفاتها كبنت كبيرة . . . وابسط شي لما تتكلم وتقول ملابسي خايسة ورخيصة احرميها مباشرة في المرة القادمة من الخروج من غرفتها للقاء الضيوف حاولي تجربين مبدأ الثواب والعقاب ومبدا المعززات يعني لما تسوي شي طيب اثني عليه وديري بالج تمدحين اختها الاصغر جدامها او تعقدين مقارنة لانج بهالامر بتببين أزمة بينهم . . . وحاولي تنمين الجانب الديني والعطاء والقناعة يعني : رسولنا الكريم - صلى الله عليه وسلم - واهو قائد واخر الانبياء لم يكن يملك لا قصر ولا حشم ولا ملابس كثيرة ولا حتى فرش وثير وكان يتصدق من ماله للفقراء وبيني لها ان الشاب اللي يعيد الله ويتقرب من الله واهو صغير بيجي يوم القيامة مستظل بعرش الرحمن حاولي تقرين قصص الصالحات وتحكينها لهم في سهراتكم وبعدها سوي مسابقة عن ابرز اللي تعلموه ونوعي الجوائز لهم اللي بتكون بقرعة ما بين حلاو كتاب جمن ريال وهكذا
الله يعينج ويهديها لج وتكون من البارات ، انا نفس مشكلتج بس بنتي بعدها صغيرة ومن الحين كل شي تبي بس الطق ما ينفع ولا يجيب نتيجة عن تجربة بالعكس اشوف المشكلة تزيد وصح لازم يتطبق مبدأ الثواب والعقاب ومثل ما تفضلت الاخت أم عبدالله اللي قالت حاولي تقرين قصص الصالحات وتحكينها لهم في سهراتكم وبعدها سوي مسابقة عن ابرز اللي تعلموه ونوعي الجوائز لهم اللي بتكون بقرعة ما بين حلاو كتاب جمن ريال وهكذا والله يعينا ونربيهم مثل ما نحب ونتمنى ويكونون من الصالحين آآآآآآآمين
ربي يعينج عليها ما اقول لج الاان بتيتج تعودت علي الدلع الحين حاولي تتعاملين معاها العقاب والثواب والله يقويج
حبيبتي الدلع اكثر الاحيان يفسد الاخلاق اذا مره ثانيه سوت تصرف مو لايق عاقبيها مثلا لما تقول امي تشتري رخيص قولي لها غقاب لج كل خواتج اشتري لهم الا انتي ونفذي تهديدج او حرميها من الاشياء اللي تحبها
بنتك كتير عنيدة و انت كتير مدلعيتها بكرا رح تتغلب بحياتها ازا هلا انت ما ربيتها ازا رجعت حكت هيك شي لازم تعمليها فلئة او قتلة مرتبة عشان تعرف النعمة يلي هي فيها
مرحبا اختي الله يكون بعونج ادعيلها بكل صلاه بالهدايه وحاولي تغيريين معاملتج معاها انا مع خواتي اللي قالو اتبعي اسلوب الثواب والعقاب والله يهديها ويصلحها انشالله
[color="deepskyblue"]احب اشكر اختي ام عبدالله على ردها الاكثر من رائع.. وبالنسبه لج اختي حاولي انج ماتظهرين اهتمامج في بنتج حيل وتتجاهلين تعليقاتها..وحاولي تنقدينها على نفسها ولاتلجئين للضرب لانها بسن كبيره ..والجئي لعقابها بنفس الوقت اذا طلع منها غلط حتى لو جدام الناس فشليها عشان تكره عمرها وماتكرر الغلط..ولا تعطينها اكثر من اللازم..لان لازم يكون في ميزان لعطائج..لاتعودينها على انها لازم تاخذ كل شي..ذووقيها الحرمان علشان تحس بطعم اي شي تعطينها اياه..والله يهديها وصلحها ويستر عليها..[/color]
الله يصلحها حبيبتي صدقيني لو كلمتي بنتج يمكن راح اتعرفين ان في احد دايم ايحسسها ان هي اقل منها ويمكن ايعيب علي لبسها وهي اتحاول اتوصل او اتبين انها تلبس علي ذوقج مو ذوقهاوانتي لازم اتبينين لها ان الكل ايغار منا ومن لبسها انا بنتي كانت جذي بس بنتي عمرها سبع سنين وكانت تقول نفس الكلام ومره قلت لها ليش انا احبج وانتي احلا وحده ولو تلبسين اي شيء حلو عليج وانج احلا من بنات عماتج جان تقول بس عماتي كل يقولون ملابسج مو حلوه وان بنت خواتهم احلا مع انه مو مدحن ابنتي هي اسملئ عليها احلا منهم وماشأ؟الله اي شيء تلبسه حلو عليها بس هم كانوا ايحبطونها ويعيبون عليها وكل وحده تمدح بنات الثانيه وهي محد يقول لها حلويعني ايرفعون ابعض علي حساب بنتي ومره كاتن تبجي وشفها ابوها وقالت له هم كل ايعيبون علي ويقولون فلانه احلا وافلانه احلا منج لم مره قال لها انا وامج انحبج ونطلعج وهم ما يطلعون وحنا نشتري لج وهم ملابسهم كل ما جونا يلبسونها عشان ما عندهم مثلج انتي ملابسج واجد لاننا نحبج وهم يقولون جذي لانهم محترين والحمد الله بنتي تغيرت ولا صارت تقول هالكلام
الله يهديها ان شاء الله خليهاا تشتري هي اغرضهااااا وداايم امدحيها عززي الثقه فيهاا وجدديهااا بداية مراهقه الله يعينج بس اكسبيهاااا موفقه
امنعيها من الزواره وعلميه السبب انها تتكلم غلط وانتي اشتري لها ولا تتطلبين رايها البنت ان ماادبتيها بعمرها راح تتعبين اكثر ان كبرت وراح تزيد بمعصيتج وانصحج اتابعين محاضرات ابرهيم الخليفي بالتربية الابناء استفدت منة كثير
