:teeth_smile: مرحب يا قلبي ابي اعرف انتي بأي اسبوع ومتى حسيتس عدلللل بالبيبي ويعني قولوا اي معلومات انتي عارفتها بهذا الشهر ومشكورييين مقدما
صباح الورد .. انا حامل ان شاء الله بالاسبوع العشرين وحسيت بالبيبي قبل اسبوع او عشرة ايام لان الدكتورة قالت ان حجمه وايد صغير وحركته بطيئه لكنه سليم الحمد لله ..
على فكرة انا مسجلة بهذا الموقه http://arabia.babycenter.com وهو رائع اتلقى رسائل اسبوعيه فيها معلومات رهيبة بحملي الاول وحتى بعد الولادة اتلقى رسائل تشرحلي مراحل نمو الطفل والحين سجلت بحمل الثاني ونفس الشي اتلقى رسائل توضيحيه تتابع حملي اسبوع بأسبوع انصحج انج اتسجلين فيه لانه معلوماته وايد حلوة
شكرا بعد عمري والله العظيم اتصدقين انا وااايد احب هالسوالف وأحد ينصحني وما قصرتي حبيبتي شهرزاد أتمنى تتواصلين معاي على طوووول يا حياتي عشان تفيديني وانا بعد معاج الحين بالاسبوع العشرين انا ولادتي انشالله 8-10-2010 وانتي ياقلبي متى اخر دوره لج وشنو قالولج
هلا حبيبتي الله يتمم على كل حامل انشالله انا الحين اول يوم بالخامس قعد احس بحركه خفيفه بس اكثر من قبل الحمدالله
حبيبتي تسنيم الله يتمم عليج يا قلبي بس ياريت نتواصل على طول لانج نفس موعد ولادتي انا اخر موعد دوره 1-1-2010 انشالله واحب اعرف انتي متى اخر دوره عندج وانا موعد ولادتي انشالله 8-10-2010
هلا حبيبتي الفراولة 2 اي انا اخر دورة عندي 1-1-2010 نفسج وناسة الله يتمم عليج ومشكوره على ردج ويسهل علينا وان شاء الله نولد بنفس اليوم شنو قالوا فيج ولد الا بنت انا بإذن الرحمن قالولي ولد وانتي ...؟؟؟
هلا تسنيم يا قلبي انا انشالله بنوته انشالله تكون معافيه بصحه وخير يارب والله يتمم لج على خير حبيبتي وانتي متى قالو لج اخر موعد ولاده اي تاريخ وابي اسألج اشلون حركة البيبي عندج الحين وانتي داخله السادس جم اسبوع لج الحين بالضبط عشان اعرف نفس كلامهم لي والله اشكثر اساله ها خخخخخخخ
