هلا خواتي -موضوعي عن العلاقه الزوجيه وخصوصا الحميمه بعد مرور سنوات على ازواج هل يصيبها فتور وشنو اسابها منج او من زوجج -وهل زوجج يلح عليها يوميا وانتي تعبانه ولا العكس هو اللي يصير انا امر بشوي ضغوطات وعلاقتي الزوجيه مش ولا بد وماني عارفه الاسباب زوجي نادرا نادرا جدا مايطلب الممارسه هو صحيح من بدايه زواجنا وهو مو حار جنسيا بس مو معناته انه يهمل بالجانب هذا تناقشنا مع بعض كثير وكثير وكان رده بكل بساطه هذه قدرتي -كنت اغلب الاحيان البس واكون اخر كشخه احيانا يجامل واحيانا يبادر واغلب الاحيان يسوي نفسه مايشوف -هذا من غير اذا مر بضروف عائليه او اي مشكله يصد تماما عني يبلغ المرات اكثر من 12 يوم -تبون الصراحه انا قبل ماكنت احط للموضوع اهتمام كبير مع اني بكيت واجد وحزنت واجد انا جميله ومرحه لكن شنو الفايده وهي مو مسويه اي شي لزوجي -هو يعاملني كاني المراه الحديديه ويثني على مجهودي وصبري لكن من اصارحه بموضوع العلاقه الزوجيه مااحس يهتم ماني عارفه شنو السبب -انا الحين احس اني امر بمشكله نفسيه احس اني مجروحه بانوثتي لا اتزين الحين ولا اشتري قمصان نوم ولا قعدات رومانسيه لانها متفرق عنده فياليت ياخواتي انكم تنوروني وياليت تكلموني بمصداقيه علشان افهم شنو اللي صاير معاي بالضبط وشنو الحل :sad_smile:
عادي ياحياتي هذي الحياة الزوجيه مرات يصير فيها فتور ومرات تشوفين زوجج يبيج وملهوف عليج حتى لو ماكنتي كاشخه ويعتمد على طبيعة زوجج إذا يهتم بالأمور الجنسيه أو لأ أنا بالنسبه لي زوجي يهتم بهالأمور مع إن صارلي 10 سنين متزوجه لأن زوجي طبعه جذيه وعادي بس مايهتم لا باللبس ولا قمصان النوم ولا تغيير اللوك أقولج على شي تضحكين مره قلتله نفسي مره تقولي صبغي شعرج تدرين شنو يقولي ؟ يقولي حطي حنه وما يحب المكياج يقولي أحبج على طبيعتج صدقيني والله على طبيعة الواحد مالها شغل عدد سنوات الزواج أنا إختي ماشاء الله عليها عسى الله يتمم عليها متزوجه صارلها 13 سنه قبل كم يوم نامت بفندق الرايه مع زوجها ليله وحده وخلت عيالها بالبيت وزوجها صاحب الفكره شفتي إشلون كل واحد وطبيعته ويحبها علطول كاشخه ويبيها علطول تحط مكياج وكل فتره صبغة شعر يموت عاللون الأشقر عكس زوجي تماما ... ما أقول إلا الله يعين الجميع ويسخر ويهدي لنا أزواجنا
اشكرج يام الحلوات على مرورج ويمكن كلامج شوي هداني بس انا اللي حارني ليش ماعنده رغبه فيني يعني 90 بالميه العلاقه تكون بعد عتاب والله لو باعد عدد المرات اللي طلب فيها يمكن تنصدمين اذا اقولج انها تنعد على الاصابع وانا متزوجه لي اكثر من 11 سنه صج هو نفس طريقة زوجج لكن هو مايطلب الممارسه الا بعد اصرار او عتب او غياب اكثر من 15 يوم فانا محتاره وماني عارفه السبب -لدرجه اني قلت له انت لازم تعرض نفسك على طبيب
ههههههههههههه ضحكتيني انا اللي فيني سكر هو كل تحاليله الحمدالله سليمه بس بالفتره الاخيره طلع معاه قولون وقلب الدنيا
حبيبتي الرياييل تمر فيهم مراحل لي يصير عندهم الفتور الجنسي يعني يكتفي من الجنس مايبيه على طول انا اعرف وحده جذي صاير لها مع زوجها فلا تحاتين عادي ال رياييل يرون بظروف
الله يعينج إي والله صاجه والله الحريم مساكين كل الأمراض فيهم والرياييل بس تصير فيه صخونه خلاص كأنه بيموت الله يعين لو يحملون ويولدون جان شيسوون يمكن يقلبون الدنيا سبحان الله مايتحملون المرض بالمره
هلا اختي .. الامر جداا طبيعي بس لاتهملين بنفسج الفتوور لازم يمر بمرحله من المرااحل ويبيلج شغله تكسر الروتين اللي انتو عايشينه يمكن ضغط الشغل والاطفال او شي جذي .. انتي حاولي تضبطين لكم سفره خاصله لكم يومين وفي هاليووم حسسيه انج عرووس وانه مايهمج الا هو وبعيد عن العياال والاهل وضغط الشغل بتشوفين شلوون يتغير ترى في بعض الرجال كتومين تلقين عنده مشكله مضايقته ويبيج تحسين فيه حسسيه انج واحد قريب منه ومايستحي منج قولي له اذا في شي مضايقك قولي ماتدرين يمكن في شي شاغل تفكيره ومضايقه ومايقدر يصارحج فيه يبيج تفهمينه .. انا صارلي سبع سنوات متزوجه والفتور من فتره صار لي بس ماحسسته في الفتور واتعذر منه وحاولت اتغلب على هالفتوور بكسر الروتين والحمدلله عدت المرحله على خير .. انتي حاولي تفهمين زوجج اكثر واكثر وحاولي انج بكثر ماتقدرين تغيرين من الجوو اللي انتو عايشين فيه وان شاء الله تتعدل اموركم لاتتضايقين هي مرحله وتعدي على خييير بإذن الله .. ....................................... ينقل للقسم المناااسب ..
يعطيكم العافيه خواتي -بس انا لاحضت انكم مافهمتوني انا لو امر بالشي هذا من فتره بسيطه كان قلت يمكن ضروف او مشاكل انا اقصد اننا من تزوجنا لنا اكثر من 11 سنه وهو على الحال هذا واذا مر بضروف يتوقف نهائيا -يعني القصد انا من عرفته نادرا مايطلبني من نفسه احيانا اخلص من الدوره مايهتم وفي بعض الاحيان قليله جدا يحرص -بس بطلعة الاربعين اوكي بس شنو بس هذيك الليله يعني مايعيد الكره ولايطلب ثاني يوم -ولما يمرض الطامه الكبرى -وتدرون يمر اسبوع احيانا وهو ماعنده اي مشاكل مايسوي شي ولا حتى يضم ولا شي يعني كاني نايمه مع اخوي بالغرفه احيانا احسه يعاملي مثل امه والله يعزني ومايصبر عني بس العلاقه مالها اهتمام عنده ولكن اني مراه لي احتياجاتي اصلا ليدرجه اني قلت له انا وحده اخاف الله ولا كان انت تخليني ادور على اللي يحس فيني ويهتم لاموري -ماادري انا بدوامه مو تفكرون انه انا جذي تفكيري اعوذ بالله بس كان قصدي اصحيه واخليه يحس لكن مافي فايده وهاليومين صار عنده مشكله بالقولون وتعبانه نفسيته واحس انه عايش دور المريض النفسي انا ياجماعه تعبت -وبالنسبه للي تقول السفر هذه مصيبه ثانيه اصلا اذا سافرنا مايقرب صوبي اكثر من سفره جربته اقلها 3 ايام واكثرها شهر -الله المستعان ولا تبخلون علي بنصايحكم
حبيبتي زوجج على ماتعوديه يعني انتي عودتيه من البداايه على جذي والحين بتغيرينه صعب شوي انا حسبالي بالفتره هذي تغييير .. مالج الا تحاولين تغيرينه بالتدريج مداامه يحبج ويغليج ومايصبر عنج على قولتج خلااص صدقيني سهاالااات .. والله ماادري شقوولج بس بكثر ماتقدرين انج ماتضغطين على نفسج وتضايقين نفسج وترى مافي احد مرتااح ..
اختي يمكن زوجك من نوع اللي مايرغبون للجنس بشكل زايد او ممكن يكون عليكم حسد او عين فلازم تتحصني بالقران الكريم و يمكن لو تسقيه ماء مقروء فيه يتغير انا اقرا بالماء والحمدلله اعالج ياليت اقدر افيدك بس الله الهادي ادعيله ورشي بالبيت ماء ويمكن يكون عليه اي نوع من الاذى ويزول الا بحال عنده ضعف او من امور تحتاج الطب فهنا الله اعلم تقدري تصارحيه اختي ومافي حيا بين الزوج وزوجته الله يسعدكم ويهدي الامور بينكم اختك ام محمد
مشكورين خواتي على اهتمامكم -واختي ام محمد انا اقول بعد جذيه بس ياخوفي ان المساله تكون فيها سحر او شي لانه من تزوجنا وهو على هذه الطريقه فمابالج والحين صار لنا 11 سنه تقربا- صار الوضع لا يطاق بس ادعولي والله كريم -بس هو بالسنين الاخيره ملتزم الاذكار وقراءة القران بس الله قادر على كل شي -ارد واشكركم من كل قلبي -واذا صار اي تقدم باقولكم -انا اليوم رحت السوق وشريت لي اشياء جديده وغيرت نظام غرفتي وبانتظر ردة الفعل -والله كرم
يشرينااا يالغاليه بقولج شغلااااا لاتعااتبينه علي هشي نهاائيااا يحسس الرجال بنقص واذا بغيتي تحسسينه تحرشي فيه البسي واكشخي وتعطري وبعدهاااا قومي مو تمشين من عنده وتبينه ينااديج لالا روحيله وسوولفي معاه وبوسيه علي شفااايفه وشوي شوي تعمقي بالبوووسه لين يوصل وخلااااص بس لااااااا تعااتبينه نهااائيا نصيحه والله معااج قبل لاتروحين حاااولي تستغفرين قد ماتقدرين
مشكوره اختي ممرضه -والله كلامكم صحيح بس اختي حاولت كثير لبست وسويت كل اللي قلتي احيانا يسايرني ويتجاوب بس مغصوب واحيانا يقولي اشكره ما اقدر -وانا ادري طريقة العتاب مو صحيحه بس كنت احاول اوصله اللي بقلبي -والله لو باحلف لج انا الرغبه والله ضعيفه عندي بس تدرين انتي مرا وفاهمتني الشي هذا مو نبيه علشان الرغبه بس لكن علشان تحسين بحب الزوج فانا شلون باحس يعاطفته ومشاعره بدون مايتفاعل معاي ولا يتغزل فيني ولا حتى بوسه-وانا والله كمت انجرح من اني انا اللي ابادر واحيانا يرفض مهما كان عندي كرامه -انا اقول في سبب بس الله اعلم -هو لو مو راعي صلاة ودايم يقرى قرآن ويصلي التهجد كان قلت انه عنده سوالف - انا اقول انها شغله نفسيه او صدمة عاطفيه بس انا الغلط مني كل سنيني كنت ساكته عن الموضوع -واللي خلاني انتبه بعد ماقمت ادخل المنتديات واقرى مواضيع المتزوجات وطريقه علاقتهم بازواجهم -وبعد من سوالف الحريم شلون يقولون انا زوجي طلب مني هالشغله او يتصل فيني يقول انا جاي تزهبي -انا مامر على هالشي يمكن مرتين او ثلاث من تزوجنا بس الله كريم ادري هذرت واجد بس شسوي ماعندي اللى الله ثم انتوا علشان افضفض -وسامحوني
ياقلبي انتي يلاااا هذا طبعه وفي وااايد نفسه عاادي وانتي لاتهملين بنفسج نهاائياااا وغيري لووكج كل شهر لبس البيت بدلي فيه يمكن هو من النوع الي يشبع بنظر وفي واايد جذي ووهم بعد اذاا طالع الي براا يشوفج انتي ازين واحلي من الكل وهذاا المطلووب يالغلااا واذا هو مو مقصر معااج ال بهشغله في بناااات بهشغله حمش وبغيرهاااا لالالالا مثل اذا حتااجت اواذا طلعت او او او الخ وانتي اعلم بامور الحياااه حبيبتي شوفي الايجابياات وتجنبي السلبياااات كل انسان فيه عيب وفي رجااجيل من كثر ماهو حمش خااين زوجته لايبه خلك بااااارد ولا انك تخوني وانتي بعد خلج دااااااااااااايم كشخه بعينه وحلوووة وواهتمي فيه اكثر واكثر وحسسيه بوجودج مو شرط هالشغله لاااا حتي لو بتروحون السووق قوليله ابي ذوققك امممم احب ذوقك عندي بدنياا للعلم ذووق زوجي مال ترتر وولمعه وزري هههههه بس اذا رحنا السوق اشتري الي يبيه والبسه بس جدااامه شسوووي مو حلو بس عشان خاااطره فهمتيني يااعسل
السلام عليكم انا مستغربه من ريلج اشلون بارد بالفراش معاج مع انج جميله ومهتمه ومتزينه ما يبادر من نفسه إلا نادر , آنا من وجهة نظري انج اتقعدين معاه بوضع كالتالي"قعديه على الغنفه أو كرسي وانتي قعدي تحت واركبج على الأرض وماسكه إدينه الثنتين واليمين حطيه على قلبج وقوليله إنج تحبينه وصارحيه عن مشكلتكم واسأليه إذا شايف شي فيج أو شام شي يكرهه منج ليش اقولج جذي لأن في وحده من ؟أهلنا ريلها ينفر منهاما يجرب منها إلا نادر وواجهته يقول يشم منها ريحه وهي مسيكينه ما فيها ريحه وبعدين طلع في عين قويه عليهم عالجوها بالقرآن ويكون أحسن إنج اترقين نفسج وبيتج وريلج بعد وهو نايم وتقرين بالبيت سورة البقره وهذا إنشا ءالله دواك وعلى الله شفاك
السلام عليكم اختي ممرضه كلامج عين العقل وهذا اللي بسويه بس يشفى هالفتره ونحاول وعلى الله -اختي صاحبة التميز الكلام اللي قلتيه حتى انا شكيت بنفسي وسالته وقال حشى بالله انتي كامله والكامل وجه الله -وانا مو مدح لنفسي من كل صوب اتعطر المنطقه الداخليه بالمسك الاسود ومن برا المسك البودر الابيض القرشي وادهن جسمي بالكريمات وارش العطور -اصلا هو حيل يترفز من العطوروالله يااختي انا بديت اشك انه الامر فيه انه -يمكن يكون وحده تبيه من قبل مااتزوج واتبيه لانه اصلا يوم عرسنا كان حيل مريض وبنفسه يقول انا في الصاله وودي اصرخ واقول بأجل العرس ادري بتقولون ويني كل هالسنين -انا بنفسي ادري انا صبرت على الموضوع واجد بس يمكن لما وصلت لمرحله مااقدر اصبر بعد -بنحاول نلجأ لشيخ لرقيه شرعيه -تدرون يمكن لاني ماكنت اسولف مع الحريم بالامور هذه وانصدمت بالفتره الاخيره من سوالف بعض الحريم لدرجه كنت باسال كم مره يسوون بالاسبوع وشلون زوجج يعاملج استحيت والله وخفت يقولون هذه تحسدنا -حتى خواتي والله مااجرا اسالهم -فاضطريت اسالكم -وادعولي واذا في شي جديد راح ابلغم وانشالله تتحسن الامور
عسى الله يهدي زوجج ويسخره لج ويصير مايستغنى عنج ولادقيقه لا بالقعده ولا بالفراش قولي آمين إنتي سوي اللي عليج لبسي وكشخي وتعطري وأهم شي إلزمي الإستغفار علطول وادعي ربج بنية إن الله يسخره ويهديه لج حبيبتي وقيام الليل والدعاء والإستغفار علطول وان شاء الله تتحسن أمورج وتبشرينا ولاتقاطعين علطول تواصلي معانا بآخر التطورات وطمنينا عليج ياقلبي حتى لو عالخاص
الله يعطيكم العافيه ومشكوره اختي ام الحلوات على هالدعاء والله يخليلج الحلوات انشالله -وانا كل يوم افتح على الموضوع واذا في تطورات راح ابلغكم -مع انه الامور مزداده سوء بس الله يعجل بالفرج
صباح الخير خواتي -طبعا سويت اللي قلتولي لبست من الملابس اللي شريت وكنت حافه ومتسبحه وتعطرت وفليت شعري وتمكيجت ولما قعد من نومه حطيت له العشا ولا علق الاخ ولا بكلمه وحده -(لانه مريض على كلامه مع العلم كنا جايين من الطبيب وقاله اترك الوسواس عنك انت مافيك شي ) المهم قعدت عنده نطرته ينطق بحرف او حتى يلمس باصبعه -ولا شي ( مع العلم انا كنت ناظفه من الدوره وله اصلا اكثر من اسبوعين مو مقرب مني بحجة المرض ) المهم -قلت له بانام رد علي ليش قلت نعسانه -قال خلاص نامي -يعني شنو يبي بالضبط والله ماادري -بعدها انسدحت مده ساعه -ولاحضته بس سرحان ويفكر وبعدها سالته انت شنو اللي تبيه بالضبط بس بتعيشنا بهم وضيقه لنا اكثر من اسبوعين من طبيب لطبيب وقالك مافيك شي -وانت اصلا حالتك من زمان صاد عني -يااخي اعترف انك ماتبيني وخليني احشم نفسي -ومااقط روحي عليك -طبعا علق تعليقات جدا عاديه مااذكرها -راح هو اللحين للصلاة وانا صليت الفجر وبانام والله يعدلها -والله كريم
