حبايبي ياليت تفيدوني ودي اخذ ابرة الظهر عند الولادة بس مترددة وخايفة من اثارها الجانبية وانا بولد ان شاء الله بدار الشفاء ياليت اذا احد سامع او مجرب يفيدني
هلا حبيبتي انا جربتها ريحتي باخر ساعه قبل الولاده لان خذيتها متاخر بس بعد ماولدت لمدة اسبووووووووووع لاكل ولا مرتاحه وكله ترجيع تكرمين وصدااااااااااااااااااااااع قووووووي ومن العزيزو لي النخاع ولي الذراع عوار قوييي يذبح صرت جني معوقه وتوووبه ماراح اخذها وحاليا اعاني من عوار ظهرخفيف ومرات صداع يمكن الاسباب لاني حيييل ضعيفه هذي تجربتي على فكره وااااااااااااااااااااااااااااايد خذوها وماشالله ماصارلهم نفس اللي صارلي ترى جسم عن جسم يفرق والله
هلا حبيبتي ..انا خذيتها بولدي وبأخرساعه ريحتني والله ماحسيت بنصي الي تحت وشوفي عوار الظهر بلش عقب فتره وعوار خفييف ومع الشهور راح الحمدلله
أختي آنا خذيتها مرتين أهي تريج بس بوقت الولادة وبعد الولادة آلام بالظهر وصداع بس إذا أنتي وضعج الطبي مايسمح بالبنج توكلي على الله وأخذيها ... وفيه شغله ثانيه ترا بعد الولادة ب24ساعة ماناكلين ولاتحركين جسمج تحسين كأن جسمج أنشل وحتى الماي ماتشربينه بس تبللين شفايفج عسى الله يهون عليج أي سؤال آنا حاضره بس سأليني على الخاص...
حبيبتي نصيحه لاتاخذينها انا ماجربتها بس رفيجتي جربتها في مستشفى دار الشفاء وبغت تنشل---اكثري الاستغفار ودائما اقري سورة الزلزله وكثري المشي وتتسهل الولاده انشاءالله-وكل صرخه والم فيها تغفير لذنوب--اذا تحاتين الالم اخذي كمام--------والله يقومج بالسلامه ويرزقج الذريه الصالحه
جزاكم الله خير جميع اللي ردوا بس انا مفكرة اخذها لان في ولاداتي السابقة اتعذب بالولادة حتى بالكمام ما يفيد معاي وليم الحين محتارة لان ناس تذم وناس تمدح
هلا أختي . . . جربتها وفعلا تسبب آلم في الظهر مو طبيعية . . . يكفي الشي المرعب لما يغزونج اياها بين الفقرة والفقرة . . . بخرعج لكن هذا الصج . . . خلج ع الكمام ترى اهمه يتحكمون في كميته لج خفيف او قوي . . . طلبي منهم يزيدون تدفقه لج . . . وربي يقومج بالسلامة . . .
السلام انا حبيت اقول لك تجربتي للامانه انا خذت ابرة الظهر والحمدللة ما فيني الا العافية ولا عوار ولا شي انا نفسك خوفوني لين قالو بس وخذيتها والحمدلله وترى جسم عن جسم يفرق؟ وبعدين الله هداهم لها عشان الناس ترتاح انا اقول توكلي على الله وان شاء الله الله يسهل لك
