السلام عليكم اختي العشابه لي خمس اشهرودوره ماتنزل علي ورحت الدكتوره قبل ثلال اشهروسوتلي تحاليل شامله وقالت سليمه وسوتلي اشاعه وقالت ان حجم البويضه ممتاز ولايوجد تكيسات وكشفت من داخل وتقول ان عنق الرحم فوق ولازم اغير الوضعيه وصرفتلي احبوب تنزل الدوره مع كلوميد استخدمه 2يوم من الدوره الستخدمت حبوب تنزل الدوره اول شهرونزلت زي الرمل وقعدت يومين وقفت وثاني شهر نزلت وثاني يوم استخدمت الكلوميدبس اقعدت4ايام وقفت وثالث شهر ماشفتهارحت احلل مالقيت حمل مع العلم ان لدي بنتين واصغرهم ام 4سنوات وقفت احبوب منع الحمل في رمضان الي طاف مع العلم اني رحت الحرمه مداويه وقالت معك ضعف في المبايض بس انا مسويه تحاليل وطالعه سليمه ابي حل لدوره وبي احمل الدوره متاخره لها55يوم
السلام عليكم ورحمة الله وبركاتة بغيت حبيبتي اسالج عن حبوب منع الحمل هل الاستمرار عليها اكثر من ثلاث سنوات لهو اضرار :75_75: ولكي مني جزيل الشكر:wink_smile:
حياتي محد يقدر يعطيج الأكيده إلا رحمج لأني أشوف بعض الخوات اللي يشتغلون عندنا من دول ثانية تلاقينها من تتزوج وهي على المانع وماشاء الله من تهده إحملت وبعض بناتنا تقولج أنا أخذت مانع وأثر علي. شوفي ياحياتي أنا أشوف إنه 3 سنين واجد وبعدين عندي الحرمه اللي تكون أصلا حملت من قبل تاخذ حبوب مانع أفضل من اللي كلش ماعمرها حملت ومن عرسها وهي تاخذ المانع. الله يكون بالعون بعض الناس مضطرة توقف والله يدلج اللي فيه صالح لج.
السلام حبيبتي مادري ادا تدكرين مشاركتي... لليلحين ما جت الدوره 3 ايام متاخره سويت تحليل منزلي ماكو حمل بس صايره ناشفه و اعصابي تعبانه و كلا اعرق
الدكتورة سوتلج شي بوضعية عنق الرحم ولا لأ؟ وبعدين إنتي رايحة عندها عشان الحمل ولا الدورة؟لازم أول تنظمين دورتج وعقب تشوفين الحمل.ليش عطتج كلوميد اللي يزيد من حجم البويضة ويساعد على تفجير أكثر من بويضة ونتي سليمة والتبويض وحجم البويضات أوكي!!!! حبيبتي البرقدوش مع الميرمية تنقعينه في ماي مغلي وتشربينه مرتين الصبح وبالليل والسمسم على الغير محمص على الريق، هذا إذا انتي صج كل تحاليلج سليمه. أما إذا إذا عنق الرحم فوق فهذا يعني إنه الدم ماينزل لأنه ارتفاع العنق مانعه وهذا مو زين ولازم طبيب يشوف هذا الموضوع ويعدله.
حياتي الأسود إذا كان مثل البودرة الخشنه فهذا عادي وهذا آخر دم العروق اللي بتنشف ودليل على نهاية الدورة واللي بينقطع وتجي وراه القصه البيظة وعادة يحل محل اللون البني اللي بالعاده تخلص فيه الدورة العادية لكن وقت النفاس أو أخت الأربعين يطلع لأن الدم كان غزير.أهم شي إنه ينزل معاج في البداية دم أحمر مو أسود أو قطع كبيرة متجلطه وبعدين إنه هذا الأسود يكون على آخر الأيام حتى لو بعض مرات يطول أو ينقطع النفاس ويرد يطلع هذا الشي اللي كنه بودره لونه بني مايل للأسود فهذا كله طبيعي ، اللي تخافين منه الدم الأسود الكثيف وعلى أول الأيام هذا تخافين منه. أما الهوا اللي قاعد توصفينه طبيعي. طبعا أيام الدورة أقل شي واللي ماتحب تلهم وتاخذ أشياء تطلع ريحه مثل الحلبة والرشاد فأقل شي طبخة غوري لازم تنظف وماتعطي ريحه أبدن وتظمنين إنج نظفتي وكل شي نزل من بطنج وتهيئين الرحم حق دورة يديدة .طبعا بالإضافة للأشياء الممنوعه المعروفه الحوامض والبارد لأ ودفي نفسج وأهم شي الدلاغ والبنطرون الطويل على الأقل أول 3 أو 4 أيام.
حياتي توووووووووووووووو الناس ولا تتخسرين حللي عقب أسبووووع بالظبط وتاخذين الأكيده يمكن الحمل صار على آخر أيام الدورة يعني الحمل صارله جمن يوم والهرمون ضعيف في البول أعزج الله فانطري ياقلبي. وإذا تبين تتطمنين أكثر عقب الأسبوع روحي المختبر حللي دم هذا يعطيج الأكييييييييييد أفضل من المنزلي
انتي تتوقعين حمل من الاعراض اللي قلت لج حييل ناشفه من تحت و صايره مغدتي حيل حساسه و قبل 10 ايام كان في افراز بني جان تدكرين بس ابي توقعاتج الاعراض شنو الله يجزااااج عنا الف خير و يوسع رزقج
السلام عليكم أنا عندي مشكله صارلي تقريبا 9 شهور يعني من ولدت طفلي الاول وانا أعاني من الالتهابات والإفرازات مع العلم ان ماخليت طبيب الا ورحتله وماكو فايده وآخر طبيب قالي قرحه وكويتها وصارلي شهر ومافي جماع وليلحين افرازات ولاه هاليومين اجتلي حكه والله حتى زوجي مل تكفون قولولي شسوي
مرحبا اختي العشابه الله يجزاج خير على افادتنا بس حبيت استشيرج بشغله ااختي عندها بواسير مضايقتها وودها تفتك منهم باسرع وقت لانها صج متضايقه منهم وعرسها مابقاله شي اهي تقول انها مثل حبه الفول مكرمه النعمه ووارمه عند فتحه الخروج (( مكرم القارئ)) شالحل؟؟
حياتي البواسير تيي من كثر الإمساك المزمن ومن القعده الطويلة على الأفرنجي الله يعزج وبعدين هذي وهي بنت شلون عيل لي تزوجت وحملت الله يعينها. حبيبتي انا أسوي دوا حق البواسير ومفعولة طيب ماشاء الله إذا حابه عشبي وهذا راسليني على الخاص أعطيج تفاصيل أكثر ، أما إذا تسئلين عن الطبي فلها حلين بكل بساطه إما شق وتنظيف وخياط وعقب يسدونها بفتيلة ويطلعونها عقبها بفترة وهذي مو مكلفة وبالعمومي يسوونها وبالعسكري ولكن تعور وااايد وفي بالخاص بالليزر بدون ألم وبدون فتيلة بس شوي مكلفة وإذا هي عروس مثل ما تقولين خليها تخش شوية من مهرها بدال هالخلاقين اللي يقشون منها بناتنا وتسوي ليزر. لكن الخبر السيء إن البواسير بالعاده ترد حتى عقب العملية بسنتين تقريبا، لكن اسمها ارتاحت منها وتراهي تتفخ البطن حيييييييييييل مو شويه وحسرة على الإنسان يروح الحمام ونتوا بكرامه. لازم الواحد مايعصر نفسها وغذا طلع معاه دم الله يجلكم لا يترك الموضوع يراجع ويساعد نفسه بالتشطيف الداخلي أثناء الخروج خاصة الحامل . الله يتمم عليها يارب ويجعل زوجها أحن عليها من أمها.
حبيبتي تقولين الدكتور قالج قرحة؟ شوفي أقدر أعطيج شي تاخذينه مع الدورة شي من الحلج وشي تحاميل ونتي ساعديني بمضاد حيوي من الطبيب وبإذن واحد أحد بتنتهي معاناتج بس تتأكدين لي بالأول من سالفة القرحة وطرشيلي على الخاص.
هلا أختي العشااابة : يعطيج الف عافية يارب ع المجهود المبذول في الردود ع استفسارات العضوات . . . عندي تساؤل يمكن اجابته صعبة لكن محيرني شوي ! في زميلة لي صارلها 15 سنة ما حملت . . . عندها تليف في الرحم ع جداره من الخارج . . . سوت اطفال انابيب ونجحت . . . لكن سبحان الله اجهضت على الخامس !! كانت تشكي من ألم في ظهرها . . . والجنين نزل متوفي وولدت الجنين عادي وبعدها سووا لها تنظيفات . . . ياترى شنو يكون السبب في ظنج ؟ لأن كل ما تذكر سالفتها يضيق خلقي . . .
بدخل في الرد على أم حسووون . . . يمكن مصدر العدوى من الزوج اي التهاب لابد من علاج لكلا الزوجين مع بعض . . .
ابى مساعدتكم ----------- انا عندى عيال وللة الحمد اربع بنات واصغر وحدة عمرها 5 سنوات قعدت بعدها عشان اريح والحين صارلى صارلى سنة بس للحين ماصار نصيب اللة كريم سويت تحاليل قالوا سليمة رحت الشهر اللى طاف لدكتورة سكينة عطتنى كلوميد وابر تفجير لاكن ماصار نصيب تكفون ماادرى شسوى ابى مساااااااااعدة بليزززززز ---------------------
ابيكم تساعدوني بلييز انا طلعت من الاربعين وجتني دورة الاربعين قبل لا يخلص الاربعين بكم يوم ولمن خلصت خذت حبوب منع حمل جنيرا تسوي لي مناعه ولا لا ؟
