اليوم كان موعدي للسونار انا توني داشة سادس اسبوع ومن اول حملي وانا احس بثقل وطني متفوخه عن غير المعتاد قريت ان بالاسبوع السادس راح يبان توام بذن واحد احد لكن اليوم ضيق خلقي الدكتور يقولي كيس صغير موجود ومافي نبض صكت فيني الدنيا قلت الحمدلله على كل حال اذا الله موقاسمه مثل الحمالات اللي قبله راح اكون صابرة ***** الله سؤالي لكم خواتي منو صار لها مثلي ورجع لها الامل وجابت توم مثل وضعي يعني في مجال انو يبان مع الاشهر الجايه وعادي سالفة النبض علما اني توني بالاسبوع السادس اول يومين ريحوني الله يريحكم دنيا واخره
يعني إنتي حامل لج بس ست أسابيع وطلع مافي نبض إذا جذيه إن شاء الله الدكتور يكون غلطان لأن وايد حريم قالولهم مافي نبض وطلع فيه نبض واكبر مثال إختي صارلها نفس الشي وكانوا بيسوون لها تنظيفات وسوت سونار قبل العمليه وطلع فيه نبض وجابت ولد الحين عمره 12 سنه الله يخليه لها إن شاء الله والفال لج حبيبتي وتوكلي على ربج وعليج بالإستغفار والدعاء وان شاء الله .. الله يكتبلج اللي فيه الخير واحد والا توأم أهم شي الصحه والعافيه
النبض ان شاء الله يزيد مع الوقت وعلى مااضن صغير والنبض ضعيف فأصبري واكثري من الاستغفااار وادعيه حفظ الجنين واذا الله كاتبه لج بيثبت بأذن الله .. والتووم ربي يرزقج فيهم بالحمل الثاااني وانا وياااج بعد هههههههه رزه فيس بس جد خاطري بتوأم يتشاابهوون ..
عاااااااااااااادي حبيبتي انا بحمالي جذي ما كان في نبض اساسا النبض بالشهر الاول والثاني ضعييييييييف فلا تحاتين وانتي تعرفين نفسج من الوحام اذا بعدج تتوحمين معناته موجود ان شاء الله والله يثبته لج ان شاء الله اذا رحتي مراجعتج طمنينا
انشالله ببشركم لكن ودي ترد علي وحدة صار لها مثلي وبالاخير جابت توم حبيبتي اخت عسوله والله لارزت وجه ولاشي انا استمريت على عشبة المدينة قبل الحمل بشهرين باليوم ال14 تصيرلي اعراض مثل لمن اكلت الكلوميد احس عوار ببطني والحوض يكبر على شان جذي تفائلت بالتوم
حبيبتي انتي الحين اهم شي عندك يكونون توم ولا ان البيبي حتى لو واحد يكون فيه نبض؟؟؟ يعني اذا واحد ما تبينه؟؟ اذكري ربك وارضي بنصيبك وتعوذي من الشيطان وبعدين ليش ببالك توم ترى البطن اول الحمال تكبر من الغازات مو عشان البيبي قعد يكبر اصلا البيبي بالاسبوع التاسع كبر حبة الغنب . واذا ودك بتوم روحي سوي تلقيح صناعي واذا الله كاتبلك بيعطيك واسفه على الطواله
اذا تبين توووم دشي قوووقل واخذي خلطة عين وليد واستخدميها وان شاءالله بعد رب العالمين تجيبين توووم سمعت ناااس واجد جربووها
حبيبتي انا جذي لما سويت سونار وانا لي شهرين مابين الا واحد وبشهر الثالث لما رحت اسوي سونار اصدمتني ان توأم والحمدلله ولدتهم طبيعي والحين عمره 5 اشهر
كثري الاستغفار...وروحي مستشفى ثاني شوفي شنو يقولون عسى الله يتمم حملك وتولدين بالسلامة وتفرحين بمولودك
حبيبتي بالاسبوع السادس مو شرط يبان النبض انااا عن نفسي بان معاي بالاسبوع الثامن يعني شهرين تقريباااا المهم حبيبتي اكثري من الاستغفار وايقني بان الله معاج ؟؟ مو فقه وعسي ربي يثبت حملج ويرزقج الذريه لاصالحه الطيبه اللهم امين اللهم هب لهاا من لدنك ذرية طيبه انك سميع الدعاء الله يرزقج ويفرح قلبج اللهم امين وبشرينا عنج حبوبه
تقائلي بالخير تلاقينه ان شاءالله وانتي ادعي ربج ليل نهار ولا تيأسين من رحمته وهني انا و خواتج بالمنتدى بندعي لج
الله يرزقك بالطفل السليم انا توني جايه من العياده مسويه سونار لييه خمس اسابيع وست ايام ومافي نبض وانا خايفه لاني ما توحمت الله يعافيك متى الوحده تتوحم
