ليش انام عند اهلي وخليله الجو لازم اقعد على جبده ماكو شغل انام عند اهلي عيل ليش متزوجه؟؟ يبي ينام بره كيفه بس ما اترك بيتي
عادي عندي على مزاجي انا صارلي فتره ماانام عشان عيالي يرتاحون بشقتي اكثر وانا ارتاح بلبسي اكثر.. بس اذا بنام انام افارق وجهه شوي نشتاق لبعض
أنا بصراحه ودي أنام عند أهلي بس زوجي الله يهداه مايرضى يقول نامي ببيتج أحسن وأهلج زوريهم العصر ورجعي البيت بالليل
والله الزوج اذا يبي ياخذ بريك منج ويستانس لو انت بالبيت مقابلته بروح يطلع وخليج انا اقول اهتمو بزواجكم بكل النواحي وحلو الوحده اتخلي زوجها يشتاق لها ..انا عن نفس قبل كنت اي امرح بس الحين لا بس ناااادر مرات لظروف والله يهديه لي يارب وهديلكم ازواجكم.
ضد النوم عند الاهل ...................في بداية زواجي كنت انام عند اهلي كل اسبوع لين نصحتني وحده جزاها الله خير اني ما انام الا في فراشي واعود زوجي انه ما ينام الا وانا بحضنه مو شرط يكون في شي المهم يتعود ينام على ريحتي ومع الوقت اكتشفت ان زوجي ما يتحمل غيابي عن البيت بالليل وادا فيه نوم يدق علي علشان انام يمه حتى وانا نفاس اول مرتين كان يحن علي ارد بسرعه كأنه بكيفي بس بالثالثه انفست بالبيت وكان ينام بغرفة النفاس واكتشفت انه يستوحش غرفة النوم وانا مو فيها ....على فكره بنات حتى السفر كان كل كم شهر يسافر اسبوعين وبعد سنه من زواجي سافر مره ورد ثاني يوم يقول ماقدرت انام بالليل مدري شفيني بس انا ادري شفيه ماشاء الله وسبحان الله وانصح كل متزوجه تعاني من سفر زوجها ونومه بره البيت انها تترك عنها النوم في بيت اهلها وتعود زوجها ما تنام الا معاه وتدعيلي على التغيير والنتيجه اللي بتشوفها
يسلموووو يالغاليه والله خوش موضوع انا الصراحه ما أنصح وحده تنام ولا أأيده كلش وشايله من قااموسي الشي هذا وما أشوفه له اهميه عشان انام عند اهلي الا بوقت الضروره القصوى
الله يوفقج ويجزاج خير موضوعج حلو انا قبل كنت انام واجد ايااام وزليالي بس الحين نهائي مانام عندهم لازقه بزوجي ههههههههههههههههههه
عاااااااااااااادي اايد من ناحية التغيير واذا كان بالاسبوع مره وحده ما يأثر هالشي و كل واحده واثقه من زوجها اذا عنده خرابيط و يستغل روحتها عند اهلها و هم عشان يشتاق لها و تشتاق له و لا راحت تنام عند اهلها تتصل عليه و تسولف معاه و ما تخليه من المسجات الحلوه و الكلام الحلو عشان يووووووووووووله عليها
انا عن نفسي ما احب انام في بيت اهلي لاني تعودت على بيتي بس الحين مادري اشفيني احس بملل ودي اغير وانام في بيت اهلي خصوصا ماكو شي جديد اليوم نفس امس وامس نفس اليوم واذا بسهر مع زوجي تشاركنا بالسهر خالتي ههههههههه حتى قالي مره ليش ماتكشخين لي وتفلين شعرج ؟؟ قلت له وين اكشخ خالتي 24 ساعه عندنا سكت المهم صرت انحااش من بيت زوجي وانام عند اهلي من هالسالفه << سولفت وايد ههههههه
انام كل جمعه عند اهلي تقريباً اهي راحه لي اقعد على راحتي واتصرف على راحتي لان جدام زوجي لازم كاشخه 24 ساعه الواحد يزهق ودي اقعد بخلاجين ساعات ههههههههه واكشش شعري واكل بيدي :< ودي اصير هيلق شووي بس بنفس الوقت مو حلوه اذا الريال اتعود على هالشغله وصار يقضي هاليوم بشي ثاني ويلتزم فيه ..
لاا قبل كنت احلل الويكند اقعد3 ايام الحين لا كثرو العياال وخلاص ماارتاح الا بيتي وبس وبعدين لارديت البيت يرد هو واحسن جذي
آنا مع الاغلبية يعني حلوة النومة عند اهلج يومين بالشهر منها تغيير لنفسية الزوج والزوجة ومنها لزيادة الشوق.. ترى البعد اليسير يأجج المشاعر . امهاتنا اول يقولون الرجال مثل الظل اذا تركتيه تبعج وهذا الكلام صحيح 100% لكن لاتعودينه على فرقاج ولا تلزقين فيه لزقه والقعدة عند الاهل فرصة حلوة للمحورف باعمارنا يعني تردين نيو لوك.
