ابي حل اكيد تكفون

بنات ابي شي يوحد ويفتح اللون ابي شي مضمون انا ماخليت عياده ماخليت كريم خلطات بشرتي اثار حبوب اكزيميا سواد في الابط في المنطقه الحساسه خطوطوحمرا وبيضاء ركب اكواع اعرف بنات اسوا من بشره الحين غيرررررر مشاء الله اللهم لاحسد تعبت ودي الاقي الحل تكفون ساعدوني ماقدر اللبس عند زوجي قمصان مفتوحه ودي اللبس كل شي ابيه عند زوجي دلوني الله يوفقكم

شوفي حبيبتي بالنسبه لآثار الحبوب إستخدمي ماسك المره تكون مطحونه مع الهرده يومي لمدة شهر وبعدها تحطين مره بالأسبوع ..... وبالنسبه لتوحيد لون الجسم الحمامات المغربيه والترطيب علطول بعد الحمام وقبل النوم واستخدمي هالماسك لجسمج 3 ملاعق سدر مع ملعقتين حليب بودره واعجنيهم بماي دافي مايل للحراره شوي لغاية مايصير الخليط متجانس ودهني وجهج وجسمج كله وخليه لغاية ماينشف بعدين فركي بيدج بحركه دائريه وبعدها غسلي جسمج بماي بارد عشان يتصكر المسام ..... نطري شوي واعطيج بعد خلطات

الإبط فركيه بليمون وبعدين حطي فوقه نشا وخليه لين ينشف راح بلاحظين إن لون النشا صار أسود ..... وهالخلطه سويها للمناطق الحساسه : فازلين أطفال جونسون ، زيت لوز مر ،زيت الخروع ، جلسرين سائل خلطيهم ودهني الأماكن الحساسه كل يوم قبل النوم وحطيها بالظلمه عشان تبين النتيجه بسرعه

هذي خلطه للخطوط البيضا والحمرا اللي بالجسم : زبدة الشيا من بودي شوب ، ربع علبة خل تفاح ، كريم جرجنز بزبدة الشيا ، علبة زيت جنين القمح أو ربع كوب زيت زيتون خلطي المكونات كلها ودهني جسمج كل يوم بعد الحمام وقبل النوم

ملاحظه المنطقه الحساسه غسليها بصابونة البابايا 4 × 1 وبعدين مسحيها بقطنه مبلله بأسكينول يالليمون وبعدين حطي هالخلطه : كريم فيد آوت البني ، 2 ملعقه زيت اللوز المر ، علبه صغيره سودو كريم خلطي المكونات ودهني المنطقه الحساسه بالليل والصبح مسحي المنطقه بأسكينول الليمون وسوي سنفره للمنطقه عباره عن سكر وزيت زيتون وفركي المنطقه وبعدين غسلي بصابونة البابايا ودهني المنطقه بزيت جنين القمح

للركب والأكواع إستخدمي سنفرة كاب روعه هالسنفره وبعدين رطبي المنطقه وعندج البيبي أويل من جونسون وايد حلو للترطيب أو جيبي ملح خشن أو سكر وخلطي مع زيت زيتون وجيبي نص ليمونه وغطيها بزيت الزيتون مع السكر أو الملح وفركي الركب والأكواع وحتى المناطق الحساسه

هذي خلطه سهله إذا مالج خلق جيبي زيت الجلسرين من العطار وخلطي معاه عصير ليمونه وحده ودهني فيها جسمج كله قبل النوم هالخلطه تفتح لون الجسم وعندج هالخلطه : تخلطين فازلين مع ملعقتين من كركم الجسم تحصلينه عند العطار وتدهنين جسمج قبل النوم تفتح الجسم

هذي الخلطات اللي حاليا ذكرتها وشوفي اللي يريحج وطبقيه بس أهم شي الإستمرار مو تسوين بس كم يوم وتملين لا لازم الإستمرار عشان تبين النتيجه ومثل ماقلتلج الحمامات المغربيه تساعد بعد على توحيد لون الجسم والتفتيح

ام الحلوات يالبى قلبك
من جد ماقصرتي مع الادميه

كفيتي ووفيتي

بميزان حسناتك ياااارب

الله يسلمج ياقلبي وانتوا خواتي وتسلمين ياحياتي عالدعوه الحلوه

حبيبتي جيكي على الخاص :wink_smile:

ديري بالك من الخلطات لانها دمار وانتي وحدة فيك الاكزيما الله يشفيك
على فكرة فيه دكتور جلدية مصري بمستشفى خان بحفر الباطن>>ممتاز لعلاج الاكزيما وانشاء الله تلقين علاجك