السلام عليكم خوش موضوع بس حبيت اعلق علي اسم ملاك وملك هالاسماء من اسماء الملاكه حرام انسمي البنت فيهم وذكر بالقران انه حرام والله ماني حافظه الايه بس اهي في صورة البقره واعتقد ويسمون الملائكه تسمية الانثي بس والله ماني حافظتها ياريت اللي حافظه الايه تكتبها عشان الاخوات يستفيدون ومايكونون ممن ذكرهم الله بالقران عن نفسي حامل بنت وعاجبني وايد لمار ليان بس زوجي موعاجبه يبي مسك وانا موعاجبني
عن نفسي أحب الاسامي الي معناها معروف ونطقها حلو لاحظت الكل هب في الاسامي الغريبه النطق والي معناها مو معروف مادري ليش ؟؟ اكيد الكل حر بتسمية عياله بس شكثر يسمون اسامي ومايعرفون معناتها او يسوون بحث ومايطلع المعنى الحقيقي بل المعنى المتداول مثلا ريتاج سويت بحث عنه طلع لي اسم مفتاح الكعبه وفي موضوع ثاني طلع لي باب الكعبه ولما سويت بحث في مواقع للغه العربيه تدرون شنو طلع معناته ؟؟؟ الباب المغلق !!!!! يعني ماله معنى. وفيه اسامي ترجع اصولها فارسيه مالها معنى انا ادري مالي شغل بس والله حبيت اوضح لكم اختاروا الاسامي الي معانيها معروفه وموثوق منها لايغركم نطق الاسم لان ترا حتى تسمية المولود نتحاسب عليه انتبهوا حبيباتي في اسامي ذكروها البنات عريقه ولها معنى اختاري منها وابحثي اكثر والله يرزقكم جميع بالذريه الصالحه وسامحوني اذا ضايقكم كلامي بس ابي لكم الخير دعواتكم لي بالمولود الذكر الصالح التقي كامل الخلقه ولكم مثل مادعيتوا لي تحياتي لكم
مرحبا عندي اسماء غريبة بس ما اعرف المعنى ريناد ريماس راما رنيم ريم ربى روان رنا رحمه رهف رشا راويه رواسي رزان ريما رنين :shades_smile:
عندي اسماء حلوه وان شاء الله تعجبكم ازهار مهره بسمه دانة: حجر كريم وكتابتها بالألف دانا خطأ حلا: جميلة معناه حلوة من الحلاوة والحلية حنان: اشتياق وترحم ورقة القلب عطوفة حوراء: معناه بيضاء في عيونها سواد شديد جورية: نسبة إلى الورد الجوري الشديد الحمرة وهذي الاسماء صحيح حلوه لكن الاسماء القديمه تبقى احلى ودمتم """
