ايه والله صاجه اعداااااااااااااااام انا ولدت بولادتي الثانيه بمستشفى لندن كلمة روعه شوي عليهم وباذن الله الولاده اليايه بمستشفى لندن بس ماقلتيلنا جم طلع عليج
أنا جربت ولادتين بمستشفى السلام عند دكتوره هنديه إسمها فيجايا ولادتهم زينه بس حسيت بالولاده وبطلعة البيبي وولادتين بالراشد الأولى عند نصر هيبه والثانيه عند الدكتور عاصم وأحمد وكانت ولادتهم رووووعه ماحسيت بشي تنامين وتقعديتن تلاقين نفسج والده وبالنسبه لإبرة الظهر عمري ماجربتها ولا أفكر أجربها وعندي 4 بنات الله يخليهم لي إن شاء الله ويهون على كل الحوامل ويقومون بالسلامه
هلا ام الحلوات الله يخليهم لج ويحفظهم وتشوفينهم بليلة عرسهم الله يرزقني ويرزقج بالولد الصالح ان شالله
انا ولدت بالعدان وييع بمنتهى الكلمه نفسيه خايسه الهنود السسترات اللهم وحده بس ياحلوها والله حست اني خايفه لاني كنت بجريه وربي نفسيتهم وييع انا ان شاءالله بل بيبي هذا بولد بسلام او بمستشفى خاص احسن وانظف
انا ولدت بمستشفى السلام وااااايد ارتحت هناك بس اللهم دكتور نخدير لعوزني ويا سستر خايسة معاه يعني كانت خايفة علي لاني كنت اتحرك لما كانو يبون يقزوني الابرة وفي سستر قاعدة وياي بالغرفة وتسولف يحليلها حلللوة معاملتهم وولما طلعت من الولادة بروح غرفتي ولا الكهربا صوب السرير مو شغالة وودوني غرفة مؤقته لما اشتغلت الكهربا ومعروف مستشفى السلام وااايد غالي يعني طلعت منه ب1008 دينار حق يومين بس مع اني ولله الحمد ولادتي طبيعية وماخذه ابره الظهر وغير تحاليلهم والادوية وتحاليل البيبي واجر الدكتور والغرفة انا كنت اراجع عند د.محمود الاسطل عنده عيادة خاصة تابعة للسلام خوووووووووش دكتور محترم ونظرته نظيفة واهوة هادي وباله وسيع ويصبر على الوحدة لما تولد وماعنده مانع لو يقعد يوم كامل انتي تسألينه واهوة يجاوب
ونسيت كنت ماخذه ابرة ظهر امبيه كاان عذاب الطلق من الفير لي ثاني يوم المغرب يالله عطوني ابرة ظهر لان كمامهم خرطي صراحه..وبس من خذيت ابرة الظهر الحمدلله ماحسيت بولا شي اللهم عوار الطلق الخفيف وعقبها الحمدلله ولدت بحياتي طلولي الله يخليه لي هل حجي طبعن من 3 سنين ..الحين صراحه أفكر اولد بمستشفى لندن ان شاءالله من حجي البنات وتجاربكم فيه وربي يسهل علي وعلى كل حاامل ياارب ويرزق كل محروومه ياارب
الله يسهل عليكم ان شالله ويخليلكم عيالكم انا عن نفسي بولد بمستشفى لندن مجربتهم من قبل يهبلون ومجربه السلام باول ولاده بس لندن عنايتهم فيني تهبل تهبل الصراحه ارتحتلهم وااااااااااااايد انصحكم بدكتوره ايفا او سوفيت يهبلون
انا ابي اولد بالراشد بس ممكن اعرف وين مكانه والدكتوره ايفا عندهم والا اطلبها من برى ارجو الرد سريعا لاني مابقالي شي واولد
مرحبا بنات انا ولدة البيبي الثاني بمستشفى منصور العرف وكانت ولادتهم روعة بس إنه غاليييييييييييي الولادة بس بروحها 480 دينار من غير الادوية وكمامهم ايخليج ماتحسين نهائي بالولادة والله انا رحت لان صارت عندي ولادة مبكره اسم الله عليكم والله لايوريكم انشاء الله وبسرعة اسعفوني وبزوني ابرة وحطو الكمام وماحسيت إلا يقعدوني ويقولون مبروك ولدتي
هلا حبيبتي الدكتوره ايفااا عندهم واااااااااااااااااااايد يمدحونهااااا اما عن المستشفى مادري وين عنوانهم بالضبط؟
انا بصرااحه ولدت مرتين بالشفا الحمدالله وااايد معااملتهم حلوه وزينه عند د.زكريااا واايد هل دكتور زين ويخااف الله وينطر على الوحده ما يفتح بطنه على طول نفس مايقولون عن باجي الدكاتره بالشفا والله يسهل على كل حااامل
حبيبتي انا ولدت بمستشفى المواساة صج رعايتهم حيييل روووعة جروب السسترات حيييل زينين انا ولدت وراجعت عند دكتورة فرجينيا تهبل
الله يخليلكم عيالكم والله يسهل للي على وشك ولاده .... انااا نااويه بأذن الله اولد بالهادي .. عند الدكتووره بهواني صراحه معاملتها حلووه صج ان زحمه حييل عندها واقعد بالساعات علشان يوصل دوري وشكثر امدحوهاا لي ... قولولنا تجاربكم بمستشفى هادي شلون معاملتهم ؟
