السلام عليكم و رحمة الله و بركاته حبايب قلبي عجبني هالموضوع و حبيت انقل فكرته لكم بما اني مو اخت المعرس لكن بنت عمه و بحسبة اخته لان آنا و خواتي اللي قايمات بالعرس حبيت نستفيد من بعض شنو التجهيزات اللي سويتوها ؟؟ من الصاله الطقاقه الدي جي المدخل و تزيين الصاله و تلبيسها الحلو و الفطاير و ورق العنب الضيافه بانواعها صواني التقديم المصورة و من هالشغلات .. بالنسبة لي حجزنا الصاله صالة الحريش و الطقاقه ام فهد البوفيه مع الصاله و الخدمه من الخليجيه و للامانه هذا مو حجزي و مو مقتنعه فيه بس عاد ام المعرس و رايها! انا علي الحلو و الفطاير بس ما ادري وين اروح و شنو آخذ شفت فطاير سبيشل لرويال ريتز صراحه كان شكله قمه بس الصينيه مو شي الذهبيات القديمه عشان جذي ابي صواني تقديم كشخه ودي اشتري و آنا اقعد اتفنتك فيهم فيه ناس امدحولي تلبيس الصاله زيبرا بفوشي مادري وين احصله و منو شافته احس نمونته غريبه شوي و الا شرايكم ..؟؟؟ بنات افيدونا و خل نستفيد و يعطيكم العافيه و عسى افراحكم عامره
هلااا حبيبتى عسى ربي يفرحكم إن شاء الله ويتمم عليكم بالخير والعافية أخوانى كلهم تزوجو الحمدلله ماعندى إلا اخو واحد بعده صغير الله يحفظه إن شاء الله ويهدى،،،، شوفي حبوبة الله يشهد ع كلامى بعروس أخوانى الكل يمدحونه وليومج هذا يسولفون فيه والله قطينا عليم قط والحمدلله،،،، أسئلج أمى من وين أحجزت الصوانى الفطاير والحلو؟؟؟ بس أذكر حجزنا وحدة كانت مأخذه زاوية بالصالة وتسوى صاج حق الحريم وتوزعه تحط فيه حلوم وجبن وزعتر إلى ،،،،إلخ وبعد رحنا الجمعية وشرينا الكاكاو الصغير مدور بنفسجى مدرى تعرفينه ولا لأ ينحط يم أستكانت الجاى ورحنا شرينا مكسرات وفستق ولفينه بشغل ذرب وحلو وصغير مو كبير حيل وحطينه يم الاستكانة الجاى اى ويبا ذرة اللى بقلاصات ووزعنها،،،، وايد شغلااات بس ناسية إذا ذكرت أقولج،،،، وبالتوفيق
حبيبتي اذا تبون عرس كشخه وراقي الكل يتكلم فيه احجزولكم تلبس لصاله من المالك عنده تلبيس على حسب ميزانيتج ويحطلج استاند اضاءات حول البست وعندج محل واااو للحلويات طبعا الكل يعرفه والفطاير انصحج بمحل سيتاديل بالفحيحيل مدري اذا له فرع غيره والصواني انتي اشتريهم ووديهم لمحل وااو يعبيهم لج ويغلفهم وهذا اللي اعرفه اتمنى اني ساعدتج والله يوفقهم
مبروك حبيبتى جربى المصورة همسة مضمونة ووايض متميزة وما نتعامل مع احد غيرها ارقامها 97367600و99365570 http://www.kuwaiteya.com/vb/t26408-6.html
والله انا عندي عرس اخوي حجزنا تلبيس الصالة من المالك والطقاقة وفاء والحلو حجزنا الفراولة والدي جي حجزنا ناصر وبس
