شبابيك الغلا

أفتح شبابيك الغلا جيتك اليوم ---بأحساس من زود الغلا وده أيطير

جيتك مثل طفلا له أيام محروم---عن حضن أمه أبعدته المقادير

وجيتك مثل عودن له ايام مهموم---وده يلاقي باآخر العمر تقدير

وجيتك حضن عاشق وهيمان مغروم--وده يضمك لين تصبح على خير

متى تحس ان الهوى شي مقسوم--من قسمة الخالق على خلقه يصير

متى تحس اني لك اطيح واقوم--واتعب على شانك واقدرك وأغير

لي في هواك احلام وآمال وعلوم--واحزاب واصحاب وقصيد وجماهير

وهموم وافكار وهواجيس وحلوم--ودروب واخطار وعذاب ومشاوير

وحب وغلاء واخلاص ومعاند ولوم--واحساس والهام وشعور وتفاكير

وصحبة سهر ومقاطعة لذة النوم-- واشواق جياشه وعشق وتعابير

في ذمتك مابان لك شي مكتوم--من بعد ماصورت الاوضاع تصوير

لاتحسب انك شي عابر ومعدوم-- في ذمتي حبك يفوق الاساطير

كني لقيتك بأغنيه لأم كلثوم--او اني قريتك في رواية لشكسبير

من ماضي الايام ليومك اليوم--وغلاك عندي ما حصل فيه تغير

وانا لك الله ما اقبل البيع والسوم--ولاارضى علي ولاعليك المخاسير

لاني الوحيده اللي على بحرك أتعوم--واللي عرفت مرساها بنهاية رحلة السير





اتمنى ان تلقى الشي القليل من القبول لديكم

هالله هالله

رووووعه القصيد

راقت لي

صح لسان شاعرها وسلمت يمناج على النقل حبيبتي كفاني عذاب

بانتظار ابداعج لاهنتي

تسلمين يالغاليه
اخيرا احد مر على الصفحه
كلج ذوووووووووووق
وصح ابدانج قلبي

صح لسانج
ولا هنتي على هالاحساس
ننتظر جديدج

صح لسان قايلها.,.
قمــــــــــــــة في الروعة ياقلبي..
يعطيج الف عافية

يسلمو قلبو الابيات رووعه

رآئعه تلك الأحرفْ وذلك الإحسآسْ
سلمت
ع روعةٍ إختيآرٍ ذآئقتك
الاميره بشآير
كآآآنت
هنآآ
(
)​