السلام عليكم هذي اول مشااركه لي.شخبااركم بناات الكويت انشالله باحسن حااال ادري يمكن الموضوع مكرر بس حبيت افتحه مره ثانيه اذا ممكن؟خلونا نسوولف عن معاملتنا مع الحموله اهل الزوج شلون معاملتج معاااهم يعني رسميه كلمه ورد غطااها؟او ميااانه كانهم اهلج او عااادي لاراحوا ولا قعدوا؟؟؟؟انا عن نفسي الحمدالله مررات سمن على عسل مرات حرب وغزو وهذا شي لابد منه وهذي الدنيا افراح واتراح مشاكل وهم وسعاده بس خلونا ندردش ونسولف عن علاقتنا معاااهم والله يعينا عليهم
أنا الحمدلله علاقتي فيهم زينه وحيل يعزوني كلهم من خالتي وحمواتي ويعتبروني بنتهم مو مرة أخوهم وبالعكس ميانه ضحك وسوالف يعني ما أحط حواجز بيني وبينهم والحمدلله خوش حموله ومرتاحه معاهم
مشكورة على طرح الموضوع الحموله همهم هم حريم حمواني قشرات معاي بس خالتي حيل تحبني والحمد لله كل ما تروح لأحد تقولهم عن طيبتي واخلاقي هذا احسن شي ان خالتي تعزني ولا الباجي بالطقاق ان شاء الله
مشكوره حبيبتي عالموضوع الحلوو ... اول شي موضووع علاقة الزوجه مع حمولتها تترتب على حسب شخصيتها واللي تربت عليه يعني لا تصير علاقتها فيهم حيل سطحيه بعدين يتثاقلون زيارتها ولا تكون خفيفه ويستغلونها او يتمادون عليها... تكون بالنص مره تشد ومره ترخي ولازم تكون في حدود بعلاقتج فيهم علشان محد يتعداها ... هذي نظرتي بالموضوع ... انا الحين بتكلم عن نفسي الحمدالله حمولتي ناس زينيين ويحبوني من خالتي لي حمواتي وهالشي مريحني والله لايغيير علينه ....
هلا أختي . . . مشكورة على هالموضوع وما قصرتي . . . فعلا انا من زماااااااااااااان منبطة جبدي من سوالف هالحريم اللي يتعاملون ويا اهل زوجههم بعنجهية وكلمة ورد غطاها شدعوة الملكة بلقيس على هالتعامل ولاول مرة بتحجي بهالطريقة لان فعلا فعلا منبطة جبدي من بعذ الحريم اللي تتعامل بالرسميات حتى مع ام زوجها !! شدعوة هالفقيرة ولدت وربت ولبت وكبرت وبالاخير تاخذ ولدها وحدة وتخيس النفس بعد عليها !!! الحياة مو حرب ونفسيات خايسة ومشاكل . . . يعني انتي يالوحدة (الزوجة) داشه هالعايلة وماخذه ولدهم بتنجبين له اطفال ويكمل نصف دينه وانتي بعد وهذي سنة الحياة. . . يعني مو داشه اخيس النفس ع امه وإلا أخته واتمشكل وياااهم عامل الناس كما تحب ان يعاملوك يعني ورانا حساب وعقاب من رب العالمين عن نفسي ما احب اتعامل بالرسميات وياهم بالعكس اخذ واعطي لاني جذي . . .
اول شي يسلمو عالموضوع انا علاقتي فيهم عسل عسسسسسسسسسسسسسل بشكل موطبيعي عمتي تموت فيني وعمي وخواته واخوانه الله لايغير علينا ولما اقعد معاهم احس اني قاعده فبيت اهلي وساعات مابي اروح بيت اهلي واروحلهم مو ان اهلي موزينين بس لن قعدتهم ولمتهم ماتنمل
عن جد اشكر كل وحده ردت على موضوووعي الله يوفقكم ويستر عليكم دنيا واخره ويرزقكم الرزق الحلال ويخلي لكم اهلكم كلهم طول بعرض عشان مانسى احد واشكركم مره ثانيه على مروركم الاكثر من رائع
والله انا علاقتي ممتازه معااهم حييييل الا وحده نسرة من حمواااتي ميته غيره مني والله تكسر خاطري مسكينه بس حمواتي الباجين عسسسسسسسسسسسسسسسلل والله واعتبرهم مثل خواتي وعمي طبعا مامنه 2 وانا عن نفسي اخذ واعطي معاهم بحدود يعني ماطيح الميانه حييييل احس احسن واريح
أهي أهي اهي خلوني سااااااااااااااااااااااااااااااكته أبرررررررك ألا ليت الايام تعود يوماااااااااا لاخبره بماااااااا فعلت حمااااااااااااتي انا عسل بس ...خليها على الله
يسلمووووووووو ع الموضوووع الحلوووو .. ولله الحمد علاقتي وياهم فوووووق الممتازه وكلهم يحبوووني وانا بعد احبهم وعلى قولة اختي ام عبدالله عامل الناااس كما تحب ان يعاملووك .. واعتبرهم خواتي وخالتي حبووووووووووووبه ومافي مثلهااا وحمواتي طيوبات وحتى حريم حمواني حبووبااات وربي لايغيير علينااا ويهدي النفوووس بين الكل والجميع ..
بقولج شي وحطي في بالج اذا عن الحموات هم خوات الزوج يعني مالج حق تهاوشين معاهم اذا قشرات اصعدي لهي عمرج لاتنزلين الا من 7 ورى سلام ماسلام وبس اذا شفتي بينهم مشكلة اصعدي مالج شغل طلبي حلو او سوي حلو ونزلي معاج ترى يكبر من قيمتهم اذا عندهم عيال عطيهم حلويات او برد او اي هدية بسيطة راح تزيد محبتج بادري بالاحسن راح تلقين مردود لج دقي عليهم وينكم مرونا اليوم مشتاقيلكم لاتدخلين بينهم لاتسالين واجد هذا بكم ولامن وين انا تقطعيني ماسال عن شي وانا حمواتي عسل لاني كاسبتهم بالسان الحلو وكل ماسالوني فلانة وفلانة كلا مادري احسن حتى لو اعرف عنهم واذا زوارتهم ماطلع اقعد اسولف واضحك خليج عادي عن التصنع عيشي حياتج من غير وجهين وخالتج لو تطق راسج بالطوفة بوسي رجلها ترى رضا الزوج من رضاها اكسبيها قطعة خام سكاين بخور مايكلف شي راح تستانس انا كل عيد اعطيها قطعة خام بس راقية وتفصلها للعيد واللة هذي تسوى الدنيا ومافيها وكافي لاقالت من مرت فلان لاتهاوشين تذكري ان انكر الاصوات صوت الحمير واذا اهيا غلطانة احقريها هني بتموت من القهر ليش اندقرت ماشافت استجابة اما اذا عطيتيها على الكيف تصيرين خبلة لان هذا مرادها كبري عقلج خل تهاوش طلعي فوق بنص كلامها بتتتتممممممموووووت
ما انا والنعم فيهم ما عندي اللي عمي وللاسف خالتي متوفيه من قبل لا اجيهم واللي باط جبدي حيييييل اهي مرت الحمى يعني مرت اخو زوجي كأني جارتها تكفون قوووولولي شسويلها اذبها مااااايفيد وسلامتكم
ياااااااااارب لك الحمد امي اللي اهي ام زوجي ماترضي علي باي شي لان دايم احاااااتيها بكل شي حتي بزوارتي مااقعد يم ريلي ومااخليها اتسوي اي شي ارتب اي شي تحتاجة عشااااااااان جذي انا غير عندها عن الباجي اما اخت ريلي اللة يهديها ويثبتها انشالة
انا والله الشاهد اني كنت مخليتهم يدهينه لا تنكتين بس زودوها ومصخوها علي غلط علي واااااااااااااااااااااااايد وان والله والله بس صابره علشان زوجي اخر شئ صكرت علي الباب اجاملهم بالمناسبااااااات والشهر مره ازواره علي قولت خالتي ام ريلي خلك بعيد تصير غاااااااااااالي
