والله ما ادري من وين ابدي انا متزوجه صار لي سنتين ونص وعندي بنوته المهم قبل سنه فتحت نقال زوجي ولقيت مسج فيه صوره زوجي ومكتوب انت حياتي كلها مع اغنيه رومانسيه من رقم غريب انصدمت وجهت زوجي بالمسج وقال هذي رفيجت ولد اخته وقال لها سوي حق خالي وسائط وانه تهاوش معه شلون تعطيها صورتي وصدقت السالفه وبعدها بفتره لقيت مسجات من نفس الرقم وفيها كلام ؟؟؟؟؟؟ وجهت زوجي مره ثانيه قال ان ولد اخته كان اخذ منه تلفونه فتره وان لو عنده السوالف هذي يحط جهاز محد يدري عنه ويكلم وقبل اسبوع لقيت في نقاله مسجات من نفس الرقم وكتبه اسم زوجي وتقول انها تعبانه ماتقدر ترد عليه ولحد الحين ما وجهت زوجي والله ما ادري شنو اسوي معه المشكله طيب معاي حيل ومايرد لي طلب بس ليش يخون الله يخليكم ساعدوني شنو اسوي
مالنا حل بالخيانه الا باالصبر لاعاد تواجهينه لانه بينكر وانتي بتتعبين معاه:sad_smile: الله يهـــــــــــديهم
اصبري يا قلبي ... هذا زوجج ... بس مرره صارت برفيجتي جذي خذت رقم البنت وكلمتهاا ... والبنت تقول انا مادري انه متزوج والبنت طنشت بزوجهاا ما قامت تدق عليه ولا شي... بس انتي صبري وعسى الله يهديه يارب..
اه شقولج بس كلن في قلبه شقى الليلة ياقلبي طنشيه ولاتفكرين وتعوذي من الشيطان انا كنت مثلج انا كنت افتش وتدور واواجهه وينكر ومستحيل الريال يعترف واذا مااعترف يعني شاريج اريال لاتخربين بيتج بسبة نزوة وصدقيني لايكون على بالج انه اللي يخون زوجته مستانس او مرتاح لا بالعكس يكون عايش بتأنيب الضمير وتخبط عاطفي وتوتر شديد دامه زين معاج حطي ريولج وايدينج بماي بارد ويمكن يكون صاج ماتدرين او هي قاعده اتحرش فيه والله يعينج على بلواج
بكل سهوله إخذي رقمها ودقي عليها وشرشحيها تشرشح وبنفس الوقت واجهيه ولا تسكتين هذي مو أول مره تطيحين عليه والسالفه واضحه إن أهو على علاقه معاها وزوجج يدق عليها لأنها كاتبتله بالمسج إنها كانت تعبانه وماقدرت ترد عليه حبيبتي لا تسكتين واجهيه وقوليله يا أنا يا إهي وقوليله أنا مو لهالدرجه مغفله وإذا مابطلت سوالفك أنا مالي قعده عندك دقيقه وحده طبعا تخرعينه مو صج والله يهديه لج ويبعد عنه بنات الحرام إن شاء الله
لااااااااااااااا حطي بالج ادقين عليها هالاشكال تزيد اذا عطيتيها اي اهتمام عزيزتي هذي لوثة اتي كل ريال تعوذي من الشيطان ومالج الاالصبر والقرأن وايد راح ترتاحين وتهدي نفسج ودايم طلبي من اللة سبحانة الثبات
مالك إلا الصبر ياحبيبتي .. والدعــــاء أكثر من هذا الدعــاء " اللهم إن أستودعتك زوجي بصره وسمعه وجوارحة وأعضاءة فاحفظة لي من الذنوب والفتن والمعاصي اللهم سخرني لزوجي كما يحب وسخرلي زوجي كما احب وسخرنا لك كما تحب وترضى اللهم واجعله اكثر حبا لي وتعلقا بي وصراحة معي اللهم واجعله اكثر رحمة وشفقة بي اللهم استرنا في الدنيا والآخرة " الله يجعلك قرة عينه ولا يقدر يناظر غيرك يارب
لا لا لا دقين عليها راااااح تكبر سالفه أنت غلطانه ليش تجسسين علي ريلج وشلون تيج الجرئه تفتشين علي تلفون زوجج الله يقول (( ولاتجسسوا )) أنتبهي من عمل شيطان خليه وكأنج ماتدرين انت عليج بالقيام الليل وكثرة الاستغفار
شوفي حبيببتي انا بعطيج خطه من خططي الناجحه لان انا جربتها ومشت معاي انا ريلي بالبدايه كان يخوني واكثر من مره اطيح عليه وينكر اخر شي شفت صور وانصدمت المهم سويت روحي مادري وقمت اكشخ زياده عن اللزوم واطلع واتمشى واتعشى بره وساعات اروح عند اهلي بس لمن يدق اقص عليه اقوله في بيت رفيجتي اهو استغرب ليش انا كثرت طلعاتي لان انا ريلي بيتوتي مايطلع كنت اقعد معاه وللعلم انا شفت الصور والجات لوق بالابتوب ماله بس تلفون ماشفت لان مجابلين بعض طول اليوم الا اذا يكلمهم واهو بالدوام هذا شي ثاني المهم نرد حق سالفتنا بعد مازدت طلعاتي الريال شك شوي وبيوم اول مادشيت البيت قعد معاي يسولف يقولي اذا في شي بخاطرج احد بخاطرج قوليلي عشان كل واحد يروح بطريج تخيلوا المهم جان امسك ايده واقوله يابعد عمري كلن يرى الناس بعين طبعه اهني انصدم وعرف السالفه والحمدالله ماقام يعيدها واسفين عالاطاله
غيريليه الجوو الي عاااايشين فيه دلعيه سووووويله كل الأشيا الي ماسووويتهااا ولا مره لبسيله غيري معاامتلج معاااه
مشكورين ع الردود المشكله لما اوجه زوجي يقلب السالفه علي ليش تفتحين تلفوني بدون اذني ويزعل ويقول انتي ما عندج ثقه فيني
اختي ابتعدي عن المواجهه وخليج جدا طبيعية مع زوجج وضاعفي اهتمامج فيه وبنفسج من ناحية اللبس والنظافه والدلع تخيلي نفسج بلعبه تحدي بينج وبين رفيجة زوجج ولازم ما تخسرين زوجج علشان تكسبين اللعبه بالنهايه المسأله محتاجه وقت وصبر ونصيحة مني تقربي من الله بالاستغفار والدعاء والصلاة اخر الليل واللي انتي تمرين فيه سبق ومرت فيه كل االمتزوجات تقريبا ومنهن من تعدى المرحله بحكمتهن وصبرهن ومنهن من خسرن ازواجهن من تسرعهن وعدم فطنتهن وانصحج بمقالات وقصص الاستاده ناعمه الهاشمي راح تساعدج وتفيدج وتعطيج افكار عبقريه لتخطي هالمرحله واسترجاع زوجج قبل لا تخسرينه كليا وهالاستاده متخصصه بالعلاقات الزوجيه وياما ردت ازواج لزوجاتهم بعد ماتركوهم علشان عشيقاتهم سوي بحث بقوقل عنها وبتلاقينها بمنتدى خاص لها ما اقدر ادكر اسمه علشان لا نزعل ادارتنا
انا مع الي لاتدقين بس لو انا مكانج ادق عليها وقولها الي تكلمينة تعرفين عنا شي يمكن مكذب عليها وقايلها مو متزوج وبعدين قوليلها انا مرتة شوفي هالمرة قلت بتطلع بنت حلال وبتسمع الكلام سمعي هذا مو كلام تحذير انا مو هينة اجيب راسج اجيبة لو تحت الارض وخليج بيزة ماتسوين انتي واهلج اصلا اذا عندج اهل يابنت الشوارع وحالج من حال الي قبلج خرعيها ورقمج عندي والحمار الي عندي كل شي يقولا لي وعلى فكرة طلعت الخط باسم منو بس حسافة اهلج عندهم حثالة مثلج ابعدي عن الشر ولاتقولين فلانة ماحذرتني من اليوم بسوي كل شهر برنت واذا بنت ابوج خلني اشوف رقمج وشوفي اخذي الرقم وطلعي باسم منو حاولي عشان تهددينها عدل
اغلب الريااااااجيل جذي ومايملي عينهم التراب نشووف ونسكت لمتى؟؟؟؟؟؟؟؟؟؟؟؟؟؟؟ والله لو يشوفون الشغله ع حررريمهم لو بالغلط مااافي تفاااااهم ولاينااقشج ع طووووول طلااااق قطع تقطعم
السلام عليكم ورحمه الله وبركاته مالج الا الصبر انا طحت على ريلي واهو يكلم وحده سمعته باذوني سويت النون وما يعلمون كسرت البيت ودعمت سيارته ولا بردت حرتي والحين مالي الا ربي اهو يبرد قلبي وحاطه حيلي بالقرآن الله يصبرج
انصحك دلعيه وديري بالك تفاتحينه بالموضوع ماراح تستفيدين والدعاء مالك غير الدعاء وخليه يسمعك وانتي تدعين له
ديري بالج لا تدقين كل الرياييل جذي وحده مره قالتلي لاتفتشين بتلفون زوجج لانج لاااااااااااااااااااااااااازم بتلقين شي عاد ليش اعور راسي واقعد افتش شوفي حبيبتي اول ثلاث سنين لازم تكون جذي انا كنت نفسج بس الحين الحمدالله لاااااااااااااااااااااااااااااااااااااااتمسكين تلفونه خلي مارده لج ولبنتج وبيتج وحطي في بالج كلهم جذي اهم شي لا تدقين عليها ولا تعطين الموضوع اكبر من حجمه نصيحه من مجربه على طول تظاهري باللامبالاة
