السلام عليكم .... اولا : انا متزوجه صااارلـي 6 شهور وصارت مشاكل وايد مع زوجي واخرتها مشكله صارت امس واهوو من تزوجنا وع لسانه الطلاق ع اي غلطه اغلطها والحين طايح لي بمواال اللي هو الزواج يهددني بالثاني يا بناااات والله نفسيتي تعبت واااايد والحين معزم والله مو مقصره معاااه والله موفرتله كل اللي يبيه بس الله ياخذ ربعه هالخمه كل منهم كل واحد يعرض اخته عليه وع ادنااة مشكله تصير يقوولي والله لا اتزوج عليج لين عزم امس ع هالشي وكلم اخووه الكبير يا بنات انا كبيره مو صغيره عمري 25 واهو صغير بالعمر هذا عيبي اني خذيت صغير بالعمر النصيب ما اقدر اقول شي وهو ناوي الحين والله تعبت معاااه صبرت وايد ع اشياء كان يسوويها ولا اعتقد انه في بنت تتحمل والله وكل انا الغلطانه وهو الصح شسووووي انصحووني واليوم زوارتـي عند اهلي وهو يبيها من الله عشاان يرووح يخطب وانا من زمان ما شفت اهلي ومدري شقوولهم اقعد معااه وانا مابي تجي ع راسي ضره ولا اطلب الطلاق واللي متزوج عليها زوجها تقوولي شلوون صبرت وشنو معاملته لها بعد الثانيه تكفووووون دلووني والله ضااايعه تكفووون قوولولي اطلب الطلاق ولا اقعد والله تعبت نفسيتي حييل وانتو تعرفوون مصير كل وحده مطلقه بهالزمن وخاصه بهالعمر من يتقدم لهاا :cry_smile: ابيكم دلوووني تكفووووون ردوووو علي لا تسفهوون الموضووع تكفووون ............
حرااااااااام عليكم 25 مشااهده ولا وحده فيكم كتبت شي انا طالبه مساعده منكم وووووووووووووينكم ردووو بليييييييييز ..........
حبيبتي الصراحة الله يعينج على هالبلوة توكم متزوجين وفكر بالثانية صج ما يستحي على وجهه لو اني مكانج ما اسكت اعلم اهلي واخليها بين الرياجيل يتفاهمون معاه ويخلونه يقول بنتنا شنو قصرت معاك عشان تفكر تتزوج عليها لازم تحسينه ان وراج رجال مو تبينين ضعفج جدامه وبعدين من ناحية العمر ياما حريم تزوجو رياجيل اصغر منهم وعايشين ومرتاحين بس اللي عندج هذا لاعبين براسه والله يسير امورج ويهديج لج ان شاء الله
صباح الخير -----عزيزتي حاولي تقعدين معاة واتفاهمين بهدوء حتي لو اطر الامر تعزمينة علي مطعم او اي مكان برة البيت وبعدين تو صار لكم ٧اشهور اكيد بعد مافهمتو بعض وشي طبيعي اتحصل خلافات بينكم--واهم شي تهدين وبالهدوء انشالة تعالجين الامور واللة يثبتة ويهدية لج لاتنسين الادعية وسورة البقرة وايد تريح
هلا حبيبتي والله مادري شقولج لكن انشالله نقدر نحل المشكله حبيبتي توج متزوجه شوفي هذي مشاكل في بداية كل زواج اولا موغلط تزوجين اصغر منج هذا نصيب بيد ربج سبحانه مو بيد احد لاتروحين زواره اليوم وعطري البيت وكشخي وسوي عشا وحطي شموع ودزي مسج له حبيبي مشتاقه لك ووووووكلام من عندج وبعدين يدخل عندج واستقبيليه ودلعيه وولاتكلمين معه بالموضوع نهائي وسوي له شوية حركات طبعا فهمتيني؟؟؟ وسالفة الزواج من باجر ومو انتي تكلمين فيها لا اهو من نفسه بيكلمج حبيبتي الرجال شنو يبي من زوجته غير تدلعه وتدلعه خصوصا بالفراش لاتقولين استحي لا سوي كل الي يجننه ولا يفكر حتى يتزوج غيرج وربي يوفقج
يا بنااااااااات بلييييييز افهمو انا مو مقصره معااه كلش وبعدين انا الدوره فيني يعني لو ماعلي جان سوويت هالشي من امس وحاولت قبلها معااه وكلمته بس هو نوعيته متحجر وااااااااااايد ويبي وحده من بنات اول يعني التفاهم معااه يقوول مرااادد مو تفاهم تعبت معاااه مدري شنو اسووي معااه وانا يتمة ام وابو ومالي غير اخواني وهو مايرد ع احد وما يهم احد يقول انا شاري راحتي وابي اتزوج عناد فيج وانتي تبين تقعدين اقعدي ع العين والراس وماتبين روحي بيت اهلج ورقتج توصلج بذمتكم هذا كلام بناات بليز والله نفسيتي تعباانه وااااايد شسووووووووي قوولولي اطلب الطلاق ولا شسوووووي ........
السلام عليكم والله انج عورتي قلبي حبيبتي نصيحتي لج لا تتصرفين بتهور طنشي الموضوع ولا كأنج سمعتي شي واتصرفي كانج توه مالجه اليوم حاولي تعرفين شو هي الطبايع اللي يحبها فيج -وزيديها والطبايع اللي مايحبها ودريها هذا حاليا اما اذا بغينا نحل المشكله من الاساس فاللي ابيه منج انج توضحين لي شو تقصدين ان يبي من (بنات اول)؟؟؟؟؟؟؟؟؟؟ ولي عوده ان شاء الله
اللي اقصد حبيبتي ام شويخ انه يبي وحده بس تطيعه بكل شي يعني ما تتخذ قرار ابدا بس تنفذ من غير مجاااادله بالعربي وحده شخصيتها ضعيفه حيل وهو نوعيته صعب التفاااهم معااه وايد لاني حاوولت والله حاولت بس مليييييييت للصبر حدوود والله وانا انفجرت .......
الله يهديلج زوجك غصبن عليه انشاء الله أكيد زوجج يبي يفرض نفسه ويمشي كلامه عليج وأكيد أهله وربعه يعطونه دروس ويشيشونه وأنتو توكم متزوجين أهم شي أنصحج فيه لا تردين عليه وأهو معصب اسكتي عنه خليه يهاوش ويهدد وانتي امسكي نفسج حاولي قد ما تقدرين تمسكين أعصابج ازعلي عليه حقريه لا تحاجينه لأنه يبيج تردين فلما يشوفج سكتي عنه كذا مره يستسخف نفسه ويستحي وسوي نفسج مسكينه مو نسره وعوبه وخليج زينه بعلاقتج مع أهله وأمه لا تعادين أحد ولا تشتكين لهم منه كل ما تكتمتي كان أحسن وكلي أمرج لله وأقري أذكار الصباح والمساء والله يوفقج وتدعين لنا توج بأول المشوار سنةأولي
الله يسخره لج والبنات كفوا ووفوا بالرد ام سالفة الطلاق شيليها من راسج قعدي عنده معززه مكرمه ببيتج ولا يقولون لج مطلقه وربي وياج
اها الحين فهمت عليج لان في بعضهم يحبها مثل حريم قبل حتى في اللبس والتصرفات انزين برد لموضوعج شو فيها اذا كنت مطيعه له في كل شي (الامعصية الله) ويا اختي سوي عمرج غبيه في بعض الامور وحتى لما ياخذ رايج في شي قولي له؛ ما ادري لانك ماشاء الله عليك احسن عني حسسيه انه واحد فاهم علشان ما يحس انج اكبر منه وافهم عنه وكلام الخوات اللي بعدي وايد حلو وانا ما بحط في ذمتي واقول اهله وربعه يلعبون براسه لان اذا هو مرتاح منج ومقتنع فيج محد راح يأثر فيه حبيبتي اكسبيه وكوني حنونه وياه ويا اهله لي عودة باذن الله
حبيبيي بما اني مو متزوجه بس فاهمه بالحياه <<شفيها الاخت انا رايي من راي ام شويخ اهو حاس بنقص من جذي تدرين ليش ؟؟ لان انتي اكبر منه اهو جم عمره ؟ وحاط فباله انج اتعرفين الدنيا اكثر وعشان جذي مو مغتنع برجولته وانا يقدر يسطر عليج يقول اكيد اهي تفكر وتعرف ومن هالحجي وانه يبي يتزوج واذا تزوج بيخذ وحده صغيره اصغر منه على ان اهو بيربيها فهمتي احنا الرجال عندنا بالكويت و بالخليج الكبيره يحسها فاهما كل شي وتعرف اصغيره وكبيره اما البنت اللصغيره اللي اصغر منه مو فاهمه شي بدنيا مع ان العكس صحيح الحين البنات الصغاار يفهمون اكثر من الكباار اللي ابيه منج الحين تسوينه لاتروحين زوارتج قعدي بالبيت سوري بدخل شوي بخصوصياتج :$ واذا عليج الدووره عادي كشخي جنج رايحه عرس من رااسج لي ساسج بصراحه انا ما اعرف بال .... بس اتوقع اكو طرق كثيره مو شرط يعني تكون عليج الدوره ما .... اتوقع فهمتي :$ يعني لمه يوصل البيت قولي قلبي تبي اكل تبي عشى شرايك نطلع اي شي يعني انتي انسي سالفه انه بيتزوج وانه بيطلقج وانه وانه وانه الخ يعني خليج وحده جديد ولا بغى منج شي فهي تغيبي تنحي بالسالفه قولي شلون ماعرفت ما فهمت تغيبي اكثر يعني غبيه مو فاهمه خليه اهو يعلمج شنو هذا شحقه ليش يعني غبااااء حد الدعسه على قولتهم اهني عااد اهوو راح يستاانس انج انتي اللي تبينه اهو يعلمج لانج مو فاهمه شي وراح يستاانس لان الرجال بطبه يحب السيطره ويحب يكون اهو بس اللي يعرف بدنيا كلها وانتي ما تعرفين شي عطيه على هواء جربي وشوفي واي شي انا حااظره ادري بتستغربين من حجي وتفكير وانا مو متزوجه بس انا خواتي ورفيجاتي وبنات خلتي كلهم متزوجين بس انا العانس هههههه يمه اسم الله علي توني صغيره :$ والدنيا تعلم اشوف مشكلهم اتعلم اكثر واكثر ربي يوفقج يارب ويهديه ويصلهحه لج يااارب وابيج تدعين ربي يعطيني اللي بالي ياارب
حبيبتي مثل ماقالت ام شويخ خلج غبيه بشغلات قوليله الطوع طوعك ومن هالحجي خليه يحس انه سي السيد صدقيني بترتاحين اهو عباله بهالطريقه انه اهو الي متحكم بس العكس انتي تحسسينه بشي مو موجود فبيقولج والله ياحبيبتي خل نفكر والانجرب والا اي شي بس يكون القرار متشارك منكم الاثنين اما سالفه الزواج صدقيني حجي رياييل هالايام مايقدرون يفتحون بيت هالمره بيتين
حبيبتي شيلي من بالج الطلاق وانتم توكم متزوجين اصبرررري ^الله يعينج ويفرجها لج ان شاء الله تقربي من ربج قومي الليل وادعي ان الله يسخره لج ويهديه واستغفري ربج الف مرره
والله ياحياتي الله يعينج اصبري واعرف ناس جربوا الزواج مره ثانيه واندموا ورجعوا للاولى واذا قالج بتزوج قولي له الله معاك وخلي اعصابج بارده جدامه
بناااات بليز افهمووونــي امس سايسته والحمدلله تقبل هالشي بس المشكله مو جذي زوجي صغير بالعمر حيل وانا انصدمت توقعته اصغر بسنتين مني وما توقعت عمره جذي قبل ما اخذه عمره 20 يعني للحين ماكمل 21 واهو الحين مطالب بفلووس ويبيني ابيع ذهبي وانا بيني وبينكم مابي لاني خاايفه وموحاسه بالامان معااه شلوون اثق فيه وابيع ذهبي على انسان دايما كلمة الطلاق ع لسانه ولا يبي يتزوج بعد بس ينطر يكمل 21 وياخذ قرض والحين انا حاسه انه يساايسني عشان ينطر الفلوس تجيه ع شهر 7 اهو بين لي اليوم هالشي وربي حسيته من نظرته تخووف قلت بقلبي نااوي خلاص ع الزواج انا مو بيدي شي بس والله تعبت شلون اساعده وانا مو واثقه فيه وهو يقولي انتي ما ساعدتيني ولا وقفت معااي قلتله انزين وين ابووك وماعليه قاصر عنده فلوس خله يساعدك يقوولي ابووي انا ما اخذ منه فلووس انتي ليش ماتساعديني عشان جذي انا افكر بزواج تصووروا يا بنات هالكلام صار اليوم ولحد الحين انا مشووشه مدري شسووي والله تعبت تعبت حيل قوولولي شنو اسوووي ....
حبيبتي في بداية الحياة الزوجية تكثر المشاكل بس بعد فترة تهدى الامور وتتأقلمون مع بعض بالنسبة لي انصحج لا تزعلين ولا تبينين انج متضايقه من زواجه الثاني اعتقد يحرج او حاس انها نقطة الضعف عندج عشان جذي قاعد يلعب باعصابج وبالنسبة للذهب حبيبتي ساعدية ويمكن تكبرين بعينه وراح يعوضج باحسن منهم انشالله واذا كانت نيته يطلقج ففوضي امرج لربج اهو احق من الناس انج تلجئين له,,ومالج غير الصبر والله يكون بعون الجميع
صراحة انصدمت توكم من جم شهر متزوجين ويفكر يتزوج !!!!!!!! بس الي اقدر اقولة الله يهدية لج ويسخرة لج وانشالله مايتزوج عليج وربي يريح قلبج ويسعدج
تسلمووووووون حبايبي وماقصرتو ع نصايحكم الحمدلله الامور الحين احسه هدت عن اوول واهو احسه بدا يتغير شووي .......
حياتي قالوها أول تمسكني لين أتمكنين يعني لين الله يرزقج باعيال وبعدين تسوين اللي تبين فيه لأن مهما يصير ينفعونج انشالله اعيالج والرجال بالطقاق الله يعز الحكومة توفر لج كل شي وتاخذ حقج منه
