مرحبا الله يقومكم بالسلامه بقولكم شي انا يايبه 3 عيالوكلهم قيصريه وورى بعض يعني الاول عمره 10 شهور احمل بالثاني والثانيه عمرها 10 شهور حملت بالثاث وكاهم اسم عليهم الرحمن شنو هالخرابيط العمليه ماتحمل والجرح مايبرى كله كلام فاضي يقولج يستحسن تقعدين سنتين وببنوتي الثانيه لمه حملت نطر يومين بالطلق عادي عمليتي منفتحت ولا شي بس نزلوني قيصريه لان الرحم مافتح بس معروفه اللي تولد اول اثنين قيصريه خلاص الولدات الباجيه كلها قيصريه بس اذا الاولى طبيعيه والثانيه قيصريه لاء تقدرين تولدين طبيعي والعكس بعد واسفه عالاطاله
بنات انا رحت العدان ودخلت على دكتور قال لي راح انولدج طبيعي وان شاء لله ماتنفتح العمليه لان قاله احتمال فتحها 1 /100 بس وش رايكم ؟ والشي الثاني ابي اسال منو جرب ولادت العدان حلوه وهل ابره الظهر غير عن ابرة التخدير ؟
توه قبل أسبوعين مرة حمى إختى ولدت بالعدان طبيعي وتمدحهم تقول عطوها إبره بالظهر وماحست بشي الله يسهل عليج وتقومين بالسلامه إن شاء الله
لله يجزاج خير يا ام عمر وانا اليوم مراجعتي وبصراحه قالي الدكتور تبين طبيعي ولا قيصري وقال ترى كثير من الحريم نفسك ولدو طبيعي وانا قلت له توكل على لله وابي طبيعي تكفون بنات ادعولي ان لله يسهل ولادتي لان يمكن اضرر منها دعائكم لي لله يجزاكم خير
زوجة اخوي حملت الاولى قيصريه والثاني والثالث طبيعي لكن على حسب الجنين يعني ان كان عندك ضيق في الحوض بتكون كل ولاداتك قيصريه اما ان كان فيه مشكله في الجنين ان شاء الله ماتتكرر
اختي اولدت في بنتها اول شي قيصريه واحملت على طول بعدها في ست شهوور بولدها وجابته طبيعي ادعي ربج واكثري استغفاااار وربي يسهل عليييج
