الله يشفيه ويعافيه اولا للحفا راح اعطيش طريقتين وان شاء الله تنفع معش وحده منهم 1-دهني مكان الحفا بفزلين طبي مومعطر وكتي عليه نشا حق الاكل مال الذره 2-فيه بمذركير كريم اسمه سودو حلو حيييييييييييييل ثانيا للاسهال 1- شفتي الماي اللي تحطينه بالرضاعه عشان تسوين له حليب حطي بداله شاي ((جيبي قلاص وحطي فيه ماي حاااااار وحطي فيه وحده ورقه لبتون علاق وخليه يفتر شوي وحطيه بالرضاعه مثل ماتسوين له حليب بس بدال الماي شاي )) وبشريني عنه والله يوفقش
هلا أختي . . . ما يشوف شر . . . وديه الطبيب علشان تعرفين سبب الاسهال تسنين والا نزلة معوية . . . والاخت نجود ما قصرت بالنسبة للالتهاب . . . وحاولي تهوين المنطقة وتنشفينها عدل وبرقة علشان ما تعورينه . . .
الله يعينج مثل حالت ولدي بعد بس كريم سودو حلوو وفي بالصدليات بعد .... بس الصراحه مانفع حق ولدي حيل ودي الجلديه ترى قبل استخدمت الدوا الازرق مال الجروح والله الحمدالله الحفا راح بس انه يدمر ويعفس وبنسبه للاسهال والترجيع علي حسب عمره اذا كان تو صغير حطيله تقريبا اربع ارقام سفن بس لاتخلين فيها غازات وحطي شوى عصير لميون وبعد اخذي العيش المصرى وغسليه عدل وبعدين فوحيه شوي بماى وماى العيش شربيه ولدج وانشالله يوفق الله يشافيه
احلى شي للحفاظ كريم ميبو بس الله يعينج على ريحته وللاسهال حليب نوفيلاك بالجمعيه بكرتونه خضرا من اول او ثاني رضعه يوقف لسهال وبشرط توقفين حليبه اللي تعطينه هذا كلام سعاد البصيري دكتورة الاطفال
مشكورة لرددودكم بس ميبو مال حروق عادي احطة وسودو كريم استخدمة بس مانفع وبجرب الشاي والعيش مشكورين واعطي سفن
حبيبتي للاسهال ماي العيش او كروية قفشتين بقلاص ماي حار وشوية سكر نبات وبعدين يبرد وعطيه اما الحفاض كريم ميبو واذا ما نفع في كريم داكترين بسرعة مفعوله قوي اما سدو كريم خفيف ما ينفع خليه لايام العادية
اختي وديه للطبيب لازم يعطيه مغذي وتركيبه للاسهال تستمرين عليها اسبوع وعقب ترجعينه للحليب اما بالنسبه للحفاظ استخدمي زيت زيتون ونشا واذا راح خليج على كريم سيباميد للحفاظ عجيييييييب
الله يشفيه يارب اختي اخذي نصيحتي والبنات ماقصرو وراح تدعيلي كل عائلتنا عليها وهي تسوين خليط كريم من النشاء وزيت زيتون الاصلي ودهني المنطقه وكثري النشاء بكل تغيير واحرص لايكون المكان رطب نشفيه عدل والله يشفيه يارب دعواتكم
للحفا كريم اليكا و تخلطين معاه ميبو والله سحر يوخر حتى الاثر..اما الاسهال اخذيله تركيبه من الصيدليه واخذيله بعد محلول مغذي بطعم البرتقال عشان مايصير فيه جفاف لان الجفاف هو اللي يخلي جبده تلوع ويرجع...
هلا حياتي اول شي الله يشفي وليدج واولاد المسلمين يارب000 للحفاظ نشا الذره تنشف الجروح اللي تصير سبب الاسهال وتبرد عليه وخلي المنطقه تتهواااااا واذا بغيتي تغسلينه من تحت بغسول من الصيدليه للجلد الحساس مو بصابون عادي لانه يزيد ماينقص الحمار من تحت00 واسلقيله بطاطه مع روب او عيش مشخول مع روب وفيه دوا بالصيدليه اسمه كابتين رووووووووعه شويه عليه الله يجزاها خير مرت اخوي قالت لي عليه من ثاني مره تشربينه يخف الاسهال معاه0000 الله يشفيه000
