شنطة السفر

مرحبا
ياليت كل وحده سافرت مع زوجها تكتب لنا شنو اهم الشغلات اللي حطتها بشنطة السفر

كل اللي دشواااا و ما في رد ؟؟؟؟؟ افااااااااااا

السلام عليكم حبيبه شوفي أولا ملابس للطلعه ناعمه وخفيفه يعني ماله داعي البهرجه او الاكسسوارات لانج امسافره وما تبين تلفتين انتباه اللصوص بكشختج
ثانيا بيجامات وشغل دلع
ثالثا شاي ونسكافيه وغلايه وسكر أكياس واكواب وملاعق وصحون بلاستيك وبساكيت ومكسرات لزوم التسلي تالي الليل
رابعا اوتي خفيف وابره وخيط ومقص
خامسا بنادول ودوا فوار حق المعده عشان التدخل السريع عشان اذا اغتث ابو الشباب
وهذا اللي اتذكره الحين

مشكووووووووووووووووووره حبيبتي على الرد

انا متعتي احط جنطة السفر خصوصا سفر السيارة وناسة اول شي اجهز مطارة الشاي والقهوة وآخذ معاي صمون هوت دوج وكوب جبن واكواب بلاستيك والبنسبه للجنطة احط اول شي الإستشوار عشان العكاريش ما تنفش وبعدين نجي لأغراض الحمام طبعا كل شي نحطه وخصوصا الكير فري لا تنسينه عشان النظافة الشخصية والغسول بعد ما تضمنين الحمامات هناك ومكياج خفيف لا تجيبين عدة حنان دشتي<<<< هههههههه>>>> قمصان نوم كوووووووول وشورتات وتيشرتات حركات دلع اهم شي حطي بالجنطة سي دي موسيقى كلاسيك لليلة الرومانسية ولا تنسين اخذي معاج عز الله نعال للحمام ربل لأن حماماتهم ما فيها إلا نعال الفوطة <<< طولت عليج وان شاء الله استفدتي من معلوماتي القيمة <<<< شايفه نفسي حيل >>> ههههههههههه

طيب ماحددتي سفرك بالسيارة والا بالطيارة
وبالنسبة للشنطة>>>>الملابس على حسب الأيام و لبسك "اقصد عباية والا بدلات"ولاتكثرين من الملابس
لاتنسين الاستشوار /نعال الحمام عزك الله /علاقات ملابس اخذي معك5 على الأقل/مناديل تعقيم/ابرة وخيوط ملونة/مكسرات/اخذي معك شرشف مع كيس مخادهم عدد2 للتبديل وانظف لك/فوط صحية/سجادة الصلاة/بنادول/كريم ألفاكورت للحساسية ضد القارص/وأهم شي المرة
اتمنى اكون أفدتك

هلا حبيبتي انا باسافر بالطياره وهذي اول مره مع زوجي ومحتااااااااااااجه خبرتكم
وكل اللي ردوا يعطيكم العافيه

عشان ماتنسين يبي ورقة وقلم وكلمي نفسج وسجلي p:

قعدت من النوم شنو ابي ؟؟ فرشة ومعجون وغسول و و و
بطلع مع ريلي شنو ابي؟؟ ملابس و جواتي وجناط و و و
بقعد معاه بالفندق شنو ابي شورتات وفساتين بسيطة وشبابيص وشسوار ووو
بسهر معاه شنو ابي؟؟ قمصان نوم وكريمات وميكب وعطور و و و
ولاتنسين الطوارىء بندول وغيره

هذي لان اول مرة بعدين بتحفظين شنو تحتاجين ..

هذي طريقتي

حبيبتي جهزي علب بلاستك وحطي فيها هيل وقهوة وشاي وسكر وجهزي حليب سائل واعشاب للغازات ومطارات للقهوة وحطيها كلها في جنطة بروحها وحطي في الجنطة الثانية استشوار وملابس داخلية وبجامات وملابس للطلعة وكيرفري وصابون وشامبو وفرشاة ومعجون وكريم مرطب للجسم وشنطة مكياج وعلبة مقراض وفوطه وجنطة ثالثة حطي فيها الجواتي .
بصراحه ه>ا اللي اذكره وشكرا​

حبيبتي
اهم شي تكتبين اللي راح تحتاجينه بورقه وتحطينها على التسريحه وكل ما ذكرتي شي بسرعه سجليه قبل لا تنسين
انا احط جنطه صغيره فيها تشكيلة ادوية (بندول - حبوب للإسهال والترجيع - قطرة للإذن - ادول شراب اذا وياج اطفال - بلاستر جم حبه - مسكن اذا حاشج عوار اسنان ...)
شمسية اذا دولة بارده
لا تنسين لبس السباحه
ملابس على نص عدد الأيام يعني اذا سقرتج 14 يوم حطي 7 بدل
ولا تنسين جنطه صغيره مكياج وحماية من الشمس
فوط قديمه عشان تقطينهم هناك
بيجامات قديمه عشان تقطينهم هناك
طبعا انتي لج حرية الإختيار
بس انا احب اخذ القديم عشان اقط واخفف الجنطه بالرده
واذا كنت بروحج ويا زوجج لا تنسين اهم شي طبعا القمصان نووووووووووووووووووووووووووووووم
واي شي تبين انا حاضره
واسفة طولت عليج

مشكوووووووره حبيبتي عالرد

أختي والله موضوعج فادني شكرا لج ولكل اللي دشو وفادونه بمداخلاتهم