مع او ضد؟؟؟والله يخليكم بدون تجريييييييييييح

السالم عليكم كتبلي القدر ان احب شاب من غير جنسيتي وهو سوري الجنسيه ...ناس كثيييييييييير باركتلي وناس كثيييييييييير انتقدتني ...فما رأيكم انتم بزواج الكويتيه من غير الكويتي ؟؟وشنو مضارها على الاولاد؟؟؟وتتوقعون راح يطبقون قرار حقوق زواج الكويتيه من اجنبي ؟؟شاركوني رايكم بس تكفى من دون تجرييييييييييييح

بنات اشدعوه محد رد وشاركني ؟

هلا أختي . . .

لاتظلمين نفسج ولا اطفالج بمثل هالزواج . . .

3ارباع الزلمات اللي بالكويت يبون هالكويتيات زواج مصلحة . . .

حبيبتي الدنيا مو بس حب في حب لا في واقع وفيه مصاريف والتزامات انتي بتحملينها بروحج واهو بيعش ع

ظهرج . . .

يمكن كلامي قاسي لكن احب اصحيج بكم كلمة . . .

زوجي شكثر يعرف مصايب هالزلمات مع بنات الكويت !!

وقريبا بكتب شغلات عن سوالفهم في قسم القضايا الاجتماعية -إن شاء الله- . . .

اهم شي تفكرين بعقلج واتركي هالعواطف اللي بتوديج ورى الشمس . . .

الحين كويتي وكويتية وموظفين وويالله مشين نفسهم في الحياة فما بالج عاد بوضعج !!

وإلا بيوديج سوريا تعيشين بقريته ؟!!

وإلا بيت اهله ؟!!

والا بتكفلينه ويعيش وياج ع طووول في الكويت ؟!!

انتبهي لنفسج من بياعين الحجي . . .

مشكووورة يا يقلبي يا ام عبدالله على نصيحتج

الله يوفقك ياقلبووو مع الانسان اللي يسعدك وهذي حريه شخصيه واكيد انتي بتشوفين اللي تمام لك

تسلمين يانهوانا المشكله القلب يقول شي والعقل يقول شي بس بصراحه القلب والعشرة غالبين العقل

ضد حطي قلبك شوي على جنب وفكري بعقلك
مستقبل عيالك شلون بيصير ؟
شوفي حاله البدون تعور القلب..
منو بيصرف على الثاني انتي ولا هو؟
اساله فكري فيها قبل لاتندمين بقرار اخذتيه بلحظه حب..

أنا مع أم عبدالله وكلامها عين العقل

ام عبدالله كفت ووفت
معاها بكل حرف إكتبته

مع ام عبدالله لانه كل كلمه قالتهااااااا كنت بقولهاااااا لج والله الحين مافي حب الا من رحم الله في مصلحه وطمع 00

واهم شي اعيالج شنو ودج يكونون احسن شي بالعالم صح واحلى تعليم واحلى لبس واحلى كلام ولا تبين بكره عيال لاتعليم عدل ولا شي والعيشه صعبه والدنيا غاليه الحين وبس انتي راح تصرفين وهو شنو بيبيع رقي بالشارع ولا بنك ولا يفر بسياره الايس كريم بالشارع اسفه مو قصدي انه اجرح احد بس هذا الواقع000

احنا كويتين والمعاش مايكفي لي نص الشهر شلون انتي بروحج بكره بتصرفين او حتى لو هو بيصرف بس كم معاشه بيكون 100 دينار 150 200 دينار شنووووووووووو بيكفي ندخل الجمعيه ونطلع باكثر من هالمبالغ الدنييااااااا صايره غاليه فكري بنفسج وبيعيالج وبأهلج 0000

الله يوفقج ان شاء الله0000

ضد وبقوووووووووووووووووووووه ..

واذا تنطرين الاعضااء بيطلعوون حقووق للي متزوجاات من غير كويتيه انسي ماعندهم غير

الكلاام الفااضي اللي ماله لزمه ودغدغة مشاااعر الشعب ..

وكلام اختي ام عبدالله عيـــــــــــــــــــــن العقــــــــــــــــــــــــــــــــل

آنا ضد وبشده بعد

والله اني احس كلنا حسبة خوات ولاوحده تتعمد تجرح او تكون خبيثه وتنصح غلط عشان توهقج
حبيبتي لو ماتهمينا مادخلنا وعلقنا على الموضوع او ع.الاقل تطمشنا وطلعنا

بس ترى اللي قاعد تسوينه غلط وهذي خطوه فاشله راح تحطمج وتخسرج بعدين اشياء كثيره ماترد!!

وانت براحتج بس كوني على يقين انج راح تتحسفين
وانا انصحج تاخذين تجارب البنات اللي مروا بهالشي احسن
بس اتمنى الله يرزقج بوحده نصوح وقلبها ابيض ولسانها صادق
مو وحده فاشله ومتألمه ومطعونه وتبي كل البنات نفسها!!

المهم الله يكتب لج الخير وين ماكان حياتي

مشكورة يا قسوة زمن على مرورج

اكيد ضد
لان الحب مو كل شي بهالدنيا ولاتخلين قلبج يحدد مستقبلج صدقيني راح تندمين لو تزوجتي
غير كويتي لا مستقبل لج ولا لعيالج
وصدقيني الحب الحقيقي هو اللي بعد الزواج

ابيج تسألينه اشرايك انعيش في سوريا وشوفي رد فعله

استخيري يمكن صج يحبج والحب الحقيقي ماله خص بالماديات

انا سالته اذا نروح نعيش بسوريا قالي نخليها حق الظروف بس اهو عايش بالكويت مواليد الكويت ويحب الكويت وانا متأكدة انه يحبني وماله بالمادة اهمه عندهم خير ماشالله وبسجل بيت بإسمي بسوريا وقالي المهر إلي تبين مادري

انا مع ام عبدالله

أنا مع ام عبدالله

كفت ووفت..

انا مع أم عبدالله كفت ووفت..

خلي قلبج على جنب ..وفكري بالمستقبل وشلووون بتكون حياتج وحياة عيااالج ..