انا ولدت بمستشفى الراشد عند الدكتوره يوليانا بس انا رحت مستعجله ما انتظرت لين يحمي الطلق ودخلتني وحطتلي طلقيين صناعيات وولدتني بس بعد الولاده اكتشفت ان فيني بربيش معلق سألت الدكتوره قالتلي صار معاج نزيف وخيطنا الرحم من داخل هذا كله من الطلق الصناعي *نصيحه اللي تبي تولد لاتروح اللى وهي واصله والطلق حامي والمستشفى وايد رعايتهم حلوه والسسترات طيبات بس مثل ماقالت اختي اللي قبلي الغرف عندهم صغيره والله يسهل عليكم
هاى انا اخر الثامن انشالله بولد بالراشد صراحه حلوووووووو بذمتى موطبيعى تنامين وتقومين وانتى تضحكين وتقولين والله ولدت لا موصج انا بنتى البجر بالجهرا عمليه لانها على رجولها واول الثامن والماي شويه وولدى الثانى طبيعى بالراشد عند نصر هيبه وانشالله هالمره وانا مغمضه بالرااااااااشد شتبون بالمنظر الغرفه اهم شى الراحه بحزت الطلق ههههههه ماراح يهمكم المنظر الولاده 305 والمستشفى بالسالميه واللى تبى دكتوره تولدها ايفا يمدحونها مرت اخوى وبنات عمى وانا قلت اللى بذمتى والحين طاور المستشفى الدكتور نفسيه تجنن كأنه يكلم طفله يدلع والسسترات يمسحون على راسج ويضحكون بوجهج وكلامهم حلو وحتى دكتوره عليج لما تولدين متابعتج ...... والله يسهل على وعليكم ويرزق كل محرووومه
الله يتمم عليج ويسهل عليج الولاده شاكرتلج لكتابة تجربتج لنا ياقلبي بس بغيت أسألج صج مستشفى الراشد مايدخلون احد معاج بغرفة الولاده؟؟؟
مشكوووره اخت اهات على هالموضوع انا لي الحين ماولدت وهذا البجر بس محتاره وين اولد يا الراشد أو الهادي شرايكم ؟؟؟؟
هلا ارتال الله يتمم عليج ان شالله بالنسبه لي الهادي احسن معنه هم الراشد يمدحونه انتي شوفي اللي يريحج بالنسبه للدكاكتره والراحه النفسيه ومن ناحية الخبره والغرف الخ عرفتي
اهات الليل لون خطج يعور العين موواضح وايد انا كل ولاداتي بالموااساة ولا افكر اغير المستشفى كلش اهتمام نظافه سسترات بشوشين وحنونين حتى الحمام يدشون معاج ويحنون عليج ترضعين طبيعي ونظاااااااااااااااااااااافه
خوووووووش موضوع قريت كل الردود واكثر شي اللي مادحينهم المواساه والراشد عاد انا كنت مفكره في الراشد او لندن بس هم خايفه من لندن بس اختي اهات انتي اكثر وحده تمدح لندن حتى في المنتدى الثاني
هلا مسحووووووووووووره ايه والله صاجهلانهم ماقصروا معاي والله وصج صج ارتحتلهم ولا ريلي قالي ربولدج بالسلام لان ابحمالي الاول ولدت بالسلام قلتله مابي ابي اللي يريحني الصراحه واللي ريحني مستشفى لندن يلا كلهاا 3شهور واولد عندهم
حلووووووو يعني تولدين قبلي اماااااااانه قوليلي قصه ولادتج الثانيه لاني ناويه اولد عندهم على شهر 12 ان شاء الله
قصة ولادتي الثانيه الله يسلمج قبلها طبعا10ايام بمستشفى الفروانيه لان الماي قليل على بنتي وانا فقر دم واهي ضعيفونه وماتتحرك وايد قالولي تموت اذا ماودتي الحين يعني نفسيتي تازمت وايد الصراحه فقردم ونفسيتي تعبانه ومن هالحجي طلعت على مسؤليتي ماقدرت اتحمل اقعد اكثر بالفروانيه اكلهم مستحيل اكله وحماماتهم وصخه مافي اهتمام بس الدكاتره يهبلون يتابعون حالتي وايد قاموا فيني المهم اخر مراجعه لي بالفروانيه عقب ماطلعت على مسؤليتي قالو الحين ولاده@@يمممه قلت ع وني ورقه بولد بمستشفى لندن وعطوني ريت البيت زهبت ملابسي انا والبنوته اليايه بالطريج وتسبحت ونشفت شعري طبعا قبلها مفتوحه سانتي ونص بس بالبيت المهم وريلي وداه بنتي لامي رحت المستشفى قلت ابي ايفا او سوفيت لان ثنتينهم يمدحونهم وصفيت على ايفا سولي سونار وقالو لازم ولاده فحصتني داخلي وجذي دخلوني طبعا الساعه تقريبا فوق ال10بليل صعدوني الغرفه خذوا مني دم سولي تحاليل ودرو فيني فقر دم قوي فقالتلي ضروري احد من اخوانج او خواتج يتبرعلج بالدم الحين وعاد دقيت على اخوي وراح بنك الدم وتبرع وعاد بدلوه مادري شسسو المهم جهزولي جياس الدم الف الحمدالله حطولي تخطيط للبيبي والدكتوره قالتلي نامي وايلج 4الفير واحطلج تحميله قلت اوكي قعدت اسولف مع امي بالتلفون وريلي وطار الوقت راح بدل ورجع صارت 4الفير عطوني تحميله بس ماتعورني وايد انفتحت من ال4لي ال11جنه سانتي زياده بس طبعا عوار خفيف وقعد اقضي الوقت بالتلفون مع امي قبل 11الصبح ريلي قال ببدل مره ثانيه بلبس دشداشه وارد هني يتني الدكتوره@@حطولي الحقنه الشرجيه ههههههههه فضيت بطني والله تذكرتها الحين بطني عورني خخخخخخخخخخخ المهم ودوني غرفة الولاده وبدت الصجيه اااااااااااااااااااااااه انا بروحي اخاف الصراحه عطوني طلق صناعي عذاب والله بس اللي خفف العوار الكمام مالهم يهبل يهبل قوي المهم ابجي ابي زوجي والسسترات بعد عمري فديتهم اللي خنقتها العبره واللي تمسح على راسي ومايخلوني اصارخ يصبروني الكمام خدرني بس انا من خوفي لاني بروحي اقط الكمام فتعبت حييييييييييييييل ويدقون على زوجي واكلمه وابجي تعالب ابي اموت تعال بسرعه خخخخخ ودقوا على امي بعد ويوم قلتلها يمه بموت اهي تبجي وانا ابجي يولي خلاص لاتبجين ويمسحون على راسي يه زوجي وعاد مسكلي الكمام بعد عمري لان ايدي تشنجت لاني ضعيفه حيييل ههههههههههههه ولا ماسك الكاميرا ويصورني وانا ابجي واهلوس كان سهران يت خالتي يعني بتكحلها عمتها هههههههه صارلها نزيف وقامت ترجع ههههههه يت مرت حماي بعد وتصبرني ريلي يروح يريح ويردلي قبل لايروح ارجف خخخخخخخخ مادري ليش اقوله خلك عندي ابيك بس اهو مستحي من اللي عندي اخر وعاد هني تعبت شوي لان ابي ريلي مابيهم هههههه اقط الكمام وجذي تعبت قلت لريلي خلاص ابي ابرة ظهر لاااا لااا ابي قيصريه قال اللي تبينه يصير قيصريه قلتله لاااااااااااا ابرة ظهر وخذيتها قبل لا اولد بساعه ونص دكتورة التخدير مصريه تهبل وهااا ترى بين فتره وفتره الدكتوره تطل علي يمكن 6مرات مونفس بالسلام بس مرتين اول مره يوم عطوني طلق وثاني مره لما وصلت 10 سانتي المهم خذيتها وهني بطيتها سوالف معاهم وضحك والسسترات ياعمري اللي تبوسني واللي تمسح علي ويقولون شكلج ياهل صغيره واسولف ليما وصلت 10 سانتي ويت الدكتوره وقالو بش بش اانا ادز وادز ليما طلعت فطومه ربي يحفظهافيني بجيه الحين ههههههههههه لان كل شي مصورته عندي فيديو المهم حطوها على صدري وشفتها لما يقصون الحبل السري ولما يقيسون وزنها وابجي والمها وابوسها كنت واعيه مونفس السلام نوموني ماحسيت ابنتي الاولى لابطلعتها ولا بشوفتها بس بستها ونمت والله الدكتوره تهبل والسسترات عسل ملائكة الرحمه يبوسوني عقب ماولدت وخلصت هههههههههه والغرف تهبل واسعارهم حييييييييييل حلوه بس عيبهم الوحيد تكيييفهم حااااااااااار بس ايه ص نسيت اقولج عقب ماولدت بساعتين صارلي نزيف حااااااااااااااااااد من فقر الدم ونقص اكسجين والدكاتره ركض علي والسسترات يركبولي اكسجين وجياس الدم والدكتوره تدلك بطني مادري شتسوي ودخلت ايدها داخل هم مادري شتسوي مالقت شي وانا اسب اسب فيها وتقول مافي مشكله المهم يوقف دم سبي سبي خخخخخخخخ حرام لان بطني عورني واهي تدلكني والحمدالله وقفوا النزيف لاودوني حكومه ولا بطيخ كل ايوم ادعيلهم والله جان الحين ميته من هالنزيف الحمدالله على كل حال ولا كل شوي ادق عليهم اي ونت ماي بنتي ولا ابي ماي دوتر هههههههههه يعني مثقفه اذيتهم اخر شي انشلت بنتي مو نشله لاا بس خشمها حمر قالولي منج كل شوي ياصعودها يانزلوها هههههههقلتلهم ايه والله صاجين وفحصوها 7فحوصات الواحد بدينار والله رعايه واهتمام ونظافه وخياط يهبل يهبل وماتخافين على نفسج عندهم لان يعرفون شيسون لاصار ماصار والله ترى كل هالسالفه شهر 7اللي طافيعني جم يوم وتصير على السالفه سنه مابقا شي واولد عندهمبشهر 10 ايه صج طلع علي ب313 بس وطلبت سرير اضافي وابرة ظهر واللي سوووه كله بس ب313ياحلو اسعارهم
