يومياتي مع رجيم د بدر النصر الله من....الى...!!!

هللو يا بنات
انا كنت اراجع عند د بدر النصر الله من شهر 9 الى شهر واحد و نزلت وزني من 90 الى 70 بعدين وقفت و سافرت وايد و زاد وزني الحين الى 75 و نص و امس دقيت اخذت موعد و رحت ..
عرفني الدكتور و قالي زين كل هالشهور سفرات و اكل بس 5 كيلو بسرعة ينزلون
انا طبعا كنت متفقة معاه يوصلني 60 او 62 ...
لذلك انا بكتب يومياتي ابتداء من اليوم و ابي المشاركة و التشجيع من وخياتي و انا انزل لكم رجيماتي اذا تبون .
و ابي لما اخق و احس بالاحباط او الجوع ادش هني اتحلطم عشان تثبتوني لان الدرب طويل يا حبايب
طبعا زوجي العزيز اكبر مشجعيني لا انا ولا هو متان على فكرة انا طولي 180 ووني 75 وهو 190 ووزنة 89 بس المصاخة الزايدة ابي اصير منيكان .. المهم بيشاركني نفس الجدول عشان نضعف سوا و كل اثنين سينما و عشاء فري )) انا حابة انكم تشاركوني و تشجعوني و ما تخلوني و حابة استفيد من كلامكم و وصفاتكم اذا مليت و افيدكم برجيماتي و يمكن انزل و اشجعكم
ما اطول عليكم هذا الريم :
رجيم بدر للديتوكس :
قبل الدوام : حبة فاكهة
الضحى : 5 حبات مكسرات نيئة + 3 تمرات
الضحى: سلطة
الغداء : ربع دجاجة او ما يعادلها مشوي او مسلوق + سلطة
العصر : 3 تمر
المغرب : حبة فاكهة
العشاء :
اول يوم : شوربة بدون كريمة او شعرية او بطاط
ثاني يوم : سلطة
ثالث يوم : تبولة
رابع يوم : بيضة و سلطة
و يكرر
و يوم واحد بعد اسبوع وجبة فري
كل اثنين الميزان و الرجيم الجديد

الله يوفقج وتصير منيكان

يوه ماشاالله طويله ... يعني احسج بتطلعين عصلة لو وصلتي 60 خليج 66 بالكثير

ويااااااااااااااارب توصلين للوزن اللي تبيه انتي وزوجج

واللي نقص 20 كيلو ينقص ال5 الزايدين

ارادتج قوية ماشاالله

بالتوفيق يا قلبي

يارب تضعفين وتصيرين وأنا وياج منيكان أنا بعد وزني 59 وطولي 161

أبي أضعف بس من غير رجيم يعني أخفف بس مأبي

رجيم ولا أبي رياضه بس شلون :sad_smile: :sad_smile:

المتينة : اي طويلة كككككككككككك

خلاص عافك الخاطر : مالك الا حل واحد تنادين امك و اخوانك و توقفين لهم و يسوونك شاورما

متوهقة بعمرها : اجمعين يا رب و عساك ما شفتي الوهقة

يومياتي لليوم :
توني قعدت من النوم و الدكتور قالي اذا تاخرتي بالنوم حذفي وحدة من وجبات الضحى , الحين قاعدة اكل جريب فروتة و اشرب قهوة عربية .
و بعد شوي اخذ لي تمر و لوز او جوز
غداي صدر دجاجة مشوي + سلطة
العصر : 3 تمرات
المغرب : رقي
العشاء : شوربة للحين ما قررت شنو

ماشالله عليج
انشالله تستمرين وتضعفين وتحريني
انا وزني 75 وموقادره انزل ولا استمر برجيم كلش
حدي حدي
شهر واوقف الرجيم
عموما الله يوفقج يارب

عبير .. انا كنت نفسج لمدة 10 سنين و انا بضعف و كنت اسوي ذيك الرجيمات الصعبة : كيميائي .. بو 3 ايام .. بو اسبوع .. رجيم الشوربة .. اتكنز .. رجيم التفاح .. رجيم البيض .. رجيم الاناناس . كل اللي يخطر ببالك سويته يا اما انزل كيلوين ثلاث و اموت جوع و اخرب .. يا اما ما انزل اللي املوني فيه و اتحبط و اخرب .. و كل ما اك احس بتانيب الضمير و اكل اكثر !! لما استسلمت و قلت بسويها شوي شوي عشان ما احس بصعوبة او جوع حتى لو اضعف بسنة احسن من ما تمر السنين و انا مو قاعدة انزل لا قاعدة ازيد بعد !! الله وكيلج ما حسيت الا و الكيلوات شوي شوي تنزل فجاة قالي الدكتور تدرين ان باقي لج كيلو و تكملين عشرةكيلو نزول .. ما تحسين لانج عايشة عادي حتى ما كنت ادقق وايد اذا اتعزمت اكل الايدم و السلطة اللي موجودة حتى لو فيها مايونيز او الايدام مقلي لقول مرة بالاسبوع ما يضر بعدين شسوي يعني احبس روحي في بيتنا !!! عند اهلك تتشرطين بس عند حمولتج ما تقدرين .. و الله شوي شوي وصلت ال70 بعد ما كنت 90 و ال5 اللي رديتهم رديتهم ب 6 اشهر و نص .. و لاني كنت اكل بايدي و ريلي انا اقول بدي شوي شوي و انا موجودة اساعدك و اشجعك و اسولف معاك يوميا

بنات مت من الجووووع احس بكل ذرة دهن قاعدة تحترق لاني ميتة من الجوووووع
عموما قررت بسوي شوربة ربيان جربتها بتايلاند عجييييييييييبة كل ما اسويها لضيوفي تعجبهم و يطلبون الوصفة يم يم بعد شوي بروح النادي و لكن عندي سؤال هذا النظام الدكتور عادة يعطيه باول مراجعة للبنات و يقول لهم لا يسوون رياضة معاه عشان يعرف اشكثر ينقصون .. بس انا معطيني اياه بعد توقف عن الرجيم لمدة شهور هل العب رياضة و لا هم ما العب ولا شالسالفة ؟؟ مع العلم ان انا ما عطاني الديتوكس اول لاني بديت برمضان قوية مو ؟ رمضان و دايت !! : )

النجدة
اليوم عندي ناس جايين البيت ( خطاب لاختي ) و انا ناقعة بالمطبخ اسوي بهالحلويات و المجنات لما زاغ قلبي خرتها و كليت حبة بيتزا صغيرة :sad_smile: و الحين ابي الدعم عشان لا اروح اكل بعد و عشان لا جوا الضيوف ما اكل معاهم
شنو الحل .. الجوع امره سهل اكل رقي و خلاص بس المشتهى هو اللي يودر !!:mskket:

موديلو .. ازعل منج ؟

شربي ماي بارد يسد الشهية وقولي حق نفسج ان الاكل هذا اللي كله سكر وخميرة كله سموم

يعني اذا انتي كلتي شبتبقين حق الضيوف lol

شوفي انتي ماشاالله ماحرمتي نفسج اكلتي حبة خلاص عن خاطرج

تحسين بالجوع ولا بالندم اللي بعد الطفح

ترا انا مو مرة زينة بالتشجيع (ابدا )

بس قلبي عورني عليج

المتينة : ااااااااه خرته بايدي و ريلي ولكن هيهات يا انا يالمتن !!!! بعتبره شريكة تحاول تفرق بيني وبين زوجي : ) يا انا يا هالشريكة .. والله عاااااشت المتينة هي اللي تشجع :*
يختي غيري نك نيمج احس جني اسبج كككككككك

بناااااات اليوم وزنت ولله الحمد 73 يعني خوارة امس ما اثرت .. هياااااااااااااااااااااا
المهم انا توني قاعدة من النوم و تريقت برتقالة و قلاص شاي مع سكر سبلندا طبعا
اليوم غداي بورجر تيركي انا مسويته بالبيت عجييييييييييييييييييب احطة بالفرن مع صلصة خشخاش يم يم
العصر كالعادة رطب و المغربيات رق او جريب فروتة
و العشاء سلطة
اليوم بروح النادي اعوض خوارة امس و لاني امس ما رحت النادي بعد

افاااااااااااا وين التشجيع 95 مشاهدة و ما في رد ؟
بعد عمر يالمتينة و الله اللي تطل علي بطلتها البهية :*
المهم انا نزلت 2 ونص بيومين و زوجي اللي مو ملتزم 100% نزل 2

هاااااي
بنات على الاقل كلمة تشجيع اشصاير



عموما انا حبيت اقول اني اليوم ماشية عالصراط المستقيم :mskket: و الحين قاعدة اسوي العشاء بشرب ملوخية لبنانية ( اللي بدون سناسين كككككك:teeth_smile: ) و بيضة مقيوحة طبعا ميتة من الجوع كالعادة ..

بس الصراحة احساس حلو انك تحسين انك يوعانة و قاعدة تضعفين :wink_smile:

يلا بعملو معك شكلو ممتاز سلمت يداكي خيتو

شريهان حياج الله معاي و الله من قل التشجيع قاعدة اتحبط عفية ابي تهزيء اذا لخبطت : (
المهم اليوم تريقت تفاحة و شاي
الغداء راح يكون في بيت اهلي الله يستر
و الليلة بنروح المباركية انا و رفيجتي بس مو عشى بس هم الله يستر

موديلو : انا ماني مغيرة نكي الين اضعف

ابي احس بتأنيب ضمير شوي

كنوع من المشاركة خل اقولج شنو أكلت

فطرت صحن كورنفلكس (حليب قليل الدسم ) تغديت ملعقتين او 3 رز وقطعة كباب وتوني ماكله تمرتين ونص كوب حليب

والمفروووووص اني مااكل شي زيادة بس الله يستر