اسواق

اهلين بنوتات
ممكن تعلموني شنو اسواقكم الشعبيه الحلوه واللي فيها شغلات روعه
وكذلك مجمعاتكم مثل الافينوز وغيره ومواقعهم بالضبط
ومجمعات الجلابيات
واماكن الترفيه للاطفال
طلبتكم يابنات نسمة الشرررررررق هي ​

اولا حياج الله بديرتج الكويت حبيبتي والاسواق الشعبيه عندنا سوق المباركيه و سوق الدروازه بالسالميه و سوق الراشد واما المجمعات الافينيوز وسوق شرق و المارينا والفنار و تالا والصالحيه و الاماكن التفيهيه المدينه الترفيهيه و حديقه الشعب و ماجك بلانت بالافينيوز و طفل المستقبل بالدروازه هذا الي اذكره حاليا

مشكوره شيماء ويعطيك العافيه
بس ياليت لو وضحتي بالضبط وين اماكنهم
ووينكم يابنات الكووويت
افا هذا العشم فيكم:frown::frown:​

اهلا وسهلا عندج المهلب بحولي الفنار بالسالميه سوق شرق ومجمع جيان 360 على الدائري السادس سيتي سنتر بالسالميه وفي بالشويخ

حبيبتي الاسواق الشعبيه عندج :
المعلم بفحيحيل عجيييب-اوتاد بخيطان ونيس حتى في فوق العاب حق اليهال - ستي ستار بالري شحلاته ورخيص ويمه دريم مول حلو بعد
المجمعات :
الكوت/المنشر/اجيال/كويت ماجيك هذول بفحيحيل
مجمع 360 على الدائري السادس بجنوب السره
مجمع النقره/العثمان/المهلب هذول بحولي
الفنار/زهره/ليلى جاليري/سيتي سنتر (حلو حق اليهال) هذول بالسالميه
حمراءمول/العربيدبلازا/المغاتير/الاسواق الشعبيه /فاشن مل هذول بالفروانيه
اماكن ترفيهيه:
صالة التزلج/مجمع ديسكفري/سوق شرق/يوم البحار/كارتون نيتوورك هذول داخل الديره
الاكوابارك منتزه سباحه يم الابراج
وترى باغلب المجمعات تلقين العاب فوق
وحياااااااااااااااااااااااااااااااااااااكم الرحمن

ماقصرتي فرووووووحه جزاك الله خير
كيكه الله يعافيك ويوفقك بروح اسجل هالاماكن اللي قلت عنها وبزورها ان شاء الله
والكويت حلوهـ بااهلها

وينكم .

حياج في ديرتج الثانيه البنات كفو اوفوا بس نسوا الجلابيات الكويتيه الفروانيه العربيد
والمكياج سرداب ا لشايع بالمباركيه نتمنى لج اقامه طيبه

اعتقد ماقصروا البنات>>>واجازة سعيدة بإذن الله

الله يعافيكم ان شاء الله
ماقصرتوووا
الافينوز وين بالضبط داخل في الكويت ؟؟؟؟​

الافنيوز يا قلبي بالشويخ

حبيبتي الافنيوز صار اشهرررررررررررر مكان بالكويت
ونسيت اخطلج مجمع البيرق بالعقيله

لا عند الجوازاات هع اضحك معاج اكيد بالكويت ما يضيع كل الي بالكويت يدلة وعندج اشياء واااااااجد بالكويت شي يقطج علا شي
فديت الكووووووووووووووووووووووووويت انا

حياكم الله جلاليب العربيد بالفروانية وقبالة مجمع الخيمة غيرو اسمة مااذكرة في مطعم قيصر اسالي وفي بمجمع الصيفي دراريع وعبي حلوة مجمع الاوقاف محل بلقيس روعة واكثر الكويت مشاغل بكل منطقة وافكارهم حلوة ودايم يصير معارض فندق رمادا بالرقعي وموفنبك وغيرهم يجيبون اشياء حلوة عندج سوق شعبي الري الشويخ دريم مول وسطرتة كلها اسواق والامتياز الفروانية الموعد الشويش المعلم السالمية تحتارين عجيب سوق المناور بالفروانية حلو الحمرا مول والعربيد بلازا حلوين مجمع مغاتير الفروانية كلهم المثنى الايوب العثمان والاسواق شرق المارينا المهلب بحولي النقرة الشمالي والجنوبي حولي الصالحية الفنيوز عجيب ومطاعمهم حلوةزهرة ليلى جالري الفنار لاند مارك الالعاب والترفية الشعب مدينة الترفيهية الاكوابارك الاكواريوم الابراج ماجيك بلانيت حولي بارك وكل سوق في ترفية يوم البحار حديقة الحيوان هذا الي اذكرة واهم شي الجو الغائم المائل الحار ورشة غبار خفيفة تبط العين حياكم اللة

ياحلوها وحلو رشة الغبار اللي فيها

الله يهداكم بنات ليش ما ذكرتو المحااااااااااااااميد هذي اشهر من الافنيوز بتاعكو
بكل منطقة فرع ولا فرعين والملابس على دينار ودينار ونص الله يديم الرخص عمار ياكويت للللللللللللللللللللللووووووووش ابيه شفيني اندمجت!!!!!!!
واسواق بو امية ليش ما قلتوها يعني من طقة مانروحلها اقص ايدي اذا مو كل تسوق ماخذين فرة فيها وخم من هالشبابيص










تعالو تعالو نسيتو سوووووووووووووووووووووووووق الجمعة حطوله مظلات وهم مفتشلين منه!!!!!!!!!!!!!!!!!!!! هذا حده حده شعبي اي شي يطري في بالج ولا ما يطري بتلقينه ذا اليوم رحت لقيت نيوتن مبسط بتفاحته اللي طاحت من الشجرة؟؟؟؟؟؟؟؟؟؟؟؟؟؟؟؟؟؟؟؟؟

صاجة بس المحاميد رخيص وفي نفس المستوى واحلى مثل الموعد الشاويش الامتياز وبو 100 كل مكان بتشوفهم سوق الجمعة من اغمى علي قبل 8 سنين مادري عنة ماحب المكشوف مشكورة على الافادة صج ماذكرناهم

حرام عليج اخت kkk وين بتودين ضيوفنا بهالحر تتوثمين فيهم
جو الكويت مو مال هالاماكن والمحاميد منو يروحله الله يهداج
نبيهم ياخذون فكره حلوه عن ديرتنا