من منكم يعرف شي عن شركات كوست نت

شلونكم اخواتى
بسالكم احد يعرف شركه اسمه كوست نت

المشكله اني جتني صد يقتي اتقول الي اشتركي فيه وبتدخل عليج مبالغ بل هبل بس

اسوي مقابله مع كل لي اعرفهم

قمت انا سالت رفيجتي الثانيه وفوي عنه اتقول اشتركت بس لازم اتكزن ين فاضي موب هذي المشكله اتقول انه لزم تشترين منتج من عندهم ااشترت منتج بسعر وايد اشترت سلسه 2500 ريال بل طار المعاش

وبعدين صارت في ضروف صعبه فحبت اتبيع اسلسله قلو له انه ذهب ايطالي وما يجيب له حتى 3 دينار


وانا الحين حدي محتاره اشترك والله ما اشترك احد اسا عدني على اتخذ هذا القرار

وارجو كل من يعرف شي ايفيدني اخبر ني

هلا أختي . ..

في مشايخ حرموا هالشركة واسمها كويست نت

يا اختي تشترين شي تافهة بدبل دبل دبل دبل سعره . . .

وتربحين اذا خليتي ناس تشترك تحت اسمج

لانج بترتفعين وكل ما كثروا المشتركين اللي بتجبينهم بتربحين اكثر . . .

علشان جذي رفيجتج تبيج تشتركين علشان ترفعينها

مثل البناء الهرمي اللي على القمة يربحون من الصغار اللي تحت . . .

والنت عندج اخذيلج فره فيه واقرئي وتعرفين . . .

وممنوع وضع روابط منتديات أخرى

حرام يا اختي حرموها مشايخ

حبيبيتي من باب خبرة بهالشركة انا الصراحة
وااايد جاتلي عروووض من صديقاتي على هالشركة
بس والله انها بس جذي كلام فاضي حده
للعلم خالتي اشتركت اهي و 7 بناتها من حوالي
2 سنتين تقريبا و لي هذا يومج ما حصلتج ولا فلس
و الله على ما اقووول شهييييد
ترى كل خرابييييييييييط

شوفي اختي انا مابي اقولج كلام غير واخليج تغيرين رايج

لكن انا نفسهم كنت اقول شركه مامنها فايده وكنت اعرف عنها من سنه 2007 ودخلتها سنه 2008 يعني صارلي الحين سنتين وانا مابي احلف لج علشان تدخلين لا بس علشان اوضح نقطه بسيطه البنات غافلين عنها

اهي انج اذا اشتغلتي صح زادت فلووووسج نمتي بالبيت مايطلع لج شي انا دخلتها والله راس عيالي ودفنه ابوي اني اطلع من وراها لاني دخلت مع قروب يعطون تدريبات كل اسبوع ومحاظرات

ماتركوني دقيقه بروحي وبديت صح

واذا بترجعين حق المشايخ مافيها شي لانه نظامها بالعموووله نفس بيع العقارات والسيارات

واذا عالمنتج اهو صحيح سعره شوي غالي لكن ماتحصلينه بره وانا ماشريت شي مصنوع من ذهب لانه اول وتالي عارفه ماراح ينباع شريت منتج الطاقه واستفدت منها وايد وفتحت لي موقع ثاني طلبت لي ساعه وساعاتهم معروفه اتباع بالشركه هاذي وبمعرض الوكيل نفس بالمانيا ويبيعها دبلات عن سعر الشركه

وحبيت اوضح نقطه ثانيه للاخت الي ذكرت نظامها هرمي لا غلطانه الهرمي محرم لكن نظامها شبكي نفس الشجر تمتد تحتج وتستفيد والشبكي يختلف عن الهرمي واذا حابه اي توضيح ثاني كلميني عالخاص وانشالله راح افيدج

وانا حاضرة باي وقت وحق اي استفسار

أنا شريكة في كوست نت ألي يقول خرابييط وحرام ما يعرف شي ما يصير الواحد يعطي راية بشغلة او يحكم على شغلة واهوا بالاساس مو فاهمها عدل
وأنا بنفسي بالبداية كنت شاكة وكل ما اسأل أحد يقولي خرابييط ونصب وحرام بس أنا ما اخذ المعلومات الصحيحة والاكيدة بهالطريقة
بروحي دشيت على قوقل وبحثت وقريت واقتنعت والحمدللة ألحين ماشية فيها بمجهودي طبعا ماكو شي بالساهل
ولأي مساعدة او سؤال او توضيح أكثر أنا حاضر عالخاص