شلونكم سيدات اخباركم انشالله كلكم بخيييييييييير حبيباتي انا محتاره حدي انا نفنوف عرسي اوف وايت واخترت المكياج بنفسجي مع موف والكل قال لي انه مايناسب والمشكله اخترت المسكه ع لون الحمره موف شسوي اغيره والا اخليه عفيه فيدوني افادكم الله بكل خير
فيه درجه من الوردي تميل شوي للبنفسجي واللحمي هذا احلى لووون للحمره طبعاا اما عن الشدوو انا مااحب البنفسجي بس اذا دخلتي معااه كحلي والا زيتي يمكن يطلع حلووو سوي سيرج بقوقل واخذي فكره انا شفت البنفسجي ويا الكحلي روووووعه .. وربي يهنييييييييييييج ويوووفقج ويسخر لج زوجج ويجعلج قرة عين له ويجعله قرة عين لج ..
لا بيطلع واااااااااااااااااااااااااااااااايد حلو كسري روتين الاحمر والعنابي والبرتقالي خلي وتوكلي على الله
عسوله وwaha وكيكه ربي يسلمكم عالدعوات الحلوه وبصراحه انا بيضه يعني يلوق علي الالوان هذي ومجربتها بس المشكله انهم يقولون لي مايمشي مع الاوف وايت وشكلي بمشي مثل ماقالت لي كيكه بكسر الوان المعتاده الي ملينا منها وادعولي انه يضبط معاي’’
شوفي حياتي هو حلووووووووو اللون البنفسجي 00000 بس براي لو تسوين الشدووو زيتي سموكي والحمره برتقالي مثل هالصوره ومسكتج خليها مثل هاللون00 وان شاء الله اني اكون افدتج
فديتكم والله ام نوافي يعطيج العافيه حلو طريقتج حطيتي صور وفدتينا بس اللون ماعجبني ياليت البنات يحطون صور الوان العنابي للروج واكون شاكره لكم يالغوالي
لااااااااااااااااااااااااا اخت نونه ابتعدي عن العنابي يلوع الجبد وبيعطيج اكبر من عمرج حرام خلج على لونج ترى والله وايد حلو ويبرز معالم الويه
هلا حياتي رجعت لج ولقيت اللون اللي تبينه البنفسجي بس مدموج بالذهبي عشان يمشي مع الافو وايت تفضي هالصوره0000 وهذي المسكه تقريبا جبت لج نفس اللونين الاصفر بالبنفسجي00 واتمنى يعجبج000
لا ولا عروس بتطلعين مو شي مو حلو حطي مع الاوف وايت حمرا وردي فاتح والشدو بنفسجي مع خفيف اسود مثل اختي كانها لبنانية لاتغامرين البنفسجي كانك ماكلة جاهل وبيعتم المكياج ويتصيرين مو شي بالتصوير نصيحة لوجة الله الوردي للعروس يخلي وجهج في نضارة وحيوية وجمال مو طبيعي الاحمر ودرجاتة لاتحطينة لانة يشين مايزين وهم الوان ام نوافي غريبة وحلوة البنفسجي لاتغامرين جربي بعدين بمناسبة بس عروس لا
مريومه الكويت الله يسلمج ياقلبي عالدعوه عليا ياقلبي والله ضايعه حدي يعني الحين قبل لا اغير بالمسكه واغير لونها شنو اختار اي وردي بالضبط يعني ياليت تحطين لي صور يالغاليه ومثلا المسكه شنو اخلي لونها واختج ربي يوفقها بأي فندق راحت ؟
اختي توكلي على الله انا شفت رفيجة اختي كان نفنوفها مال العرس نفس لونج اوف وايت وحاطه نفس الالوووان وكان رووعه حده ه ه ماشاءالله توكلي على الله والالوووان هذي حلووه وغير من الالولن المكرره ياارب يسعدج ويه*** ويوفقج
