عزيزاتي أنصحكم و محدثتكم منكم و أذكر نفسي قبل لا أذكركم مرات علبالنا إن الريال مو منتبه لتصرفاتنا مرات نهمل نفسنا و نقول بعدين نروح الصالون مرات نقول دام إنه ساكت يعني ما عنده مشكله لا ترى الريال واعي و يسجل عليج كل صغيره و كبيره طيب ليش نفتح باب على نفسنا ليش نعطي الريال حجه و عذر علشان يخون أو يتزوج ثانيه و أول ما تصير مشكله يطلع خمالنا كله جدام الله و خلقه و يطلع تاريخج من أول ما خذاج أنا نقلت كلام متزوج يفضفض و معاه حق كلامه ينطبق على بعضنا لا نكون عاطفيين و نقول إنه ما يفهم أو منو هذا علشان يقول هالكلام إذا كنتي من النوع اللي يتكلم عنه هذا الزوج فاعلمي إنج قاعده تقرين راي ريلج فيج أو الكلام اللي مو قادر يقوله لج و جها لوجه كلام الزوج: وراء كل رجل خائن زوجه مهمله جعلت زوجها آخر اولوياتها يعني الريال اشيبي من زوجته ؟ حقه الشرعي فقط لا غير! اشهور تقعد بخلاجينها لين ينبت لها شنب و لحيه و الريول كأنها ريول واحد من الربع تقول ناريله لكن بس تسمع ان فيه استقبال او عرس طارت الصالون و تسنعت يعني الريل ما تتسنعله لكن زاهبه حق خرابيط الحريم لا و لما ترجع من العرس او الاستقبال ياريت تعطيه ريج حلو " بنام تعبانه حايشني صداع" نامت عليح طوفه شنو رده فعل المرأه لما يقولها زوجها الليله ليله رومانسيه: الفرنسيه تقول بتعطرله و اتمكيج علشان اعجبه الامريكيه تقول بلبسله لبس سك سي علشان أثيره المغربيه تقول ارقص له رقص عمره ما شافه الكويتيه بحط الويز علشان ما يسوي شي صج نكته تبجي ارتفاع حالات الطلاق ليش؟ البنت اتحسب ان الريال ما يعرف شي يعني معاملتها له اي كلام اهتمامها فيه اي كلام اسلوبها معاه اي كلام و تتوقع انه يتحملها اقول يا ذكيه سفره مع ربعه لدول قريبه جدا رايح يلاحظ الفرق و في حريم يدورون الريال المتأذي من زوجته و يعرفون اشلون يسمعونه كلام عمره ما سمعه من زوجته و بعدين لطاح الفاس بالراس قالت اهو خاين اهو مادري شنو يبه من خمالج من خمالج انتي الريال انحاش من ويهج انتي اللي خليتيه يروح حق غيرج انتي ما حافظتي عليه لو كنتي له جاريه لكان لكي عبدا لكن وين اللي يفهم كلام يزعل بس هذي الحقيقه و ما يزعل من الحقيقه الا الجاهل إنتهى كلام الزوج نصيحه إختي الغاليه كلنا يمكن كنا في يوم الأيامن هذا النوع ما فيها شي الوحده تتعلم لكن الغلط إنا نظل على الخطأ إختي العزيزه ثبتي يوم على الأقل في الشهر للصالون و الحمام المغربي إهتمي بنفسج و دلعي نفسج ترى ما عندج شي أغلى من نفسج إنتبهي لايدش عليج الريال و إنتي و حاطه براسج حنه و مقطره على يبهتج لا يدش عليج الريال و إنتي ريحتج مطبخ و عرق لا تاكلين معبوج و ثوم و طرشي و تجابلين ريلج و تسولفين معاه و تنفخين بويها لا تبطلين حلجج و يكون فيه عيش و خضره متعلقه بين ظروسج ترى الحلج من الأشياء اللي تثير الرجل و يعتبرها من الأماكن الجنسيه فلا تنفرينه من حلجج دايما خلج ورده مفتحه ريحتج حلوه شكلج جذاب و لبسج مرتب و أنيقه و ستايل على طول حتى لو كان ريلج من النوع اللي ما يهتم بنفسه و كشخته لما يشوفج جذي راح يتغير
والله معاج حق ادري بس لما يكون ذابحج بفقره ومشاكل مستمره وصيحة عيالج والارهاق والتعب والله تكرهين الدنيا تقولين لويتزوج عشره مو وحده عادي وين لج خلق تسنعين وتعدلين امانه
إختي أقوي الصبر تسلمين الله يحفظج إختي أم جروح إحنا حريم لو نبي نقدر لو صممنا نسوي إذا حبينا ننجز إختي الحبيبه كلها جم ساعه بالشهر و شوفي معامله ريلج لج إشلون بتغير و بعدين ترى الريال أهو راس المال و العيال بيي يوم و ينشغلون بأزواجهم و زوجاتهم و ماراح يبقى لج اللا الشايب عاد شوفي بعد ما تهملينه وين راح يكون بهالعمر إذا ملتزم و إن شاء الله يكون ملتزم راح يكون متزوج عليج و إذا مو ملتزم بيكون بدوله ممن هالدول الدايخه مستقبلج بيدج بعد عمري و شكرا جزيلا على متابعتج
والله كل كلامج صحيح بس اذا الزوجه تعبت من اصلاح خيانة زوجها ومشبعته حتى نص النوم تقومه وتهيجه وتريحه بس المغازلجي مايتوب وطول عمره ذيله عوي الله يهداهم بس وموضوعج اقوى شي تسلم ايدج
اللـــه يعطيج العــافيه...ماقصّرتي كفّيتي ووفّيتي.. هههههه ضحكني الخضره ع الظروس!!!! الرّيــاجيل مايبيّن بعيونهم شي..يامال شقول!! اللـــه يهديهم..
مشكورة اختي ع الموضوع انا بصراحة مومتزوجه بس معاج بكل كلمة قلتيها انا اخوي اعرفه واعرف طبعه متزوج قبل 3 سنوات عسى ربي يهنيه ويسعده ويوفقه المهم والله مالكم حلف علي ولا وحده فيكم حلفتني والله والله والله ان طبع اخوي تغير من تزوج اخوي اللي ماكان يفهم بالرومنسيه صار مافي احن واطيب منه ماشاء الله ع زوجته عسى ربي لايغير عليهم يارب مهتمه بنفسه حيل حيل حيل وكل مره نشوفها بشكل جديد ملاحظة ترى زوجته مو حلوة حيل عاديه بس بنظافتها وكشختها تحسين لها رزة قويه حتى اخوي اللي قبل ماله خلق يودينا سوق الحين ماشاء الله مايرد لها طلب وماينلام وبعدين تذكرو ان الزوج جنتج ونارج اسفه ع الاطاله
معاج حق بكل اللي قلتيه زين الحمدالله انا طبقت كل اللي قلتيه انا اكشخ والبس بس شنو مشكلته المكياج مايبينى احط مكياجج وانا عنده ودي احط بس شسوى البس واكشخ بس بدون مكياج شسوى احس شي ناقصنى ختى مرات اا طلعت وياه ماايخلينى حتى لو مسكره وقلم كحل شسوى
اشكرج صاحبة الموضوع بس اسمحيلي موضوعج كلش ماااااااااااااااااااااااااااااااااااااااااااااعجبني نهائيا واحس انج اتكلمين عن شي مااااتعرفينه اساسا... حبيبتي ماااافي وحده ماااتعرف تكشخ ثلاااااث ارباااع الحريم يكشخوووون كشخه موطبيعيه انا اروح الصااالون واشوفهم بعيوني شلون تنقش فخذها وظهرها نقش حنه عشااان زوجها .. انتي اتكلمين عن فئه قليله جدا جا جدا ينعدون بالاصاااابع ماااظن في وحده اتكلم وحلجها مليااان اكل كل الحريم الي عرفتهم بحياااتي بشرق وغرب اتكيت جدامي وجدااام زوجها احلى واحلوين ..وموكل الرياجيل خاااينين ... ياما وياااما في رياااجيل حريمهم ارف ويلوعون الجبد وريحتها تصرع بس تحملها ولاراااح يدور على حريم من بره تحمل وصبر وصااان بيته وفرجه والله وفقه ..حبيبتي الحين بناااات هالوقت يعرفون النوووون ومااايعلموووون رجااااءا كل الرجاااااء لاتحطين اللوم على الحريم المسااااكين الغلط كله من الريااااااااااااااااااااااااااااااااااااااااااااااااااااااجيل ... واعرف حريم احلى من القمر نفسه ماااتقدريت ترمشين عيونج من جمااالها وانا اعرفهم شخصياااا ازواجهم يخونونهم باليوم10 مرااات وتقولي انها تلبس وتسوي ليالي رومنسيه وتشتري وتقوم وتقعد وحركاااات وتنوم العيال مبجر وتبخر وزوووجها ياااعلاااااااااااام شيسوي من وراها بلاااوي مايعلمها الارب العالمين .. حبيبتي الرجاااال مايملي عينه الا الترااااب لواكشخ واتسنع واسوي سوات مايسويها غيري هم ماااايبين بعينه الاشي قليل الرجاااال لوبيده جااااان تزوج 10 مو 4 ومايكفيه بعد ماااايشبع لوشيصير لحد يحط اللوم على المراااه المراه كااائن بشري ضعيف الله يكووون بعونها والله ....
واللــــــــــه انج صـاجه.. بس بنت الحـــلال قصدهـــا تنصــح مو أكثــر.. الشرهه ع ال..حلو اللي انتقد الحــريم يعني أقص إيدي إذا مو مكـــرش!!وشكــله يجيب المرض ليش مادري بس أحسست بهالإحساس..لا وبعد ظروسه وصخه..ههههههههه.. اختلاف الرأي لا يفسد للود قضيه.. وتسلمون خواتي وحبيباتي..
حلو الكلام بس الاحلى انه الوحده تتعدل وتتسنع حق نفسها قبل لا تفكر بريلها يعني سوي هالشي عشانج مو عشان احد وشوفي انتي نفسيتج شلون بيتغير انا اعرف وحده مثل اللي قلتي عنهم ولمن نسألها ليش ماتهتمين عشان ريلج عالاقل تقول خليه يتعود علي مثل ما انا ماني معودته انه يشوفني على طول حلوه عشان اذا صار مالي خلق عادي يكون عنده متعود على شكلي !!! تفكير غريب
ردود سريعه إختي بهبهانيه كلامج صح ميه بالميه و نفس ما قلتي الوحده لازم تهتم بنفسها لنفسها مو علشان أحد ثاني الخمــــريهـ مايهم إشلون شكل الشخص اللي كتب الكلام المهم رأيه و تجربته مع زوجته الشاامخه أحترم وجهه نظرج و رأيج على عيني و على راسي بس الموضوع هذا عن بعض الحريم اللي لايمكن إنكار و جودهم متوهقه بعمرها إحنا مع رأي الريال يبي نحط مكياج حطينا ما يبي خير و بركه دلال بنت العز و رايه7 و فراوله توت و آهات الليل لذلك نبهنا على الموضوعأخواتي و بعضنا يالهم يوم و لسبب من الأسباب أهملوا نفسهم و يمكن يكون من غير قصد. دلع دلع في بنات يعرفون إشلون يملكون الريال و المسأله بسيطه جدا إذا عرفتي مفاتيح الرجل روميا عفيه عليج حبيبتي ترى في أشياء ما تيي بعيونا شي لكن الريال يقدرها وايد كنافه كويتيه أوافق على كلامج و بشده و لي رد في موضوع ليش الريال يخون للعزيزه جرح الزمان إقريه و بتعرفين رأيي بالخيانه لكن إحنا نسوي اللي علينا و ما نخلي القصور يطلع منا علشان بعدين لما تصير مشكله ما نحس بالذنب و التقصير ولا أحد يقدر يلومنا أشكركم أخواتي العزيزات النقاش الجميل فيه إفاده للجميع أنصحكم بالتعقيب على كافه مواضيع الأخوات حتى نستفيد من تجاربكم في الحياه
ياإختي الفــاضله آنا معــاج انه مايهم شكــله..بس بصــراحه مايعيّب الا المعيوب. .يعني وينه عنها من زمان!! شنو فجأه شافها!!هم مو منطق.. واذا الوحده طبعها مهمله..مراح تتغير لأي شخص كان!! واذا المره نفسها نظيفه وكشيخه..حتى لو زوجها ماتشوفه غير بالصّدفه مراح تهمل نفسها بسبّت اهماله,, أعرف حريم والله مثل ماقلتي بالمناسبات بس يحفّون ويكشخون ..واستغرب حيــــل من هالنّوعيه.. واللــه سبحــانه جميــل يحب الجمــال,, وأشـــكرج حبيبتي..ع الرد واللإهتمام..
يعطيج العافية على الموضوع بس حبيبتي موضوعج يظلم بعض جانب النساء انزين انا اقولج عن تجربيتي بالخيانة انا الحمد الله مقصرت معة ولا مع عيالة ولا بيتة ولا بفراشة بس وش لقيت منة غير الخيانة وحرقة القلب ياختي خليها على الله بس الرجااال بشكل عاااام مايملى عينهم الا التراب الرجااال طول عمرة انااااني مايحب الا نفسة ومصالحة اسمحيلي موضوعج ماعجبني وتقبلي مروري
