: : : : : : : : : : : السلام عليكم بناات ريلي بيطلع معاي ابوي مو راضي و أمي راضيه ابوي تفكيرة مو متحجر بس ليش انا البنت الوحيده عنده وما سبق ان تزوجت عنده بنت فـ مو عارف الطريقة او عباله الناس ماتطلع الحين اهو قبل 25 سنه كان يقول لامي طلعي معاي وامها مارضت:mskket: يعني شوفو شلون اول اهو كان عنده عادي الطلعه مع ان قبل سنين وبنين ايام العصر الحجري والحين مو راضي !!! شلون الحين ما يرضى تهقون ليش؟ للعلم إحنـا حضر:emoticon_U: مع ان زوجي يعرفه ابوي انه راعي اخلاق وجذي يعني ما راح يسوي اللي خبركم امي عارفه عقلي و ظامنتني ان مستحيل يمسكني بس ابوي مادري شفيه مرات اقول ان بيفرض رايه وبس ومرات اقول ان ليلحين يغار علي من أي ريّال حتى لو كان زوجي امي تقول ماكو الا تطلعين واهو ما يدري شبيسوي يعني لان ابوي من الساعه 6 يطلع من البيت ويرجع 11 بليل كل يوم وما إيي البيت فجأة:angel_smile: علبونه زايرين بيت رفيجة امي بنات انا ميته عالطلعه معاه وبخاطري فيها واهو نفس الطريقة شرايكم انتو ؟ أطلع والا لا ؟:sad_smile: وتهقون ابوي بيرضى؟:75_75: ومنو مرت بنفس الموقف ؟ ولو إنتي مكاني بكل صراحه شكنتي بتسويـن؟؟؟؟
هالسالفة صارت حق اختي وليلحين خالي وابوي مايحبون الوحدة تطلع مع ريلها قبل العرس اذا الطلعة ضرورية حق تجهيز اوكي دبريها مع الوالدة بس غير جذي نطري وخل يستعجل ريلج بالعرس عشان يشتاقلج ترا هذي فكرة الاباء عشان ما يحب بنته تصير مره عنده وبنفس الوقت ما يتساهل في الموضوع الريل
أسمعي كلام أبوك ولو الشغلة ضرورية أطلعي معي أمك ولا تخالفي رأي أبوك تخرجي مع زوجك بدون علم أبوك أبيك يثق فيك لا تزعزعي هذه الثقة وتكبرفي نظر زوجك أنك أحترمت رغبة والدك أنامقدرة حرص والدك وخوفه عليك لأن نسمع في قصص تشيب الرأس و أذا زوجك مستعجل يخرج معك يسارع بالعرس ربي يسرأمرك و يفرح قلبك لوكنت مكانك أحترم رغبة أبي ولا أخالفه وهومانحني هذه الثقة
انا ابوي عادي اول ماملجت علي ريلي وعقبها بجم يوم سلمولنا المهر ابوي قال لريلي اخذ مرتك واطلع معاهاا وانا ماكنت راضيه اطلع معاه لان كنت شوي زعلانه على ريلي لانه غصبني البس عبايه ماقالي بهدوء قالي بدفاشه عرفتي بس بالاخير طلعت وتفاهمنا على امورنا الزوجيه ترى العرس هو اشهار للزواج دامه ملج وسلم المهر تقدرين تطلعين عشان تعرفين طبعه واهو بعد يعرف طبعج وتتفاهمون على امور الحياة الزوجيه بس مادري عن ابوج يمكن متخوف من سالفة الطلعه مع الزوج حاولي تخلين امج تسأله ليش؟
انا اول ماملجت عطانا المهر وابوي قال حق ريلي اخذها واطلع معاها وانا طبعا استانست وريلي مستانس جان نطلع بس ساعات كنت اتغلى عليه اقوله مابي مالي خلق او مشغوله يي البيت على طول يسوي نفسه يايب حق ابوي كيكه او هديه حق امي وابوي عشان بس يقعد يشوفني انتي قولي حق ابوج يبا خلني عيل اقعد معاه بالبيت اذا مو راضي بالطلعه
اييي انا اشوفه بالبيت بس بنات بخاطري اطلع معااه أحس وااي صج زوجي البيت كل شي رسمي حتى انا استحي اهو يقول أبي الحيا اللي فيج يخف ومو راضي يخف فـ ماكو الا نطلع :$
انا ما انصح البنت تطلع بالملجه لانه ماتحسين فيها لذه بعد الزواج يصير عادي عندج انا اقول اسمعي كلام ابوج لانه يعرف مصلحتج اكثر الله يستر عليج
لا ياقلبي سمعي كلام ابوك اولى وهو ماينلام اكيد سامع بقصص وخايف عليك وهو عارف مصلحتك وعشان تكبرين بنظر زوجك وانا ضد تطلع البنت مع زوجها قبل العرس حمدي ربك تشوفينه حنا عندنا كلش حتى نظره شرعيه ماكوا ههههههههههههههه مايشوفها غير بالزفه بس يوم العرس الله يووفقك ويسهل امورك ويسعدك ويهنيك ياقلبي
ام نوافي شكرآ لج اختي :$ لووول وتر والله لو انا نفسكم ما اتزوج :| أمبي شلون تقبلون بواحد ماشفتيييه !! لا تقولون الريّال بأخلاقه وتقصون على اعماركم مهما كان تبين شكل مقبول تجابلينه طول عمرج اللهم لك الحمد والله يغير حالكم للأحسن يارب شكرآ لج عزيزتي
هلا حياتي مشتطه انا معاج لازم تشوفين زوجج وانا قبل سنتين متزوجه بالعكس كان يجيني زوجي بالبيت ونقعد اناوياه ويكلمني تلفون عادي وعندنا عادي الوحده تطلع مع زوجها بالملجه بس انا اللي كنت ارفض لانه ابي احس بطعم الطلعات معاه وفي اماكن كنت اروح لها اول ما حسيت بلذتها ووناستها الا يوم رحتها مع زوجي بعد العرس حتى هو يتلهف عليج اذا طلعتي معاه اما اذا طلعتي بالملجه معاه وبعد العرس طلعتي بعد ماراح يحس بحساس المعرس وهذي وجه نظر والله يوفقكم---
انا من رايي تسمعين كلام الوالد اللة يحفظه مستعجلة على شنو لاحقة خير يارب لاتطلعين من وراه سبحان اللة يصير شي وينصدم ابوج منج ومن امج او زوجج اتطيحين من عينه بيقول دام سوت جذيه من ورا ابوها اكيد متعودة على هالسالفة فنصييييييييييييييييييحة من لايفكر بالعواقب لايؤمن بالمصائب واللة يستر عليج ويوفقج
انا مع الخوات بكلامهم افرضى الشيطان شاطر وصار شى خطا ويمكن يقولج ما ابى اتزوج شنو يكون مصيرج ؟ فكرى فيها شوى ؟ حبيبتى كل ما تصيرين بعيدة شوى تلقين الرجال يشتاق اكثر واكثر يعنى ترضين وقت الدخلة كل شى يصير بارد ولا فى حركة ؟ سمعى كلام الاهل لهم خبرة اكثر منج سامحينى على كلامى
انتو وايد معقدين الموضوع اهوا ريلها شرعا ماراح ياكلها .. بالعكس حبيبتي خللي امج تقنع ابوج وتساحله عالاقل تطلعون مطعم تسولفون تروحون تصورون ذكرى والله بتكون احلى ايام تذكرونها فترة الملجه لانها غييير ذكرياتها بتم ببالج ولاتطوفين هالايام عليج استانسي وادلعي بالعكس بس ها ديربالج اجلي الشي الي خبرج ليلة العرس احسن
جبيبتي عندج علبه مسكره وعلبه مكشوفه وش تفضلين وتشتاقين اكيد للمسكره كل مسكر مرغوي وكل مكشوف مايشفى عليه انصحج ماتطلعين معاه يبيج يعجل بالعرس عشان يثق فيج انا ابوج عنده سيطره وشخصيه مو يقول بعدين ابو طلعت وخلته خليه يعرف ان ابوج هيبه
زوجج وعادي اتطلعين معاه واحلى الطلعات طلعات الملجة بس لا تطلعين من ورا ابوج مو حلوة يصير شي ويدري انج طالعة من وراه .. ولا زوجج يدري انج طالعة من ورا ابوج مصيبة ترى مايثق فيج كلش .. حاولي تقنعينه لاتطوفج هالايام ..
