انا متزوجه صارلي 6شهور وماصار حمل اول شهر من عرسي رحت للدكتور وقالي عندي تقرح بيسط بعنق الرحم وتكيس صغير بالمبيض وسويت تحاليل هرمونات وغده وهرمون حليب كله سليم باجي تحليل التبويض ماخلص واخو زوجي تزوج هالشهر وحملت مرته وكلوني الناس بأسئلتهم حيل متضايقه والحمدالله على كل حال
هلاوالله توج حبيبتي ماصارلج الا 6شهور اذ على القرحه انا كانت معي وسويت كي لها وعندي تكيس بعد والحمدلله اذ باقي التحاليل سليمه انا حملت بعد خمس سنين طبعا علاج,,,,,,,, حبيبتي ماعليج من كلام الناس اذ بتسمعين كلام الناس راح تتعبين واهم شي حبيبتي الراحه النفسيه ولا تشغلين بالج بالحمل وكلي امرج لله وكثري من الاستغفار وقيام الليل والالحاح بالدعاء والله يرزقج يارب بالذريه الصالحه......:smile:
حبيبتي عادي ولاتقارنين نفسج بغيرج والله كاتبلج يوم معين تحملين فيه سوي كل تحاليلج والله يكتب اللي فيه الخير
الله يرزقج بالذريه الصالحه عاجلا غير اجلا يااارب ولاتهتمين لكلام الناس وتوج ببدايه عمرج استانسي بحياتج من غير جهال ولاحقه ان شاء الله واهم شي انتي وزوجج متفاهمين والباقي طااااااف وتقبلي مروري
الله يرزقج بالذريه الصالحه ودير بالج علا ريلج ولاتهتمين لكلام الناس اللي الله كاتبه بيصير اعرف ناس ماعندهم اي مشكله بس ماحملوا للحيين صارلهم 6 سنين واخوي ماحملت مرته الا بعد سنتين وماعندهم اي مشكله استمتعي بحياتج مع ريلج ولا تهتمين
انا كنت نفسك رحت عند طبيب دار الشفاء اسمه مصطفى توماس الدور الاول والله تعالجت عنده بس شهر والشهر الثاني حملت الله يرزقك لاتسمعين كلام الناس ادعيلي اكون حمل:teeth_smile:
السلام عليكم حياتي توج متزوجه يعني استانسي بزواجج وانا فيني تكيس بالمبيض وبفضل الله حملت وعادي وكلام الناس واجد مراح تخلصين منهم
