شلونكم بناتأرجو الإفادة أنا سويت أشعة الصبغة وقاللي الدكتور إن عندي أنبوب مسكر وقال لازم يسوي منظار عشان يشوف الرحم والمبايض بس آنا قلت ماني مسوية المنظار لأن قلت أشعة هذي المفروض تكون واضحة تقريبا جنها أشعة مقطعية فما أدري شحقه يبي يسويها .... سؤالي : في علاج لتفتيح الأنبوب المسكر بدون منظار أو غيره أدوية مثلا ؟ اللي فيها نفس حالتي تفيدني please :75_75:
حبيبتي نصيحه لج استمري مع الدكتور يعني انتي سويتي الخطوة الاولى كمليها يمكن هي العلاج .....ممكن سؤال منو هالدكتور ..لاني بسوي اشعة الصبغة ان شاء الله بس ادور دكتور فاهم وشاطر وسمعت ان البخور يفتح الانابيب المسكرة واللي اهو قشر بصل وكمون ومرة
اختي انا نفس حالج تماما مافي فرق بينا سوي عمليه المنظار لان المنظار راح يفتحون الانبوب حقج عرفتي واذا في التصاقات يشيلونها وتتضاعف عندج فرصة الحمل بس انا قبل ما اسوي المنظار عندي موعد يوم الاثنين اسوي سونار مائي عشان يشوفون تجويف الرحم وبعدها يسوون المنظار الشهر الجاي اذا ربي كتب لنا عمر وربي يرزقج بالذرية الصالحه
آسفة تأخرت على الرد لهيت براس السنة واللوية .... تولي والله ريلي خايف علي أسويها بس بشوف دكتوري لأن هذا حجي دكتور بمستشفى الفروانية فمادري ؛ وسويت الأشعة في مستشفى الأمومة والله خوش مستشفى والأشعة اهي سهلة بس آنا بطبعي أخاف مع إن ماتعورت و ايد بس الخوف ودكتوري اسمه محمود .... دانة الدنيا صح آنا معاج نفس الحالة تقريبا بالضبط انتي مجربة المنظار من قبل في ناس قالولي لاتسوين لأن يعورج عقب ... وبعدين شنو السونار المائي أول مرة أسمع عنه .. وطمنيني عليج ان شالله خير يارب .. ناطرتج بالتوفيق ..
حبيبتي ادعيلي باجر موعد السونا المائي يقولون هذا لازم تسوينه حتى الي بتسوي تلقيح صناعي عشان يشوفون تجويف الرحم ويشوفون اذا في لحميه او زوائد عرفتي يعني فحص دقيق
دانه ضروري باجر اطمنينه عليج وتقولين لنا شصار معاج .. وبعدين شلون بتسوينه لازم بنج والا شنو ؟ وربي يوفقج إن شالله
الحمد لله سويت السونار المائي لا ما يعور ولا شي سونار عادي بس يحطون ماده سائله نفس الماي نفس الفحص العادي بس للأسف قالولي ما قدرنا نشوف شي بس الي مبين انه في شي عشان جذي حطولي موعد اخر الشهر عملية منظار
يالله ألف الحمدلله على السلامة والله اليوم ذكرتج فقلت خلا أشوف شصار معاج ... بس ليش ما بين شي عيل ما منه فايدة يالله الله يعين يارب ... وين سويتي السونار ؟ واذا بتسوين منظار قولي شصير وياج
هاي بنات بسألكم منو سوت منظار اللي بنج كامل ويشوفون المبايض والرحم ويفتحون الأنبوب وقاللي الدكتور : ان بسوي شق تحت السر ، وزوجي من درى بالشق قاللي لا تسوين ... فقلت أسألكم يمكن في أحد مسوي .. قولولي رجاءا لأن لازم هالأيام اسويها
حبيبتي استخيري وتوكلي على الله واللي سمعت فيه ان الشق هذا طوله واحد سنتم والله اعرف وحدة ماخلت مكان وبعدين قالولها ان عندها انبوب مسكر بعدين فتحوه لها وحملت على طول ,,,,, عسى ربي يوفقج ويرزقج الذرية الصالحة
انا نفس الكلام قالوالي والشق واحد سنتي يعني مابين كلش ولي اعرفه بنج كامل انا اخر الشهر اسويها توكلي على الله بس متى تسوينها ؟؟
والله يا دانة للحين ما حددت بعد بس الدكتور اللي بالحكومة قاللي ايي له الأثنين عشان يحدد لي موعد والخاص قاللي غقب ما أخلص الدورة ... بس انتي وين بتسوينها ؟
والله اليوم أهلي وزوجي هونو فيني ... أمي راحت اسألت دكتورة بمستوصف قسم النسا وقالت ما يحتاج أسويها لأن ممكن مع الوقت ينسد الأنبوب مرة ثانية مع الوقت ... فقالت ممكن على أنبوب واحد يصير حمل بس آخذ منشطات ومقويات وان شالله الله كريم .. وهم ريلي مو راضي بعد أسويها ... فقلت خلاص خيرة وعلى الله .. قلت بكثر قراية القرآن وأدعية وربي يتقبل مني إن شالله
دانه اليوم أنا رحت مستشفى الفروانية وقلت لهم أبي تحويل عشان اسوي أطفال أنابيب ، أول شي ما رضا قال ليش يأستي ونطري ومن هالحجي اللي ماله داعي ، بالأخير راح كلم استشاري بالغرفة الثانية ووافق... وقال أستلم ورقة النقل يوم الأربعا ... ولما آخذ الورقة وأروح احدد موعد أكيد راح يكون الموعد بعيد اللي سمعته إن مواعيدهم بالأشهر والسنين راح آخذ منشطات أنا زوجي بهالفترة يمكن أحمل فيها بدون العملية هذي ... وكله على الله والحمدلله ...وراح الحين استمر مع دكتور محمود بمستشفى الأمومة اهو اللي باخذ المنشطات عنده ويتابعني لين يجي موعد أطفال الأنابيب ...
