" أنا ليش محجبة؟ "

السلام عليكم ورحمة الله وبركاته


" أنا ليش محجبة؟ "


أنا محجبة - بعد إيماني بأمر الله إن الحجاب فرض على كل مسلمة - عشان الأسباب التالية:



1 - عشان انا حرة … مو من حق احد يشوف مني اللي ما اباه يشوفه إلا بإرادتي … ومن حقي اختار منو اللي يشوف مني أجمل ما عندي .. واللي يشوف هذا ويكون حقه وحلاله بلاله عن طيب خاطر.. لازم هو بعد يعطيني مشاعرو واللي باقي من عمره عن طيب خاطر…




2 -عشان أنا غالية .. ماينفع أقلل من قيمة نفسي واخليها عرضة لكل العيون .. و تستوي طلعتي وانا كاشفه ضوء أخضر لكل من هب ودب يسرق مني ولو نظرة لأي جزء مو متغطي مني .. حتى لو ما كان هذا قصدي … بس ما بقدر امنعه… (كامل اعتذاري لغير المحجبات.. ولكن هذا إلي بتسوينه لضعيفي النفوس حتى لو ماكان هذا قصدك.. وهذا إلي عشانه ربنا فرض الحجاب . عشان مايطمع اللي في قلبه مرض) … مع الأخذ في الاعتبار انه “كل من هب ودب ” مو بس الشباب اللي يعاكسون البنات في الشارع .. هذا يتضمن حتى ال**ّال الله يكرمنا ويكرمكم .. كل هاييل من الممكن انهم يشوفونج … لا وحتى يمكن مااتعجبينهم ويلفون ويوههم



3 -عشان أنا باحترم نفسي .. وجايفة نفسي كبيرة ولها قدرها .. وماينفع أنزل سوق المنافسة في الأنوثة عشان أفوز في الآخر بنظرة شهوانية أو كلمة غزل رخيصة أو عرض صداقة(غير شرعية) …



4 -عشان انا جمالي مب خارجي وبس.. ومن حقي ان اللي بيي يتزوجني .. مايختارني على مقاييس شكلية وبس .. أو يكون هو هذا العامل الأساسي في اختياره لي … عشان جي مب ضروري يشوفني في كامل زينتي وجمالي قبل ما يتزوجني . . الأهم انه يحب روحي ويعجب بشخصيتي .. ويرتاح معاي نفسياً.. ( في بنات بتأجل الحجاب لحد ما تتزوج.. على أساس انها تكون شبكت واحد وضمنته .. واللي اختارها عشان جمالها .. ممكن بكل بساطة يتزوج عليها وحده أجمل منها.. لأن أكيد في الأجمل منها يعني)



5 -عشان أنا أخاف على أخوي في الله اللي بيشوفني في الشغل أو في المواصلات أو في الشارع .. ويمكن يكون يبغى يتقرب من ربنا .. ويالس يجاهد نفسه عشان يغض بصره.. فما ارضى لنفسي اني اكون سبب في اني افتنه..

((هذا اكتر شي عجبني بصراحه لان في واااايد من البنات يقولون مساله الحجاب حريه شخصيه بس هذي النقطه وضحت ان حريتك الشخصيه المفروض ماتتعدى حريات الاخرين ))



6 -عشان أنا بشيل هم أخوي في الله اللي في خاطره يتزوج ومب قادر لضعف إمكانياته الماديه .. فمب ضروري يعني ازود عليه همومه..



7 -هذا غير شي مهم بعد … الكفن تبع النساء.. فيه حجاب .. فاللي ما تلبسه وهي حيه بإرادتها طاعة لله.. بتلبسه جي جي وهي رايحه لقبرها.. وطالما الله يقول اننا نتستر حتى واحنا رايحين قبورنا وخلاص انتهى التكليف … ومحد بيجوفنا ولا احد بيطمع فينا .. يعني مالها معنى اننا نمشي كاشفيين لكل العيون واحنا أحياء نرزق.. و اني اطيع الله بإرادتي وأقابله وهو راضي عني واخذ أجري كامل.. ولاّ اني ما ألبسه غير وانا جثه واقابل ربي وهو غضبان علي؟


والأسباب اللي فوق هذي .. هي اللي فهمتني ليش الله فرض علينا الحجاب.. مو تعسير ولا تضييق .. الحجاب فعلا عزة وكرامة.. ما تعرفها غير اللي ذاقت طعم الستر..

الله يهدينا ويهدي بنات المسلمين




وأخيرا..... ليش البنات نسوه .؟! هل نسوا أنه في جنة الخلد.....فلماذا لا نضحي بالدنيا للآخرة التي لا ريب فيها لا ريب فيها لا ريب فيها .... فكروا فيها يا حبيباتي.

الموت حق وكل شيء له نهاية، بعدها ننتقل إلى حياة أخرى ( البرزخ و الجنة أوالنار ) والله أرحم الراحمين .....

يا الله يا كريم

يزاج الله خير حبيبتي

يعطيييج العاافيه